TÈSÀLÒNÌSYƐŊ 3:12 - Bafia Nouveau Testament

¹² Kan a tegsi ǹkɔ̀nɛ̀n ànɛ ɓì rì rì nyi, lɛ a roǹ à sòsòɓ ɓi nyìinyìm wìn, à kòm ɓum ɓɛ̀cèm, à ki ɓa fɛlɛ yɛ̀ɛ ǹkɔ̀nɛ̀n ànɛ ɓisii ri rì nyi ɓi san wìn.

TÈSÀLÒNÌSYƐŊ 3:12 Iomraidhean Croise

MATYOO 22:39

Ki kiɓɛ̀ɛ̀ ki ki pisɛɛ kiǹ ki ri lɛ: Keesi romum ànɛ wɔ̀ jàŋbog yɛ̀ɛ wɛ̀ɛmiɗ.

MATYOO 7:12

Com kìcèm ki ɓi kɔ̀ngi lɛ di ɓum ɓaa kìi mìni, mìni girig, kìlaaghna ɓɔ kɔ, lɛ fɔlɔɔ nnɛ rìrèsàg ɗi ɓiɗɔ̀gsɛna ɓi Moyis rì ɗi ɓɛkpaŋzì-ɓìɓan ɗi ri.

LUKAS 17:5

Fɔɔnnɛ ɓɛ̀kɛ̀nì-fìtom ɓɛ kpaaghà Kan lɛ: Tègsi rìgherɛ̀n ɗis.

RÒMƐŊ 13:8

Kɛ̀ ɓi ɓa mum rì pon i ki yin lɛ pon anɛ lɛ ɓi kɔnɛn mìni rì mìni; lɛ ŋwaànɛ à keesii romum, à mɛ roozi ɓidɔ̀gsɛna yɛ̀ɛ kɛɛ̀ kɔ̀nkɔ̀n.

2 KƆ̀RƐ̀ŊTYƐŊ 9:10

Roànɛ à ti à falàg ǹsalì dɛm boo ì ɓyom, à ki falag ti ɓum ɓìɗilàg ɓi ɓɛɛ ɗi, à rì mìni ɓiì faà boo ì ɓyom à tègsì yɔ̀ à ki kì lɛ, ɓìɗùn ɓi ɓi rìɓòò ɗin ɓyɛɛ teghɛn.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

FÌLÌPYƐŊ 1:9

Com ki mɛ̀ɛ ntɔtɔg Bɛ̀ll ɓi bɔ̀ŋzɛ̀n yɛm̀ ki ri lɛ, ǹkɔ̀nɛ̀n wìn a kɛn asu à tɔɔtɔ̀ɔ̀, ɓi rìyi ɗi ɓiɓan, rì ɓi syeesyee à rìwog,

TÈSÀLÒNÌSYƐŊ 2:8

Ɓi rìkeesì ɗi tì keesìghà mìni, àa Syeesyee à Ɓɔlɛ à Bɛ̀ll nyi rì nyi innɛ tì ɓaghà lɛ tì kɔ̀n lɛ ti fa mìni, ti ɓaghà lɛ ti fa mìni lɔŋ lɛ rì ɓyɛɓ ɓis miì, lɛ ɓì ɓaghà di ɓì ti ɓum ɓis ɓɛ nɗem lɛ kɔɔ̀kɔɔ̀.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

ZYAG 1:17

Com ki syeesyee kìcèm ki ɓɛ ri lɛ ɓɛ fa ɓìsi, rì rìɓòò ɗìcèm ɗi ɗi rɔɔtɛɛ lɛ kɔɔ̀kɔɔ̀, ɓi ti ɓi ɓalàg yì aɗyoo, yɛ̀ɛ Seŋi ànɛ à rì rì kìtɛɛtɛn, ànɛ à ti kɛ̀ɛ cenɗɛn, nsoò kìfìì ki lɛ à rì lɛ à lɔ̀gtɛ̀n, ki yin a lɔ̀ŋkii.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.