TÈSÀLÒNÌSYƐŊ 4:17 - Bafia Nouveau Testament

¹⁷ Ajɛ̀m ìnɛn, ɓìsi ɓumɓɛ tì ɓiì ɓaà di tì kaka cem, ɓɛ rì ɓìsi ɓiì terì ǹɗaŋ ri ɓɔ, tì ɓɔg ɓi ɓìkwìɗ lɛ tì tuùsɛn rì Kan ɓi nlɛŋlɛŋ̀. Fɔlɔɔ nnɛ tì ɓiì kɔ̀kɔrii ri Kan cààmɛ̀n kìcèm.

TÈSÀLÒNÌSYƐŊ 4:17 Iomraidhean Croise

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MARIKUS 14:62

Yeesus à ɓàg nyi lɛ: Ǹɗì Kiris, ɓì ki rì ɓiì ghɛɛ Man à mum di à kɔ̀kɔrii ɓi weèlem à Bɛ̀ll ànɛ àrì rì ìtèɗ wucèm, à ki yùyuiy ɓi ɓìkwìɗ ɓi aɗyòò.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 14:3

M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

MƐ̀KÌKÌÌ MƐ ƁƐKƐ̀NÌ-FÌTOM 1:9

Lɔŋ yɛ̀ɛ à kpaaghà fɔlɔɔ, nni à tumɛ̀ngà rìɓɔg aɗyoo, ɓɛ̀roɓɛ̀n ɓɛ seesèè yɛ̀ɛ à ɓɔɓɔ̀kà à ràm à ɗim ɓɔ ɓi mis, di kìkwìɗ ki mɛ lɔg nyi.

MƐ̀KÌKÌÌ MƐ ƁƐKƐ̀NÌ-FÌTOM 8:39

Yɛ̀ɛ ɓɛ kpagày a cɛɗ, Nghay à Bɛ̀ll à tɛ̀g Filiɓ à kɛ̀n ɗi nyi, ŋwaànɛ̀n kɛ̀ɛ ghɛɛ̀di nyi; nsoò fɔlɔɔ, muu Etyopii ànɛ̀n à ghagsìghà rìkɛ̀ɛ̀ ɗii di a nyàànyàà.

1 KƆ̀RƐ̀ŊTYƐŊ 15:52

ɓi maa cààmɛ̀n, lɔŋ yɛ̀ɛ rìpwaɗ ɗi mis, di ɗyam ɗi siitòn ɗi mɛ tòòghrɛ̀n; lɛ yɛ̀ɛ ɗyam ɗi siitòn ɗi rɔŋi gɛ, ɓìloŋ ɓi ghembɛ̀n ɗì nyoo ìnɛ ì yin lɛ ì wutì; ɓìsii lɔɔ̀ghrɛ̀n nyoo.

2 KƆ̀RƐ̀ŊTYƐŊ 5:8

Ìtèɗ wu ri ɓìsi wu ronɛn ɓi mɛ̀rem lɛ pisa, fɔɔnnɛ tì rì lɛ tì ɓiìsɛ̀n kì ghɛɛ̀ kìrɔɔ lɛ ti caɗ nyoo ìnɛ tì rì ìnɛ rì yɔ̀, ti kɛǹ kì kɔ̀rii jàŋbog rì Kan.

FÌLÌPYƐŊ 1:23

Ǹɗì mɛ̀rem mɛɓɛɛ̀; ǹɗem wu lɛ di màa kɛ̀ɛ, ti kɔkɔri ɗì Kiris, kìɓan kiǹ ki ki rɔɔtɛn ki cee.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 4:15

Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TÈSÀLÒNÌSYƐŊ 5:10

ànɛ à wughà ɓisu wis lɛ ti ghɛɓ ɓɛ̀ràrɛn ɗì nyi, nsoò tyàa mɛ wu, nsoò tyàa kaka cem yɛ̀ɛ à risugtìì.

2 PYƐƐRI 3:13

Kìɓan kifog ɓìsii ɓoŋɓòŋ lɛ rì ɗyoo ɗi nyɔn rì zi i nyɔn ìnɛ saaɗ à ri ɓa miì, lɔŋ yɛ̀ɛ à kàkà.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.

ÀPÒKÀLIƁSƐ̀ 11:12

Nni ɓɛ wokà di coo jɛ̀ɛ̀ ì rìi aɗyoo, ì kpaa ɓɔ lɛ: Ɓɔɔghnay fɛ. Fɔɔnnɛ ɓɛ ɓɔkà aɗyoo ɓi ɓìkwìɗ ɓi mis mɛ ɓɛ̀bènàbena ɓaa.

ÀPÒKÀLIƁSƐ̀ 12:5

Giɓ a yalà man à baŋì, ànɛ à ghɛ̀ɛ̀sɛɛ kì kɛ̀ɛkɛɛ̀sì ɓìlɔ̀ŋ ɓìcèm rì gbaǹ ànɛ à rì ǹkìyɛn ɗi bɔŋ. Nni ɓɛ ki ɓɔkà rì man wiì ànɛ̀n yɛ̀ɛ Bɛ̀ll rì ɓi kɔ̀ɔ̀ wii wu rilàmì.