TÈSÀLÒNÌSYƐŊ 2:15 - Bafia Nouveau Testament

¹⁵ Ɓɛ̀yudɛ̀n ɓɛǹ ɓɛɛ wolà Kan Yeesus, ɓɛ ki cuusi ɓɛ̀kpaŋzì-ɓìɓan, ɓɛɛ yeeyèèsìghà ɓìsi; ɓɛ ti ɓɛ ɓeɓkì Bɛ̀ll, ɓɛ ki ɓèèzag ɓum ɓɛ̀cèm.

TÈSÀLÒNÌSYƐŊ 2:15 Iomraidhean Croise

MATYOO 23:37

Yorisalɛm! Yorisalɛm! wàànɛ u kìki lɛ: Ù cuùcùùsì ɓɛ̀kpaŋzì-ɓìɓan, ù ki roorogì ɓumɓɛ ɓɛ romiì a lɔ̀ŋkɔɔ gɔ̀g, m̀mɛ kaa bee inɛ ǹtaŋzɛn ɓɔn ɓɔɔ, fɛlɛ yɛ̀ɛ jɛɛ à zag a taŋzag ɓɔn a mɛ̀keɓ mii-zi, bɔ̀ɓ, lɛ bɔ̀ɓ wɔ̀lɛ kɛ̀ kɛɛ̀ kɔ̀n mini fɔlɔɔ.

MATYOO 27:25

Nni kìlɔ̀ŋ kìcèm ki ɓakà lɛ: Bwaɓ yii yɛɛ kɛǹ ɓìsi ɓi ǹto, lɛ rì ɓìsi rì ɓɔn ɓis.

MATYOO 5:12

Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

LUKAS 24:20

Ɓɛ̀pìrɛɛtìrɛ̀ ɓis ɓɛgwey rì ɓɛ̀làmì ɓis ɓɛ nkàɓi nyi rì gɔmìnà lɛ a reǹ lɛ ɓɛɛ wey nyi, ɓɛ ki kpan nyi ɓi kɔrɔs.

MƐ̀KÌKÌÌ MƐ ƁƐKƐ̀NÌ-FÌTOM 12:3

Yɛ̀ɛ à ghɛngà lɛ rìkì ɗiǹ ɗi rɔɔghà Ɓɛ̀yudɛ̀n, fɔɔnnɛ à reɓsìghà tì lɛ ɓɛɛ ɓaǹ Pyɛɛri; kìɓan kiǹ ki ɓaghà ɓi mɛ̀ru mɛ Ɓɛ̀yudɛ̀n ɓɛ ǹkìlàg bìrɛs kɛ̀ɛ̀ nwìɗ.

MƐ̀KÌKÌÌ MƐ ƁƐKƐ̀NÌ-FÌTOM 2:23

Yeesus ànɛn innɛ ɓɛ nkàɓi lɔŋ yɛ̀ɛ ki ɓaghà kìkaliyɛn, lɔŋ yɛɛ̀ Bɛ̀ll à fèkà ɓi coo ɗyomzɛ̀n ɗii, nyi nnɛ ɓìi nkpani ɓi kɔrɔs aɗyoo, ɓì ki fa nyi rì ɓɛ̀kìì-kìɓe lɛ ɓɛɛ wey.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 5:30

Bɛ̀ll à ɓɛ̀seŋi ɓìs àa ǹghèmzii Yeesus ànɛ ɓìi ǹwoli di ɓi kpani ɓi kɔrɔs.

MƐ̀KÌKÌÌ MƐ ƁƐKƐ̀NÌ-FÌTOM 7:52

Ǹkpaŋzì-ɓìɓan abe nnɛ ɓɛ̀seŋi ɓin ɓɛ rɔɓkà lɛ ɓɛ tɔɓi ɓì? Ɓɛ cuusìghà kɔm̀ ɓɛ̀roɓɛ ɓɛ woòwògsìghà ɓum rìyù ɗi m̀bobog à mum ànɛ à rì lɛ saaɗ. Nni ɓigomìnɛ, ŋwaàncèm ànɛn innɛ ɓì mɛ kì lɛ, ɓì tɔ̀kɛ̀n, ɓi ki wey.

1 KƆ̀RƐ̀ŊTYƐŊ 10:5

Kìɓan kifog, kìgwey ki ɓi ɓɔ ki kighà ɓi ɓiɓan ɓi ɓyɛɛ rɔɔ̀ Bɛ̀ll. Kìɓan kiǹ kɛɛ̀ki ɓɛ raàrɛ̀ngà miì ɓìloŋ ɓi-reɓ.

2 KƆ̀RƐ̀ŊTYƐŊ 11:26

Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.