TÈSÀLÒNÌSYƐŊ 4:15 - Bafia Nouveau Testament

¹⁵ Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

TÈSÀLÒNÌSYƐŊ 4:15 Iomraidhean Croise

MATYOO 17:25

Pyɛɛri à ɓàg lɛ: À ti à peeghì. Nni yɛ̀ɛ Yeesus à ɗiŋìghà ɓi naa, fɔɔnnɛ à lokà kì tòòghrɛɛ à kpaa lɛ: Simɔn! Wɔ̀ɔ̀ ghɛɛ la? Mɛ̀fòm mɛ ɓi ziinɛ mɛ ti mɛ tɔkì ɓɛ̀ghɛn làmpoŋ̀? Ɓum ɓɛ kilɔ̀ŋ gìn ɓɛ̀kèn?

1 KƆ̀RƐ̀ŊTYƐŊ 15:18

Fɔlɔɔ a rèsì kɔm̀ lɛ, ɓumɓɛ ɓɛ wughà di ɓɛ ri ɓɛ̀gherɛ̀n Kiris, ɓɛ ri ɓɛ̀ɗyaŋɛn.

2 KƆ̀RƐ̀ŊTYƐŊ 12:1

Ki ghɛɛ̀sɛɛ nya lɛ mum a kalɛn? Ki ghɛɓsii ɓi com nsoò lɛsag. Nsoò fɔlɔɔ m̀ɓiì kpaŋì ɓi jàŋ inɛ mɓuŋ ɓìɓan ɓi Kan à rèsìghà mɛ̀, rì ɓi à kìghà lɛ n-yi.

2 KƆ̀RƐ̀ŊTYƐŊ 4:14

tì ki yi lɛ roànɛ à ghèmzìghà Kan Yeesus, à ghèmzii gɛ girig ɓìsi ǹɗaŋ ɗi Yeesus, à ki kì lɛ ti kpaŋ a lɔ̀ŋkii nɗaŋ ɗi mìni.

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

TÈSÀLÒNÌSYƐŊ 5:10

ànɛ à wughà ɓisu wis lɛ ti ghɛɓ ɓɛ̀ràrɛn ɗì nyi, nsoò tyàa mɛ wu, nsoò tyàa kaka cem yɛ̀ɛ à risugtìì.

2 TÈSÀLÒNÌSYƐŊ 2:1

Ɓɔɔsoŋ̀! ɓi kìɓan ki ki seesee rìsugtìì ɗi Kan Yeesus Kiris, rì rìtaŋzɛ̀n ɗi tì ri taŋzɛn nyi a nyoo, tì tɔɔgh mìni lɛ,