TÈSÀLÒNÌSYƐŊ 5:10 - Bafia Nouveau Testament

¹⁰ ànɛ à wughà ɓisu wis lɛ ti ghɛɓ ɓɛ̀ràrɛn ɗì nyi, nsoò tyàa mɛ wu, nsoò tyàa kaka cem yɛ̀ɛ à risugtìì.

TÈSÀLÒNÌSYƐŊ 5:10 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

ZYAŊ 10:11

Mɛ̀ yɛɛ ri syeesyee à m̀ɓèŋì-jɔ̀ɔ̀. Syeesyee à m̀ɓèŋì-jɔ̀ɔ̀ a falag cɛɓ kii ɓisuu jɔ̀ɔ̀ yii.

ZYAŊ 10:15

lɔŋ yɛ̀ɛ Tààta à yii mɛ̀, mɛ̀ ǹki yi Tààta; mɛ̀ ǹki faa cɛɓ kɛ̀m ɓisuu jɔ̀ɔ̀ yɛm̀.

ZYAŊ 10:17

Tààta à keesii mɛ̀ ɓisuulɛ, ǹfaa cɛɓ kɛ̀m lɛ di nki teeti kɔ.

ZYAŊ 15:13

Ǹkɔ̀nɛ̀n àdɛŋ à cee ɓi anɛ lɛ, mum a fa cɛɓ kii ɓisuu mɛghan mii.

RÒMƐŊ 8:34

Ghɛn yɛ̀ɛ rì min ɓɔ ɓiì faà bɛ̀lɛn? Yeesus Kiris à rì roànɛ à wughà, kɛ̀ɛ ki sugtɛn lɔŋ lɛ foo, à ghèmɓɛ̀n yì a ɓìloŋ, à rì ɓi weèlem à Bɛ̀ll, a ɓɔ̀ɔɓɔ̀ŋzì ɓisu wìs.

1 KƆ̀RƐ̀ŊTYƐŊ 15:3

Ǹlokà mìni kìghagsii rirèsì ɗi mɛ̀ɛmiɗ ǹtekà girig, ɗyɛɛ ri lɛ: Kiris à wughà ɓisuu ɓiɓe ɓis lɔŋ yɛ̀ɛ ki ɓaghà kì kànɛn.

2 KƆ̀RƐ̀ŊTYƐŊ 5:15

À wughà ɓisuu ɓum ɓɛ̀cèm lɛ di ɓumɓɛ ɓɛ kaka cem ɓɛ̀ kɛɛ̀ ghɛghɛɓ ti ɓisu waa wu ɓɔmiɗ, ɓɛɛ ghɛɓ lɔŋ ɓisuu roànɛ à wughà, à ki ghèmɓɛn ɓisu wàà.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

TÈSÀLÒNÌSYƐŊ 4:15

Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

TÈSÀLÒNÌSYƐŊ 4:17

Ajɛ̀m ìnɛn, ɓìsi ɓumɓɛ tì ɓiì ɓaà di tì kaka cem, ɓɛ rì ɓìsi ɓiì terì ǹɗaŋ ri ɓɔ, tì ɓɔg ɓi ɓìkwìɗ lɛ tì tuùsɛn rì Kan ɓi nlɛŋlɛŋ̀. Fɔlɔɔ nnɛ tì ɓiì kɔ̀kɔrii ri Kan cààmɛ̀n kìcèm.

TÈSÀLÒNÌSYƐŊ 5:6

Fɔlɔɔ nnɛ tì ghɛ̀ɛ̀sɛɛ ɓi min kilalì yɛ̀ɛ ɓɛro ɓɛm̀bog; ti kɔ̀riina lɔŋ cem, tì ɓèŋɗɛ̀n ɓi kìɓan ki mɛrɔ̀g.

TIMOTE 2:6

nnyɛɛ falɛ̀ngà nyimiɗ lɛ a leɓ pon anɛ ɓi gòri ì ɓum ɓɛ̀cèm; fɔlɔɔ a rì kìɓan ki ki kilɛ̀ngà, ɓi cààmɛ̀n ki ki ɓaghà kìsiŋdɛn,

2 TIMOTE 2:11

Jɛ̀ɛ̀ ìnɛ ì rì saaɗ: I tì wughà nɗaŋ ɗi nyi, tì rì girig ɓiì ghɛɓì nɗaŋ ɗi nyi.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.