TÈSÀLÒNÌSYƐŊ 1:6 - Bafia Nouveau Testament

⁶ Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 1:6 Iomraidhean Croise

MATYOO 16:24

Fɔɔnnɛ Yeesus à kpaaghà ɓɛ̀yilàg ɓii lɛ: I ki kɔ̀ni mum lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀g kɔrɔs wìì, à ki nɔ̀ɔ̀ti mɛ.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 13:52

Ɓi ɓɛg ànɛ a ɓɛgherɛ̀n ɓɛ a Aŋtyos, ɓɛ roǹgàkà rì kìnyàà ɓi ǹɗem, ɓɛ ki ɓa ti ɓɛ ronɛn ɗi Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 11:1

Ɓaana ɓumɓɛ ɓɛɛ̀ nɔ̀ɔnɔɔ̀tì kìfèèghrɛnà kɛm̀ fɛlɛ yɛ̀ɛ mɛ̀ɛmiɗ mɛ̀ɛ nnɔ̀ɔnɔɔ̀tì ki Kiris.

1 KƆ̀RƐ̀ŊTYƐŊ 11:2

Ǹsɛɛgh mìni yɛ̀ɛ ɓi yiiyitàg mɛ̀ ɓyààmɛ̀n ɓìcèm, rì yɛ̀ɛ ɓi ɓèŋɓeŋ deɓ yɛm̀ lɔŋ yɛ̀ɛ mɛ̀ ǹfaghà mìni yɔ.

1 KƆ̀RƐ̀ŊTYƐŊ 4:16

Fɔɔnnɛ ǹtɔɔgh min mini lɛ, ɓi pisɛn mɛ̀.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

2 KƆ̀RƐ̀ŊTYƐŊ 8:5

Com ki ɓɛ nkìi ki ncee ki tìi mɓoŋɓoŋi lɛ ɓɛ ri lɛ ɓɛ ki, lɛ ɓɛ lokà kìfalɛɛ ɓɔmiɗ ɗi Kan, ɓɛ falɛ̀n min a lɔ̀ŋkis lɛ rìkɔ̀n ɗi Bɛ̀ll.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 5:1

Yɛ̀ɛ ɓì rì ɓɔn ɓɛ Bɛ̀ll ɓɛ nɗem, tèèsiina nyoo lɛ ɓi nɔɔ̀ti kìfèèghrɛnà kii.

FÌLÌPYƐŊ 3:17

Ɓɔɔsoŋ̀, nɔ̀ɔ̀tiina mɛ̀kòò mɛm̀, ɓì seesèè ɓɛ̀roɓɛ ɓɛɛ̀ nɔ̀ɔnɔɔ̀tì kìfèèghrɛnà kis.

2 TÈSÀLÒNÌSYƐŊ 1:4

Fɔlɔɔ nnɛ ti kaakalɛ̀n Ɓìseŋi ɓi ɓɛgherɛ̀n Bɛ̀ll rìɓa ɗin, ɓisuu kisììrì kin, rì rìgherɛ̀n ɗin ɓi mɛ̀tɔɓ mɛ̀cèm, rì rìkɛŋ ɗìcèm ɗi ɓi wowòg ɓì ki nìniɗ mɛrem.

2 TÈSÀLÒNÌSYƐŊ 3:7

Mìniìɓɔmiɗ ɓì yii lannɛ ɓì ghɛ̀ɛ̀sɛɛ kì kìi lɛ ɓi nɔɔ̀ti mɛ̀kòò mis, lɛ ɓìsii ɓaghà ɓi ɓɛ̀ɓɔɓwɛɗ yɛ̀ɛ tì ghɛɓkà a lɔ̀ŋkin.

2 TÈSÀLÒNÌSYƐŊ 3:9

I tì kìghà fɔlɔɔ, ki yin lɛ tì ghɛ̀ɛ̀sɛ̀ngà ɓi lɛ tì tɔg mìni ǹghɛɓsɛn, tì kɔ̀ngà lɔŋ yɛɛri lɛ ti fa mìni kìfèèghrɛnà ki ɓì rì lɛ ɓì nɔ̀ɔ̀tì.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

EBIREEGH 10:34

Ɓì kàɓɓɛ̀ngà mɛ̀tɔɓ mɛ ɓimbùŋ, ɓì ki woki kirɔɔ cààmɛ̀n kìcèm ki ɓɛ nti ɓɛ ɓatàg mìni ɓyom, ɓisuulɛ ɓì yighà lɛ ɓì ɓaghà rì ɓyom ɓi ɓi cee ɓiǹ lɛ, ɓyɔɔ ri ɓi ɓi ri cààmɛ̀n kìcèm.

1 PYƐƐRI 1:6

Sàmsamina ɓisuu kiɓan kiǹ, nsoò yɛ̀ɛ ki ghɛɛ̀sɛɛ lɛ ɓi ɓa rì ǹɗemi-kɛŋɛn ɓi maa cààmɛ̀n lɛ mɛ̀tɔɓ mɛ ɓi taatanɛ̀n rì mɔ ɓigomìnɛ mɛ̀kuu mɛ̀kuu.

1 PYƐƐRI 1:8

Nyi ànɛ ɓì kesii nsoò yɛ̀ɛ ɓì ka ghɛngà ɓi nyi; ɓi ki gherɛɛ nyi kɔlɛ ɓì ghɛɛ ɓi nyi ɓigominɛ kìɓan kiǹ kɛɛ̀ki ɓi sànsam ri coo kinyàà ki keŋkemɛn ki mum à yin lɛ à yi rìkpaa,

1 PYƐƐRI 3:13

Ghɛn yɛɛ ri min lɛ à tɔɓ mìni di ɓì falɛɛ ɓi rìkì ɗi kirɔɔ rì ìtèɗ?

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.