TÈSÀLÒNÌSYƐŊ 4:16 - Bafia Nouveau Testament

¹⁶ Ɓisuulɛ, yɛ̀ɛ jɛ̀ɛ̀ ì rì ɓìì toòghrɛɛ, jɛ̀ɛ̀ ì coo ŋwaà-fìtom, ɗyam ɗi Bɛ̀ll ɗi rɔŋ, Kan nyimiɗ a ɓiì sɛnìì aɗyòò; fɔɔnnɛ ɓìloŋ ɓi ɓi Kiris ɓi ɓiì loògh kì ghèmɓɛɛ.

TÈSÀLÒNÌSYƐŊ 4:16 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 16:28

Ǹkalii mìni ɓi saaɗ lɛ, ɓum ɓɛdɛŋ ɓi ɓumɓɛ ɓɛ ri fɛ, ɓaa cuu ɓi, di ɓɛ ka ghɛn ɓi yɛ̀ɛ Man à mum a yùyuiy ɓi rìlàmì ɗii.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MATYOO 26:64

Yeesus à ɓàg nyi lɛ: Wàa kpaà. Nni ǹki kpaatii mìni lɛ, à tumɛ̀n ɓigomìnɛ, ɓì ri ghɛn Man à mum di à kɔ̀kɔrii ɓi weèlem à Bɛ̀ll à ìtèɗ wucèm, ɓì ki ghɛɛ̀di nyi di a yùyuiy aɗyoo ɓi ɓìkwìɗ.

MƐ̀KÌKÌÌ MƐ ƁƐKƐ̀NÌ-FÌTOM 1:11

ɓɛ kpaa ɓɔ lɛ: Mini ɓumɓɛ a Galile ɓɛ! Ɓi cɛ nnɛ ɓi cɛɛnɛɛ foo mis aɗyoo? Yeesus ànɛ à pɛ̀sɛɛ ànɛn ɓi nyìinyìm wìn, à ɓɔg aɗyoo, à ri sugtiigɛy lɔŋ yɛ̀ɛ ɗi ɓì ghɛɛ nyi ɗìn di a ɓɔɓɔg aɗyoo.

1 KƆ̀RƐ̀ŊTYƐŊ 15:18

Fɔlɔɔ a rèsì kɔm̀ lɛ, ɓumɓɛ ɓɛ wughà di ɓɛ ri ɓɛ̀gherɛ̀n Kiris, ɓɛ ri ɓɛ̀ɗyaŋɛn.

1 KƆ̀RƐ̀ŊTYƐŊ 15:20

Wɔ̀lɛ ɓigomìnɛ, Kiris à mɛ ghèmɓɛn a ɓìloŋ, fɔɔnnɛ à rì kìɗùn ki ǹtonto ki ɓi ɓìloŋ ɓi ɓi wughà.

1 KƆ̀RƐ̀ŊTYƐŊ 15:23

Kìɓan kifog, ki ɓa lɛ, rì ɓum, rì cààmɛ̀n kaa; Kiris à ɓa ŋwaà beèbɛ̀y, ɓumɓɛ ɓɛ ri lɛ ɓɛŋkii, ɓɛ ɓɔ̀ɓ ŋwosi risugtìì ɗii.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TÈSÀLÒNÌSYƐŊ 3:11

Bɛ̀ll à Seŋi wìs nyimiɗ, rì Kan wìs Yeesus, ɓɛɛ ɓaà ɓìsi bee ìnɛ tì rì lɛ tì kpaŋ miì a lɔ̀ŋkin.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

2 TÈSÀLÒNÌSYƐŊ 2:1

Ɓɔɔsoŋ̀! ɓi kìɓan ki ki seesee rìsugtìì ɗi Kan Yeesus Kiris, rì rìtaŋzɛ̀n ɗi tì ri taŋzɛn nyi a nyoo, tì tɔɔgh mìni lɛ,

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

ZYUUDƐ 1:9

Nsoò Mikaɛl ànɛ à rì rìfòm ɗi ɓum ɓɛ titom, ɓi nywey yi ɓɛ ɓaghà miì di ɓɛɛ̀ kaakaŋ̀ɗɛ̀n kìloŋ ki Moyis ɓɛɛ̀ Satàn, à fèèghrɛ̀ngà ɓi nyi kì ɓaàgh bɔ̀rɔ, à kpaaghà lɔŋ Satàn lɛ: Kan nyimiɗ yɛɛ pɔnɔ̀si wɔ̀.

ÀPÒKÀLIƁSƐ̀ 1:10

Ǹghay à sɛngà ɓi mɛ̀ ŋwosi Kan fɔɔnnɛ ǹwokà coo jɛ̀ɛ̀ mɛ̀ ajɛ̀m lɔŋ yɛ̀ɛ gom ì ɗyam ɗi ɓɛɛ̀ rɔŋɗɔ̀ŋ,

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.

ÀPÒKÀLIƁSƐ̀ 8:13

Nni ǹseesèèghà tì, ǹwog di bèè i fììlì yɛɛ̀ lɛŋlɛŋ ɓi ɗyoo ɓi ɗùm, ì kpaakpàà jɛ̀ɛ̀ aɗyoo lɛ: Nyìighnyìg! Nyìighnyìg! Nyìighnyìg rì ɓumɓɛ ɓi ziinɛ ɓisuu gom ì mam mɛ ɓum ɓɛ titom ɓɛ kiraa ɓɛ siitòn ɓɛ ri ɓiì rɔŋì.

ÀPÒKÀLIƁSƐ̀ 8:2

Nni ǹghɛngà ɓum ɓɛ titom ɓɛ ɓɛ rɛrɛ̀lìghà ɓi mis mɛ Bɛ̀ll ɓɛ̀sɛ̀ɛ̀ taàɓɛ̀ɛ̀, fɔɔnnɛ ɓɛ faghà ɓɔ mam taàɓɛ̀ɛ̀.