TÈSÀLÒNÌSYƐŊ 2:3 - Bafia Nouveau Testament

³ Ɓìɓan ɓi Bɛ̀ll ɓi tì kakàlìghà ɓum ɓi rooghày ɓi ǹɗuŋ ɓi rìnàn ǹsoò lɛ ɓi ɓìɓan ɓi tifin, fɔɔnnɛ ɓi ki yin ɗi ǹ-yègsɛ̀n.

TÈSÀLÒNÌSYƐŊ 2:3 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

2 KƆ̀RƐ̀ŊTYƐŊ 11:13

Ɓumɓɛ̀n ɓɛ ri ɓumɓɛ ɓɛɛ̀ pwààpwaa lɛ ɓɛ ri ɓɛ̀kɛ̀nì-fìtom ɓɛ Yeesus ɓɔ ɓɛ̀kìì-ɓìsay ɓɛ ɓɛɛ̀ yèeghyegsì ɓum, ɓɛ reèghrèŋɗɛ̀n lɛ ɓɛ̀kɛ̀nì-fìtom ɓɛ Kiris.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

2 KƆ̀RƐ̀ŊTYƐŊ 6:8

ɓi rìkem rì ɓi zɛɛtɛn, ɓi mɛ̀sɛɛ̀ghsɛɛgh rì ɓi tìfena; ɓɛ seesèè ɓìsi yɛ̀ɛ ɓɛ̀pwààpwaà kɔm̀ lɛ tì rì ɓumɓɛ ɓɛɛ̀ kpaakpaa saaɗ;

2 KƆ̀RƐ̀ŊTYƐŊ 7:2

Nɛmina ɓìsi ìkɔ̀ɔ̀ ɓi mɛ̀rem min, tì kìghà ɓi mum kìɓan, tyɛ̀ ki ki pùmzi mum, tyɛ̀ ki teɗ mum com ɓi ǹ-yègsɛ̀n.

TÈSÀLÒNÌSYƐŊ 2:11

Ɓì yii girig lɛ tì ghɛɓkà rì mum ǹcèm ànɛ ɓi mìni fɛlɛ yɛ̀ɛ seŋi à rì lɛ à ghɛɓ rì ɓɔn ɓii.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

2 TÈSÀLÒNÌSYƐŊ 2:11

Kìɓan kiǹ kɛɛ̀ki Bɛ̀ll à romiì ìtèɗ wu wɛɛ naàzi ɓɔ bee, lɛ ɓɛɛ gherɛn ɓìɓan ɓi ɓɛpwàà,

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.