TÈSÀLÒNÌSYƐŊ 2:16 - Bafia Nouveau Testament

¹⁶ Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.

TÈSÀLÒNÌSYƐŊ 2:16 Iomraidhean Croise

MATYOO 12:45

Kìɓeɓtàg ki nghay kìn ki kɛǹ yì kì terì ɓìɓeɓtàg ɓi mɛ̀ghay ɓidɛŋ ɓi ɓi nyɛni ɓi cee kɔ taàɓɛ̀ɛ̀, ɓi ɗiŋì ɓi naa ìnɛ̀n ɓi kɔrì miì. Fɔlɔɔ nnɛ rìsyɔn ɗi ŋwaànɛ̀n ɗiǹ ɗi ri ɓiì ɓeɓtɛɛ ɗi cee rìɓa ɗii ɗi ǹtonto; com kìn kɛɛ ri ɓiì ghɛnɛɛ a ɓìɓeɓtàg ɓi ɓum ɓi ɓi gbàà ì ɓum ìnɛ.

MATYOO 23:32

Nni kɛ̀ɛna min asu, ɓi wɔmɓɛn kìsay ki ɓɛ̀seŋi ɓin ɓɛ ghɛlɛ̀ngà.

MATYOO 24:14

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

MATYOO 24:6

Ɓì rì ɓiì woògh di ɓɛɛ̀ kakali ɓiɓan ɓi mɛ̀y mɛ mɛɛ̀ ɗùuɗuùrɛ̀n, rì mɛ mɛɛ̀ pèeghpegsɛ̀n yì, konaaghna lɛ, ìris wɛ̀ kɛɛ̀ ɓan mini, ɓisuulɛ ki ghɛɛ̀sɛɛ kì kìlɛɛ fɔlɔɔ; nni àa rìlèg ɗi zi ɗyɛɛ ri ɓiì ɓaà lɔɔ.

MATYOO 3:12

À rìì rì mɛ̀tɛŋkɛlɛ mii ɓi càg, fɔɔnnɛ à ɓiì fyɔnì kìbog kii à foŋ gèŋ i cag-cag ɓi ɓìkàɗ; wɔ̀lɛ à tɔ̀n ɓìkoroɗ ɓi ɗuu ɗi ɗyɛ̀ kɛɛ̀ ɗimi.

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:5

Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g,

MƐ̀KÌKÌÌ MƐ ƁƐKƐ̀NÌ-FÌTOM 17:13

Wɔ̀lɛ yɛ̀ɛ Ɓɛ̀yudɛ̀n ɓɛ a Tesalonika ɓɛ wokà lɛ Pol à titì ɓiì ghaaghagsì jɛ̀ɛ̀ ì Bɛ̀ll a Bere, nni ɓɛ yughày wɔɔ lɛ, ɓɛɛ ɓuùsi jàŋ, ɓɛ ki kì kiyoòyòò ɓi nyìinyìm à ɓum ɓɛ kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 21:21

Wɔ̀lɛ ɓɛ ǹwoogh ɓi ɓɔlɛ, lɛ wàànɛ̀n wɔ̀ɔ̀ ti wɔ̀ɔ̀ rèsàg Ɓɛ̀yudɛ̀n ɓɛ a gwèɗ lɛ, ɓɛǹ ɓɛɛ caɗ ɓìdɔ̀gsɛna ɓi Moyis, ɓɛn ɓɛ̀ kɛɛ̀ kɛ̀ɗti ɓɔn ɓɛ ɓɛǹ, ɓɛ̀ kɛɛ̀ ki ɓèŋdi ɓisyɔ̀ɔ̀ ɓi ɓɛseŋi ɓaa.

MƐ̀KÌKÌÌ MƐ ƁƐKƐ̀NÌ-FÌTOM 23:12

Yɛ̀ɛ duri i tangà nni Ɓɛ̀yudɛ̀n ɓɛ wɔrɛ̀ngà, ɓɛ kanɛ̀n bɛ̀ɗ lɛ, ɓwaànɛ̀n ɓwaa ɗi ɓi com, ɓɔ kɔɔ̀ ki nɔ nsoò mɛ̀nig di ɓɔɔ ka wey ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 24:9

Ɓɛ̀yudɛ̀n ɓɛ ɓɛm̀dɛ̀ngà rìkpaa ɗi Tɛrityul ɗiǹ, ɓɛ kpaa lɛ fɔlɔɔ nnɛ kiǹ ki nɗì.

