TÈSÀLÒNÌSYƐŊ 2:4 - Bafia Nouveau Testament

⁴ Wɔ̀lɛ Bɛ̀ll à timgà rìɓa ɗis à ki fa ɓisi kìsay ki Syeesyee à Ɓɔlɛ. Fɔlɔɔ nnɛ tì yin ɓiì kpaakpaa ɓiɓan ɓi Bɛ̀ll lɛ ti puɓsi ɓum mɛ̀rem, kìɓan kìfog, ti kpaakpaa ɓi ɓyɛɛ̀ kɔ̀ngi Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum, mɛ ri ɓi ɗùm.

TÈSÀLÒNÌSYƐŊ 2:4 Iomraidhean Croise

LUKAS 12:42

Kan à ɓàg nyi lɛ: Ghɛn yɛ̀ɛ ri syeesyee à m̀ɓèŋì-ìkum anɛ à rì rì ɗyomzɛ̀n, nnɛ masà à rì ɓiì reɓsɛɛ ɓɛ̀kìì-ɓìsay ɓii ri nyi, lɛ a rɔɓ ɓɔ kì faà gàɓ yàà i ɓìɗilàg, ɓi cààmɛ̀n ki ki ghɛɛ̀sɛɛ.

LUKAS 16:11

Nni i ɓì mɛ rɔ̀ɓ kɛ̀ ɓi yi riɓèŋ ɗi ikum wu kɛ̀ɛ̀ ǹkpaa fɛlɛ rì ǹtyweeyi, ghɛn yɛɛ ri mìni ɓiì faà kɔɔ̀kɔɔ̀ à ìkum lɛ ɓi ɓeŋ̀?

ZYAŊ 21:17

Nni à kpaatìghà nyi ɓi gɛ̀n i kìraa lɛ: Simɔn man à Zyonas ù keesii nya mɛ̀? Pyɛɛri à ɓàg nyi lɛ: Kan, ù yii ɓìɓan ɓìcèm, ù ki yii lɛ ǹkeesii wɔ̀. Yeesus à kpaa nyi lɛ: Ɓèŋa jɔ̀ɔ̀ yɛm̀.

RÒMƐŊ 8:27

Nni Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum mɛ ri ɓi ɗùm, à yii cɛ kɛɛ̀ki Ǹghay a kɔ̀nkɔn lɛ a tɔg, lɛ Ǹghay a ti à ɓɔ̀ŋzàg ɓisuu ɓum ɓɛ Bɛ̀ll lɔŋ yɛ̀ɛ rìkɔ̀n ɗi Bɛ̀ll ɗi ri.

1 KƆ̀RƐ̀ŊTYƐŊ 7:25

Ɓi san ànɛ a ɓɔɓti ɓɛ ɓɛ ka wɛɛyi ɓi, ǹ-yin ɗi bimiɗ à ǹsiŋdɛn ànɛ à rìì yɛ̀ɛ Kan, kìɓan kifog, ɓi rìɓa ɗi ǹɗì mum ànɛ kìrɔɔ̀-ǹɗem à Bɛ̀ll à kìghà lɛ mɓa mum ànɛ ɓɛ ghɛɛ̀sɛɛ kì tyweeyii, ǹkpaa lèg ànɛ yɛɛ rìghɛn ɗyɛ̀m ɗi ri.

1 KƆ̀RƐ̀ŊTYƐŊ 9:17

I mɛ̀ɛmiɗ yɛɛ ɓekà lɛ nki kɔ di ǹɗì miì rì mɛ̀lèɓ, wɔ̀lɛ ǹɗì ǹtiniyɛn lɛ nki kɔ ɓi kàŋɓɛn lɛ ki ri mɛ̀ ǹtɛ̀g wu ɓɛ tɛgsii mɛ̀.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

2 KƆ̀RƐ̀ŊTYƐŊ 5:11

Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.

