TÈSÀLÒNÌSYƐŊ 4:4 - Bafia Nouveau Testament

⁴ Mum ǹcèm ànɛ ɓi mìni, à ghɛ̀ɛ̀sɛɛ kìyiì rìɓèŋ ɗi nyoo yìì ɓi rìtɛn, à ɓèŋɗɛ̀n lɛ a ɓa mum à saaɗ, ɗì rìmum;

TÈSÀLÒNÌSYƐŊ 4:4 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 9:15

Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl.

RÒMƐŊ 1:24

Kìɓan kiǹ kɛɛ̀ki Bɛ̀ll à cìtɛ̀ngà ɓɔ ɓi ɓìɓan ɓi tifin, ɓi mɛ̀rem maa mɛ ɓiisɛ̀ngà kì kɔ̀ni, fɔlɔɔ nnɛ ɓɛɛ̀ sòosoòtì nyoo yaa yi ɓɔmiɗ.

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 6:19

Ǹkpaa fɔlɔɔ yɛ̀ɛ ɓum ɓɛ ti ɓɛ kpaaghì ɓisuulɛ, ɓì rì rì ìɓwɛɗ ɓi nyoo; fɛlɛ yɛ̀ɛ ɓì càɗkà ɓìkàɓ ɓin ɓi nyoo lɛ ɓyɛɛ ɓa ɓɛ̀kpàn ɓi rìkì ɗi ɓiɓan ɓi tifin, rì kìɓùùsì, lɛ ɓi ghɛɓ cɛɓ ki ɓùùɓuu, fɔlɔɔ nnɛ càrina ɓyɔ ɓigomìnɛ lɛ ɓyɛɛ ɓa ɓɛ̀kpàn ɓɛ saaɗ di ɓi ghɛɓ cɛɓ ki ki ri kìtɛnɛn.

1 KƆ̀RƐ̀ŊTYƐŊ 6:15

Ɓì yii ɓi lɛ nyoo yin yi ri ɓìkàɓ ɓi Kiris? Nni ǹɗì nya lɛ ǹteɗ ɓìkàɓ ɓi Kiris lɛ nghaasi ɓyɔ ɓìkàɓ ɓi giɓ a rìɓàmɓà?

1 KƆ̀RƐ̀ŊTYƐŊ 7:2

Kìɓan kifog, ɓi ɗi lɛ cɛɓ ki tisɔ̀mɔ̀g kɛ̀ kɛɛ̀ sàà, baŋì bimiɗ ì ghɛ̀ɛ̀sɛɛ kìɓaà rì giɓ wiì à nyimìɗ, giɓ bimiɗ à ɓa rì yii wiì.

1 KƆ̀RƐ̀ŊTYƐŊ 7:9

Kìɓan kifog i mɛ̀rem maa mɛ ɓanɛɛ ɓi, ɓɛ ghɛɛ̀sɛɛ kì wɔlɛɛ, lɛ ki pɔɔzii kìɓaà kìrɔɔ lɛ mum a wɔlɛn, à cee lɛ a wuwu dudug.

2 KƆ̀RƐ̀ŊTYƐŊ 4:7

Ɓìsii tɛtɛɛgh ìkum wiǹ ɓi ɓìbɔkɔ̀ ɓi ɓi ri ɓì kìyɛn ɗi fyòò, lɛ di kɛɛ ghɛnɛn lɛ tɛntɛ̀ɛ̀n lɛ coo itèɗ wu kuukuùghràkɛ̀n wiǹ, wu yin itèɗ wis, wu ri ìtèɗ wu Bɛ̀ll.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.