TÈSÀLÒNÌSYƐŊ 4:14 - Bafia Nouveau Testament

¹⁴ Lɛ i tì gherɛɛ lɛ Yeesus à wughà, à ki ghèmɓɛn, ti gherɛɛna girig lɛ Bɛ̀ll à rì ɓiì ghèmzii ǹɗaŋ ri Yeesus, ɓɛroɓɛ ɓɛ gherɛ̀ngà nyi ɓɛ ɓaa wu.

TÈSÀLÒNÌSYƐŊ 4:14 Iomraidhean Croise

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

RÒMƐŊ 14:9

Lɛ Kiris à wughà, à ki ghemɓɛn lɛ di a ɓa Kan ànɛ à làmii lɛ rì ɓìloŋ rì ɓum ɓɛ cem.

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

TÈSÀLÒNÌSYƐŊ 4:17

Ajɛ̀m ìnɛn, ɓìsi ɓumɓɛ tì ɓiì ɓaà di tì kaka cem, ɓɛ rì ɓìsi ɓiì terì ǹɗaŋ ri ɓɔ, tì ɓɔg ɓi ɓìkwìɗ lɛ tì tuùsɛn rì Kan ɓi nlɛŋlɛŋ̀. Fɔlɔɔ nnɛ tì ɓiì kɔ̀kɔrii ri Kan cààmɛ̀n kìcèm.

2 TÈSÀLÒNÌSYƐŊ 2:1

Ɓɔɔsoŋ̀! ɓi kìɓan ki ki seesee rìsugtìì ɗi Kan Yeesus Kiris, rì rìtaŋzɛ̀n ɗi tì ri taŋzɛn nyi a nyoo, tì tɔɔgh mìni lɛ,

ÀPÒKÀLIƁSƐ̀ 1:18

Mɛ̀ yɛɛ ri ŋwaà ǹtonto, mɛ̀ tì ŋwaà siitòn, roànɛ à rì cem. Ǹwughà, kìɓan kifog ǹɗì cem fiɗyàɓ fikɔ̀ɔ̀. Ǹwowotii tìɗìɓà ti riwù rì ti a tɛ̀ɛ̀.

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.