MƐ̀KÌKÌÌ MƐ ƁƐKƐ̀NÌ-FÌTOM 25:2

Fɔɔnnɛ ɓɛ̀pìrɛɛtìrɛ̀ ɓɛgwey rì ɓìtèetèd ɓi ɓum ɓi a Ɓɛ̀yudɛ̀n, ɓɛ yughà nyi kìghɛɛ̀ lɛ ɓɛɛ sɔmɛn Pol.

MƐ̀KÌKÌÌ MƐ ƁƐKƐ̀NÌ-FÌTOM 25:7

Yɛ̀ɛ Pol à yùghày, Ɓɛ̀yudɛ̀n ɓɛ ɓɛ pɛsɛ̀ngày a Yorisalɛm, ɓɛ kɔmzɛ̀ngà nyi, ɓɛ kpaa ɓìɓan ɓi ɓeɓtɛn lɛɛ̀gwey ɓɛ raràɗ ɗi nyi, kìɓan kifog ɓɛ kpaakpààghà ɓìɓan ɓìn rì ŋwɔm kɛ̀ɛ̀ com ki ki resii lɛ ɓi ri saaɗ.

MƐ̀KÌKÌÌ MƐ ƁƐKƐ̀NÌ-FÌTOM 4:12

Mum à rì lɔŋ ɓiì ɓaà rì cɛɓ lɛ nyi, ɓisuulɛ Bɛ̀ll à faghà ɓi ɓum ɗii ɗidɛŋ fɛ ɓi ziinɛ ɗi ɗi ri rì ìtèɗ wulɛ, ɗi fa ɓìsi cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 9:23

Yɛ̀ɛ gàɓ ì mɛ̀ru ì ghaghìghà tì foo, Ɓɛ̀yudɛ̀n ɓɛ wɔrɛ̀n lɛ ɓɔɔ wey Sol.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

GÀLAT 5:11

Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

EFÈZYƐŊ 3:13

Fɔɔnnɛ ǹkpaa mìni lɛ: mɛ̀tɔɓ mɛ nwowog ɓisu win mɛ̀ kɛɛ̀ fa mini ìɓwɛɗ; mɛ̀tɔɓ mɛ̀n mɛ ri ɓisuu rikem ɗin.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

TIMOTE 2:4

ànɛ a kɔ̀ngi lɛ ɓum ɓɛ̀cèm ɓɛɛ ghɛn cɛɓ, ɓɛ kpaŋ ɓi nɗɛli wulɛ ɓɛɛ yi saaɗ.

EBIREEGH 6:8

Wɔ̀lɛ i zi inɛ̀n yɛɛ̀ fafa lɛ rì ɓìɓeɓtàg ɓi ɓyaaɓi, rì keŋ, di ì yin syeesyee à zi, ì ki ɓa jàŋbog lɛ yɛ̀ɛ teɗ ǹcɛ̀m, ki ki syɔn lɛ ɓɛɛ tɔǹ yɔ̀.

ÀPÒKÀLIƁSƐ̀ 22:11

Ŋwaànɛ à rì kìɓeɓtàg ki mum, a kɛnkɛn lɔŋ ɗi rìkìkì ɗi ɓiɓan ɓi ɓeɓtɛn asu, ŋwaànɛ à rì ǹtɔɓɓakɛn, a tɔɔ̀tɔ̀ɓɓɛ̀n lɔŋ, wɔ̀lɛ ŋwaànɛ à rì syeesyee à mum a kɛnkɛn asu ɗì rìkìkì ɗi ɓiɓan ɓi syeesyee, roànɛ à rì ǹtɛnɛn, a kaà lɔŋ lɛ a ɓa ti ntɛnɛn.