TÈSÀLÒNÌSYƐŊ 5:11 - Bafia Nouveau Testament

¹¹ Fɔɔnnɛ ɓì ghɛ̀ɛ̀sɛɛ kì faafàlɛ̀n mìniìɓɔmiɗ ìtèɗ, ɓì kì feèfègsɛ̀n mìni rì mìni yɛ̀ɛ ɓì ti ɓiì kìkii.

TÈSÀLÒNÌSYƐŊ 5:11 Iomraidhean Croise

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 15:2

Mum ǹcèm ànɛ ɓi ɓìsi à ghɛ̀ɛ̀sɛɛ kì puɓsii geni nɗem ɓi kìɓan ki ki rɔɔtɛɛ, lɛ a siìrag nyi ɓi rìgherɛ̀n.

1 KƆ̀RƐ̀ŊTYƐŊ 10:23

Tì rì rì ìtèɗ wulɛ tì kì ɓìɓan ɓìcèm ɓi tì kɔ̀ni, nni àa ɓìɓan ɓìcèm ɓyɛɛ ri rì gɛɓsɛ̀n. Tì rì rì ìtèɗ wulɛ tì ki com kìcèm wɔ̀lɛ àa kìcèm kɛɛ kìki lɛ ŋwaa siìrɛn ɓi rìgherɛ̀n.

1 KƆ̀RƐ̀ŊTYƐŊ 14:12

Fɔlɔɔ nnɛ yɛ̀ɛ ɓi kaakaa mɛfaà mɛ Nghay, ɓì ghɛ̀ɛ̀sɛɛ kì kaà lɛ di ɓyàa ɓaa rì mɔ lɛɛ̀gwey wɔ̀lɛ kɛɛ ɓa fɔlɔɔ ɓisuulɛ kìseŋi ki Kiris kɛɛ ɓa rì ìtèɗ.

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 14:5

Nkɔ̀nkɔn lɛ di mìni ɓɛ̀sɛ̀ɛ̀ ɓɛ̀cèm ɓyàa tòtoogh ɓìkènekènè ɓi ɓitòkì, wɔ̀lɛ m̀ɓiisɛɛ tì kìkɔ̀ni lɛ ɓi kpaàkpàŋzì ɓìɓan ɓi Bɛ̀ll lɛ ŋwaànɛ a kpaàkpàŋzì ɓìɓan ɓi Bɛ̀ll à cee ŋwaànɛ a tòtog ɓìkènekènè ɓi ɓitòkì, di ki cee ɓi lɛ roànɛ a tòtog ɓìkènekènè ɓi ɓitòkì à ghagsii ɓum com ki à kpaa, lɛ kɛɛ fa kìseŋi kìcèm ìtèɗ.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

EFÈZYƐŊ 4:12

À kìghà fɔlɔɔ lɛ di ɓɛ̀gherɛ̀n ɓɛɛ tɔɔ̀ ɓɛ kpaŋ ɓi nɗɛli wu ɓɛ ri lɛ ɓɛ ki kìsay ɓi rìtoŋ ɗi nyoo ì Kiris.

EFÈZYƐŊ 4:16

Lɛ nyi nnɛ nyoo bimiɗ ì ti ì kìlàg lɛ, ì tɔɔ, ì ki toŋɗɛn yɔ̀miɗ ɓi nkɔ̀nɛ̀n ɓi ɗùm lèg ànɛ à ghɛ̀ɛ̀sɛɛ rì ɓìkàɓ ɓi miì ɓìcèm; nyoo ìnɛ̀n ì rì ǹwògakɛn lɛ syeesyee ì ki ɓa nɗàrakɛn lɛ kpeg kpeg rì gòga yìcèm yi ì rì rì yɔ̀.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

2 PYƐƐRI 1:12

Kìɓan kiǹ kɛɛ̀ki ǹɗì lɔŋ mini ɓiì yiiyitàg ɓìɓan ɓiǹ cààmɛ̀n kìcèm kaa soo rì lɛ ɓì mɛ yi ɓyɔ, ɓì ki ɓa ɓɛsììrɛn lɛ syeesyee ɓi saaɗ ànɛ ɓì tekà.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.