TÈSÀLÒNÌSYƐŊ 2:19 - Bafia Nouveau Testament

¹⁹ Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TÈSÀLÒNÌSYƐŊ 2:19 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

ZYAŊ 21:22

Yeesus à ɓàg nyi lɛ: I ǹkɔ̀ni lɛ a ɓaɓa ɓi cɛɓ à kpaŋ yɛ̀ɛ ǹɗi sugtiì, ki ri wɔ̀ a cɛ? Wɔ̀ɔ̀ nɔ̀ɔ̀ti mɛ̀.

1 KƆ̀RƐ̀ŊTYƐŊ 15:23

Kìɓan kifog, ki ɓa lɛ, rì ɓum, rì cààmɛ̀n kaa; Kiris à ɓa ŋwaà beèbɛ̀y, ɓumɓɛ ɓɛ ri lɛ ɓɛŋkii, ɓɛ ɓɔ̀ɓ ŋwosi risugtìì ɗii.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

FÌLÌPYƐŊ 2:16

ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

TÈSÀLÒNÌSYƐŊ 2:20

Ɛ̀ɛ̀, mìni yɛɛ ri rìkem ɗis, rì kìnyàà kis.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 4:15

Ɓisuulɛ com ki ti kpaaghì fɛlɛ yɛ̀ɛ jɛ̀ɛ̀ ì Kan ì rì ki ri lɛ: Ɓìsi ɓɛ tì rì ɓiì ɓaà di tì kaka cem ɓi rìsugtìì ɗi Kan, tyàa syòŋ ɓi ɓɛroɓɛ ɓaa wu bee.

TÈSÀLÒNÌSYƐŊ 5:23

Bɛ̀ll ànɛ a falag fyòoog a tɛɛ̀zi mìni nyimiɗ bee yicèm, fɔɔnnɛ a ɓeŋ rìɓa ɗin ɗicèm ɗi lɛ: rì Nghay win, rì ǹɗem win, rì nyoo yìn, kɛ̀ɛ̀ tìfin ɓisuu rìsugtìì ɗi Kan wìs Yeesus Kiris.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

2 TÈSÀLÒNÌSYƐŊ 2:1

Ɓɔɔsoŋ̀! ɓi kìɓan ki ki seesee rìsugtìì ɗi Kan Yeesus Kiris, rì rìtaŋzɛ̀n ɗi tì ri taŋzɛn nyi a nyoo, tì tɔɔgh mìni lɛ,

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

ZYAG 5:7

Ɓɔɔsoŋ̀ sììriina lɔŋ mɛrem à kpaŋ yɛ̀ɛ Kan à ri sugtiì; ɓì ti ɓì ghɛngì yɛ̀ɛ ǹsalì-dɛm a ti à maasàg nɗem ɓisuu riɓoŋ ɗi bwey yi ǹtonto rì yi siitòn, à kpaŋ yɛ̀ɛ bwey yìn yi ti yi nɔlàg.

ZYAG 5:8

Mìni girig ɓanina mɛ̀rem rì ɓyàg, mɛ̀rem min mɛ siìrɛ̀n rì ìtèɗ lɛ rìyù ɗi Kan ɗi ti jàŋbog.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.

2 PYƐƐRI 3:4

ɓɛ ki kpaakpaa lɛ: Nni ǹkàg wu à kàkà lɛ à ɓiì sugtii yi wɛm̀be min? Lɛ à tumɛ̀n yɛ̀ɛ ɓɛ̀seŋi ɓis ɓɛ cuughà, ɓìɓan ɓìcèm ɓi ri lɔŋ zìŋ ɓi-kɔ̀ɔ̀ yɛ̀ɛ ɓyaà ɓa, à tumɛ̀n yɛ̀ɛ zi i kìlɛ̀ngà.

1 ZYAŊ 2:28

Ɓigomìnɛ, mìni ɓɔn ɓɛm, ɓaana lɔŋ ɓɛràrɛn ɗi Kiris lɛ yɛ̀ɛ à rì ɓiì yùu, ti ɓa kɛ̀ɛ̀ ìris, tyɛ̀ ki wog ntoòrìɗ ɓi mis mii ŋwosi risugtìì ɗii.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.

ÀPÒKÀLIƁSƐ̀ 22:12

Ghɛna, mɛ̀ yɛɛ̀ yùyuiy lɔɔ ɓi cààmɛ̀n ki, nki yùyuiy rì mɛ̀lèɓ mɛm̀ lɛ nleɓ mum bimiɗ lɔŋ yɛ̀ɛ rìkì ɗii ɗi ri.