TÈSÀLÒNÌSYƐŊ 3:10 - Bafia Nouveau Testament

¹⁰ Ti ɓɔ̀ɔɓɔ̀ŋzì yɛ̀ɛ ìru yɛ̀ɛ ŋwos, tì ki sììrɛn ɓi bɔ̀ŋzɛ̀n lɛ a ki lɛ ti ghɛnag tì a mɛ̀su, à ki roozi ɓìɓan ɓi ɓi kaarɛɛ ɓi rìgherɛ̀n ɗin?

TÈSÀLÒNÌSYƐŊ 3:10 Iomraidhean Croise

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

MƐ̀KÌKÌÌ MƐ ƁƐKƐ̀NÌ-FÌTOM 26:7

Nkàg wiǹ wɛɛ̀wu mɛ̀kuu mis mɛcèm ntɛ̀ɗ ɗì mɛɓɛɛ̀rɛn mɛ mɛɛ̀ ɓɔɔɓɔgsì Bɛ̀ll lɛ rì ìru rì ŋwos kɛ̀ɛ̀ rìfɔɛy, mɛ tyweetywèèyì lɛ wu ri ɓiì roni rìfòm, ɓisuu ntyweeyi wiǹ innɛ Ɓɛ̀yudɛ̀n ɓɛɛ̀ sɔmag mɛ.

2 KƆ̀RƐ̀ŊTYƐŊ 1:15

Ɗì rìyi ɗìn ɓi nɗem innɛ mɛ̀ɛ nfèegh lɛ ǹka yùiy a lɔ̀ŋkin, lɛ di ɓi ɓiìti kìghɛɛ̀ mààgh àdɛŋ.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

2 KƆ̀RƐ̀ŊTYƐŊ 13:11

Ǹsiitɛɛ mìni kìkpaa lɛ: ɓɔɔsoŋ̀ ghɛɓina ɓi kìnyàà, ɓì kaakàà lɛ rìɓa ɗi ɓì rì ɓɛ̀gherɛ̀n ɗyɛɛ konag kìɓaà lɛ Syeesyee, faafàlɛɛna mìniìɓɔmiɗ itèɗ ɓi mɛ̀rem, ɓì woòwòòghrɛ̀n jɛ̀ɛ̀, ɓì ghɛghɛ̀ɓ ɓi fyòoog, fɔlɔɔ nnɛ Bɛ̀ll à ǹkɔ̀nɛ̀n, rì Bɛ̀ll à fyòoog à rì ɓiì ɓaà nɗaŋ ri mìni.

2 KƆ̀RƐ̀ŊTYƐŊ 13:9

Tì ti tì nyààràg di tì rì kɛ̀ɛ̀ ìtèɗ, kɔm̀ lɛ mìnii ri rì ìtèɗ, nni com ki ɓìsiì tɔtɔg ɓi bɔ̀ŋzɛ̀n yis ki ri lɛ, ɓi konag kì ɓaà ɓɛ̀kɔɔ̀kɔɔ̀ ɓɛ ɓɛgherɛ̀n.

FÌLÌPYƐŊ 1:25

Nɗem wɛ̀m wùcèm wu gherɛɛ kìɓan kiǹ lɛ ǹ-yii lɛ ǹɗì ɓiì ka ghɛghɛɓi ǹki kɔ̀ri mìniìcèm jàŋbog lɛ ɓi tɔɔ̀, ɓì ki nyààrɛn ɓi rìgherɛ̀n ɓi ɗùm.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 3:11

Bɛ̀ll à Seŋi wìs nyimiɗ, rì Kan wìs Yeesus, ɓɛɛ ɓaà ɓìsi bee ìnɛ tì rì lɛ tì kpaŋ miì a lɔ̀ŋkin.

2 TÈSÀLÒNÌSYƐŊ 1:11

Kìɓan kiǹ kɛɛ̀ki ɓìsiì ɓɔ̀ɔɓɔ̀ŋzì Bɛ̀ll cààmɛ̀n kìcèm ɓisu win lɛ, di Bɛ̀ll wìs a ki lɛ ɓi ɓa ɓumɓɛ ɓɛ ghɛɛ̀sɛɛ rì ǹɗeèghreŋi wii; à kì tì lɛ ɓi ɓa rì bee i ǹkìyɛn ɓiɓan ɓi syeesyee ɓìcèm ɓi ɓi kɔ̀nkɔ̀n, à ki kì lɛ kìsay ki rìgherɛ̀n ɗin ɗyɛɛ̀ kìkì kɛɛ ɓa lɛ syeesyee.

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

FILEMƆŊ 1:22

Ǹkpaatii wɔ̀ lɛ u pegsɛn mɛ̀ kìden ki naa ɓisuulɛ ǹɗì rì dyàɓɛn lɛ bɔ̀ŋzɛ̀n yin yi ri ɓiì kìi lɛ ɓɛɛ pɛɛ̀ziì mɛ̀ a lɔ̀ŋkin.

ÀPÒKÀLIƁSƐ̀ 4:8

Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.