TÈSÀLÒNÌSYƐŊ 4:6 - Bafia Nouveau Testament

⁶ Ɓi kìɓan kiǹ ŋwaàɗɛŋ à ghɛ̀ɛ̀sɛɛ ɓi ki yègsiì geni, nsoò lɛ à kì nyi kìɓeɓtàg ki nɗem, lɛ Kan à ti à rɔ̀gì ɓìɓan ɓiǹ lɔŋ yɛ̀ɛ tì mɛ kì lɛ, tì kpaa mìni, tì ki rèsi mini.

TÈSÀLÒNÌSYƐŊ 4:6 Iomraidhean Croise

MARIKUS 10:19

Ù yii ɓìdɔ̀gsɛna ɓi lɛ: Kɔ̀ɔ wey mum, kɔ̀ɔ kì fisɔ̀mɔ̀g, kɔ̀ɔ yii com ki mum, kɔ̀ɔ pwàà mum kìɓan ɓi nyoo, kɔ̀ɔ kì mum kìɓe, nyaasi soŋi ɓɛɛ̀ gaa.

LUKAS 12:5

Ǹɗì mìni ɓiì rèsii ŋwaànɛ ɓì ghɛ̀ɛ̀sɛɛ kì risii; risiina roànɛ à rì rì ìtèɗ wulɛ à wey, à ki pìg mini ɓi ɗuu ɗi fiɗyàɓ fikɔ̀ɔ̀; ǹkalii mìni ɓi saaɗ lɛ, nyi nnɛ ɓì ghɛ̀ɛ̀sɛɛ kì risii.

LUKAS 16:28

A kɛǹ ɓɔ kìwogsii ɓiɓan ɓi, di ɓɛ̀ kɛɛ̀ yù girig ɓi jàŋ i rìkɛŋ ìnɛ mɛ̀ ǹɗi miì ìnɛ.

RÒMƐŊ 1:18

Bim i Bɛ̀ll ì ti ì rèsàg yì aɗyoo ɓisuu kiɓe kicèm, rì kìtɛ̀ŋtɛ̀ŋ kicèm ɓi ɓum ɓɛ ri rì ɓyɔ, ɓyɛɛ ɓanɓani saaɗ ɓi rìkpàn ɓi zɛ̀ɗ aɗyòò;

RÒMƐŊ 12:19

Mìni ɓɛ̀geni ɓɛ̀m ɓɛ nɗem, kɛ̀ ɓi rɔ̀ŋ kiɓan kin miniì ɓɔmìɗ, kìɓan kifog càrina lɛ Bɛ̀ll a saɗ bim yiì, lɛ ki ri kì kànɛn lɛ: Kan lɛ: Mɛ̀ yɛ̀ɛ ghɛɛ̀sɛɛ rì rɔ̀ŋɗɔ̀ŋ, mɛ̀ yɛ̀ɛ ghɛɛ̀sɛɛɛ kì lèɓi.

RÒMƐŊ 13:4

Rìlàmì ɗyɛɛ̀ kìki Bɛ̀ll kìsay lɛ ɗyɛɛ toni wɔ̀ lɛ u ki kìrɔɔ, kìɓan kifog i ù kìi kìɓe, ù ghɛ̀ɛ̀sɛɛ ɗyɔ kì risii lɛ àa zɛy nnɛ ɗi ri rì ìtèɗ wulɛ ɗyɛɛ pɔnɔ̀sag ɓum; ɗyɛɛ̀ kìki kisay ki Bɛ̀ll lɛ ɗyɛɛ resi bim yiì ɓi ɓɛg ànɛ ŋwaànɛ à kìi kìɓe.

2 KƆ̀RƐ̀ŊTYƐŊ 7:11

Ghɛɛna kɔm̀ ɓìɓan ɓi bim inɛ ɓìi nwoogh yɛ̀ɛ kɛɛ̀ kɔ̀ngi Bɛ̀ll ìi nkìi mìni; ghɛɛna rìkuu ɗi ritɔ̀n ɗi ìi faa mìni, ɗì rìkuu ɗi ɓi kpaakpaàsɛ̀n, ɗì rìkuu ɗi ǹ-yeesɛ̀n ɗi ɓì rì rì ɗyɔ ɓi mɛ̀rem, rìkuu ɗi kiɗyɔn ɗi ɓì rèsii, rì coo zày ìnɛ lɛ di ɓyàa ghɛɛ̀dii mɛ̀, ghɛɛna ɓà coo rifalɛ̀n ɗi ɓì ti rì ɗyɔ, rì coo rikɔ̀n ɗi lɛ ɓi pɔnɔsi kìɓe. Ɓìi nɗèsii zàɓ yi aɗyoo yìcèm lɛ ɓìi n-yisɛɛ ɓi ri kìɓan kiǹ.

GÀLAT 5:21

Yàaka, rìŋwaŋ ɗi mɛrɔ̀g, dili rì mɛ̀kuu mɛ ɓiɓan mɛ fɔlɔɔ. Yɛ̀ɛ ǹlokà mìni kì kpaà, nni ǹɗɔ̀gsɛɛ tì mìni lɛ: Ɓumɓɛ ɓɛɛ̀ kìki ɓiɓan ɓiǹ, ɓaa ghɛn ɓi kilɔ̀ŋ ki Bɛ̀ll.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

TÈSÀLÒNÌSYƐŊ 2:11

Ɓì yii girig lɛ tì ghɛɓkà rì mum ǹcèm ànɛ ɓi mìni fɛlɛ yɛ̀ɛ seŋi à rì lɛ à ghɛɓ rì ɓɔn ɓii.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

EBIREEGH 2:6

Kɔlɛ ŋwaàdɛŋ à kpaaghà jàŋ idɛŋ ɓi kaàtà à Bɛ̀ll lɛ: Mum innɛ cɛ, ɓi ɗi lɛ wɔ̀ Bɛ̀ll u yitag nyi? Nsoò man à mum, à rì cɛ lɛ u teki ntɔɓ ɓisu wìì?

ZYAG 2:6

Nni i mìnii mɛ sɛɛti soghàsogha! Àa ɓɛ̀guŋgum ɓɛɛ ti ɓɛ yeesàg mìni, ɓɛ kɛnkɛ̀n ɗì mìni ɓi naa yi ɓɛyɔ̀m?

ZYAG 5:4

Ghɛɛna lɛ mɛ̀lèɓ mɛ ɓɛ̀kìì-ɓìsay ɓin ɓɛ ɓɛ saŋsàŋgà mìni ɓìɗilàg ɓi dɛm yin, mɛ ɓì ki ɗighà, mɛɛ̀ rɔŋɗɔŋ ɓikiŋ, ɓìkukug ɓi ɓɛ̀saŋì-mɛ̀saŋ ɓi mɛ kɛ̀n ki kpaŋì ɓi mɛ̀reè mɛ Kan à mɛ̀raŋ mɛ wɛ̀y.