TÈSÀLÒNÌSYƐŊ 2:12 - Bafia Nouveau Testament

¹² Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

TÈSÀLÒNÌSYƐŊ 2:12 Iomraidhean Croise

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

1 KƆ̀RƐ̀ŊTYƐŊ 1:9

Bɛ̀ll ànɛ à reŋìghà mìni lɛ ɓi ghɛɓ ɓɛ̀ràrɛn ri Man wiì Yeesus Kiris ànɛ à rì Kan wìs, à rì Bɛ̀ll ànɛ à ti à roòzàg mɛ̀kàg mii.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

GÀLAT 5:16

Càrɛɛnà lɛ Nghay à Bɛ̀ll yɛɛ kɛɛ̀kɛ̀ɛ̀sì ɓyɛɓ ɓin, fɔɔnnɛ ɓyàa kì ti ɓi ɓiɓan ɓi mɛ̀mùù mɛɛ̀ syògi ɓum lɛ ɓɛɛ ki.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:8

Ɓisuulɛ ɓì ɓaghà ɓumɓɛ ɓi birìm abɛ̀y, nni ɓigomìnɛ, ɓì ti kìtɛɛtɛn ɓi Kan ɓi ɗùm. Nni ghɛɓina min yɛ̀ɛ ɓɔn ɓɛ ɓi kìtɛɛtɛn.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

KÒLÒSYƐŊ 2:6

Fɔlɔɔ nnɛ yɛ̀ɛ ɓì tekà Yeesus Kiris lɛ Kan wìn, ghɛɓina min cɛɓ ki ɓumɓɛ ɓɛ ri ɓɛ̀ ràrɛn ɗi nyi.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 4:12

di fɔɔnnɛ ɓumɓɛ ɓɛ yin ɓɛgherɛ̀n ɓɛɛ teɗ mìni rì rìmum, ǹtɛ̀g win wɛ̀ kɛɛ̀ rìɗ ŋwaàdɛŋ.

TÈSÀLÒNÌSYƐŊ 5:24

Roànɛ a regag mìni à rì ɓiì kìi kiɓan kiǹ ɓisuulɛ, à ti à roòzàg mɛ̀kàg mii.

2 TÈSÀLÒNÌSYƐŊ 1:10

yɛ̀ɛ à ri yù ɓi ŋwos anɛ̀n lɛ a kem̀ ɓi ɓum ɓii, ɓɛ ki sɛsɛg nyi rì mis ɓi ɓɛ̀roɓɛ ɓɛ gherɛ̀ngà nyi ɓɛ̀cèm; mìnii gherɛ̀ngà gì kɔm̀ ɓɔlɛ ànɛ tì kalìghà mìni.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

1 ZYAŊ 2:6

ŋwaànɛ à kpaa lɛ, à rì ǹɗàrɛn ri Bɛ̀ll, à ghɛ̀ɛ̀sɛɛ kì ghɛɓì yɛ̀ɛ Yeesus nyimiɗ à ghɛɓkà.

3 ZYAŊ 1:6

Ɓɛ nsɛɛgh geesɛ̀n yɔ̀ɔ̀ ɓi nyìinyìm à ɓum ɓi Kìseŋi ki Kiris. Ki ri ɓiì ɓaà lɛ syeesyee di ù pègsɛɛ ɓɔ rìkɛ̀ɛ̀ lèg ànɛ ki ri lɛ ki rɔɔ Bɛ̀ll.