2 KƆ̀RƐ̀ŊTYƐŊ 5:16

Fɔlɔɔ nnɛ à tumɛ̀n ɓigomìnɛ ɓìsii yitii tì ɓi mum ɓi rìyi ɗi ɓi mɛ̀mùù; nsoò tì yighà Kiris ɓi rìyi ɗi ɓi mɛ̀mùù, tì yitii tì ɓi nyi ɓi rìkuu ɗi riyi ɗìn, ɓigomìnɛ.

GÀLAT 1:10

Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

GÀLAT 2:7

Wɔ̀lɛ yɛ̀ɛ ɓɛ ghɛngà lɛ Bɛ̀ll à faghà mɛ̀ Syeesyee à Ɓɔlɛ lɛ nghagsi a ɓumɓɛ ɓɛ yin Ɓɛ̀yudɛ̀n lɔŋ yɛ̀ɛ à faghà Pyɛɛri lɛ a ghagsi a Ɓɛ̀yudɛ̀n,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

KÒLÒSYƐŊ 3:22

Mìni ɓɛ̀kìì-ɓìsay, kìina ɓɛ̀masà ɓin ɓɛ ɓi mɛ̀mùù mɛ̀wog ɓi ɓìɓan ɓìcèm, kɛ̀ ɓi kì lɔŋ ɓɔ mɛ̀wog cààmɛ̀n ki ɓɛɛ̀ seesee mini kɔ rì kɔ, yɛ̀ɛ ɓɛɛ̀ kali lɛ, ɓum ɓɛɛ̀ɓɛ ɓi kɔ̀nkɔn lɛ ɓi puɓsi ǹɗem, kìɓan kifog kìina ɓɔ mɛ̀wog rì nɗem wu sɛɛghi sɛɛghi ɓisuu bɔgsɛ̀n ìnɛ ɓì rì rì yɔ̀ ɓi san ànɛ yɛ̀ɛ Kan.

TIMOTE 6:20

Timote, konag kì ɓèŋi com ki ɓɛ tɛfɛ̀ngà rì wɔ̀, ù lèg kɛɛgh à kɛ̀ɛ̀-su ànɛ kɛ̀ɛ wuɓsɛn ɓiɓan ɓi righerɛ̀n, rì nyoey yi riyi ɗi ɓiɓan ɗi ɗi ri ɓi zɛ̀ɗ.

2 TIMOTE 1:14

Ɓèŋa syeesyee à rìrèsàg ànɛ ù rì rì nyi, rì nghɛɓsɛn wu Kitɛntɛ̀ɛ̀n ki Nghay ki ki ri ɓi ɓìsi.

2 TIMOTE 2:2

Kìɓan ki ù wokà mɛ̀ di nkakàlì ɓi mis mɛ ɓɛwusìnɛ̀ɗ lɛɛ̀gwey, ghagsi kɔ rì ɓum ɓɛ ntyweeyi ɓɛ ɓɛ ri rì ìtèɗ wulɛ ɓɛ resàg girig ɓɛ̀ro ɓɛdɛŋ.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

EBIREEGH 4:13

Ɓi ɓyom ɓi Bɛ̀ll à kìghà, com kidɛŋ ki yin nyi kìnyamɛn, ɓyom ɓìcèm ɓi ri ɓìghaniyɛn lɛ kpeènye-kpèènyèè ɓi mis mɛ roànɛ à ghɛ̀ɛ̀sɛɛ ɓìsi kì tɔɔ̀gh kìsay ki tì kìghà.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 2:23

Ǹɗì ɓiì cuusii ɓɔn ɓii, fɔlɔɔ nnɛ ɓìseŋi ɓìcèm ɓi ri ɓiì yiì lɛ mɛ̀ yɛɛ ri roànɛ à ti à sɔ̀gì mɛ̀yitì rì ɓìɓan ɓi ɓi ri ɓum ɓi mɛ̀rem ɓiɗùm, fɔɔnnɛ ǹɗì ɓiì lèɓi mum bimiɗ lɔŋ yɛ̀ɛ mɛ̀kìkìì mii mɛ ri.