TÈSÀLÒNÌSYƐŊ 4:9 - Bafia Nouveau Testament

⁹ Ki ghɛɓsii ɓi com lɛ ti kaǹ mìni kìɓan ki ǹkɔ̀nɛ̀n à rìgeni, ɓisuulɛ Bɛ̀ll nyimiɗ a rèsàkà mìni kìɓan ki ɓi ǹkɔ̀nɛ̀n ànɛ à ghɛ̀ɛ̀sɛɛ kì ɓaà ɓi nyìinyìm wìn.

TÈSÀLÒNÌSYƐŊ 4:9 Iomraidhean Croise

MATYOO 22:39

Ki kiɓɛ̀ɛ̀ ki ki pisɛɛ kiǹ ki ri lɛ: Keesi romum ànɛ wɔ̀ jàŋbog yɛ̀ɛ wɛ̀ɛmiɗ.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

2 KƆ̀RƐ̀ŊTYƐŊ 9:1

Ki ghɛɓsii ɓi com lɛ nkaǹ yì mìni ɓi kìɓan ki ki seesee gɛɓsɛ̀n ìnɛ yɛɛ̀ kɔ̀ɔkɔnɛ̀n ɓisuu ɓɛgherɛ̀n.

FÌLÌPYƐŊ 3:15

Ɓìsi ɓɛ̀sɛ̀ɛ̀ ɓɛ̀cèm ɓɛ tì ti ɓɛ̀sɛ̀ɛ̀mɛn ɓi cɛɓ ki ɓi nghay, tì ghɛ̀ɛ̀sɛɛ kìɓaà rì fèg ànɛn; nni i ki kpaŋi lɛ ɓì wooghrɛɛ ɓi jɛ̀ɛ̀ ɓi kìɓan kidɛŋ Bɛ̀ll à rì mìni ɓiì lomi kitɛɛtɛn ɓi kìɓan kiǹ.

TÈSÀLÒNÌSYƐŊ 5:1

Ɓɔɔsoŋ̀, kìɓan ki ki seesee cààmɛ̀n, nsoò lɛ gòn inɛ ɓìɓan ɓiǹ ɓi ri ɓiì kìlɛɛ, ki yiìdi lɛ ɓɛ kaǹ mìni kɔ.

EBIREEGH 10:16

Kan lɛ: Bee inɛ ǹɗì ɓiì renì ɓi nyìinyìm ànɛ lɛ rì mɛ̀ rì ɓɔ, ajɛ̀m ì mɛ̀ru mɛ̀n ì rì ɓiì ɓaà fɛlɛ: Ǹɗì ɓiì foŋì ɓìdɔ̀gsɛna ɓyɛm̀ ɓi mɛ̀rem maa, ǹkàn ɓɔ ɓyɔ ɓi nto. À ɓɔ̀ɓ min lɛ:

EBIREEGH 13:1

Sììrɛɛna ɓi nkɔ̀nɛ̀n à rìgeni.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

1 PYƐƐRI 4:8

Kìɓan ki asu ki ri lɛ: Ɓaana rì ǹkɔ̀nɛ̀n ànɛ kɛ̀ɛ lɔ̀gtɛn ɓi nyìinyìm wìn, lɛ ǹkɔ̀nɛ̀n à ti à lɔkì ǹkun wu ɓiɓe.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

1 ZYAŊ 2:10

Ŋwaànɛ à keesii geni yɛɛ ri ɓi kìtɛɛtɛn; kìɓan ki kɛ̀ɓtiyɛn nyi fìɓàg ki yin a lɔ̀ŋkii.

1 ZYAŊ 3:11

Lɛ jɛ̀ɛ̀ ìnɛ ɓì wokà à tumɛ̀n a rìtumɛ̀n ì rì lɛ: Ti kɔ̀nɛɛna ɓìsi rì ɓìsi.

1 ZYAŊ 3:23

Ǹsiŋdɛn wu à faa ɓìsi wɛɛ̀wu lɛ, ti gherɛn Yeesus Kiris à Man wiì, tì ki kɔ̀nɛn lɔŋ yɛ̀ɛ Kiris à siŋdɛ̀ngà ɓìsi lɛ ti kɔnɛn.

1 ZYAŊ 4:21

Kìdɔ̀gsɛna ki Kiris à faghà ɓìsi kɛɛ̀ki lɛ: Ŋwaànɛ à keesii Bɛ̀ll, a keèsì girig geni.