TÈSÀLÒNÌSYƐŊ 1:5 - Bafia Nouveau Testament

⁵ Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

TÈSÀLÒNÌSYƐŊ 1:5 Iomraidhean Croise

MARIKUS 16:20

Fɔɔnnɛ ɓɛ̀yilàg ɓɛ kɛngà kì kakalii Syeesyee à Ɓɔlɛ jàŋbimiɗ. Kan Yeesus à ɓaghà rì ɓɔ ɓi kìsay kiǹ, à ki sìisiìràg Syeesyee à Ɓɔlɛ ànɛ ɓɛ kpaakpààghà rì dàm yi ɓiɓan yi ɓɛ kikìghà.

LUKAS 1:1

Wɔ̀ Tyoofil, ɓum lɛɛ̀gwey ɓɛ tumɛ̀ngà rìkàn ɗi ɓiban ɓi ɓi kilɛ̀ngà ɓi nyìinyìm wìs,

MƐ̀KÌKÌÌ MƐ ƁƐKƐ̀NÌ-FÌTOM 11:21

Ìtèɗ wu Kan wu ɓaghà rì ɓɔ, kɛɛ kighà ɓum lɛɛ̀gwey lɛ ɓɛɛ lɔɔ̀ghrɛn mɛ̀rem, ɓɛɛ gherɛn Kan.

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

1 KƆ̀RƐ̀ŊTYƐŊ 1:24

Wɔ̀lɛ ɓi ɓɛ̀roɓɛ Bɛ̀ll à reŋighà, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n, Kiris à rì lɛ nyi ìtèɗ wu Bɛ̀ll, nyi ɗyomzɛ̀n ɗi Bɛ̀ll.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

1 KƆ̀RƐ̀ŊTYƐŊ 3:16

Ɓì yii ɓi lɛ mìni yɛɛ ri naa ìnɛ Bɛ̀ll à kɔ̀kɔrii miì, rì tì lɛ Ǹghay à Bɛ̀ll à rì ɓi mìni.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

1 KƆ̀RƐ̀ŊTYƐŊ 4:20

Ɓisuulɛ kìlɔ̀ŋ ki Bɛ̀ll ki yin kiɓan ki ɓitòkì ɓi rì ŋwɔm, ki ri lɔŋ kiɓan ki mɛkìkì.

1 KƆ̀RƐ̀ŊTYƐŊ 9:14

Fɔlɔɔ nnɛ Kan à rèɓsìghà girig ɓumɓɛ ɓɛɛ̀ ghaaghagsì Syeesyee à Ɓɔlɛ lɛ ɓɛ ghɛɛ̀sɛɛ kì ghɛɓì ɓi Syeesyee à Ɓɔlɛ ànɛ̀n.

2 KƆ̀RƐ̀ŊTYƐŊ 3:6

Lɛ nyimiɗ yɛɛ faghà ɓìsi ìtèɗ wulɛ ti ɓa ɓɛ̀kìì-ɓìsay ɓɛ ɓi nyɔnnyɔn à bee, ànɛ à sasaghii ɓi ɓi ɓìdɔ̀gsɛna ɓi ɓi ri ɓìkànɛn, à sasaghii lɔŋ ɓi Ǹghay ɓisuulɛ ɓìdɔ̀gsɛna ɓi ɓi ri ɓì kànɛn ɓi ti ɓi weeyì mum, kìɓan kifog Ǹghay à falàg cɛɓ.

GÀLAT 2:2

Ǹkɛ̀ngà rìkɛ̀ɛ̀ ɗiǹ lɛ Bɛ̀ll yɛɛ resìghà mɛ̀ lɛ nkɛǹ. Nni ǹɗèsìghà ɓɔ Syeesyee à Ɓɔlɛ ànɛ mɛ̀ ǹkakàlìghà ɓumɓɛ ɓɛ yin Ɓɛ̀yudɛ̀n; ǹɗèsìghà ɓɔlɛ ànɛ̀n a dwìɗ a ɓumɓɛ ɓɛ ɓiisɛɛ kì ɓaà gìn yi ɓum ɓi nɗaŋ waa, lɛ ǹkɔ̀ngà ɓi lɛ kìsay kɛm̀ ki m̀ɓaghà di m̀mɛ kì, rì ki nkìkì ɓyɛɛ wu zɛy.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

EFÈZYƐŊ 2:10

Ɓisuulɛ, tì rì kìsay ki nnyɛɛ salà; à yègà ɓìsi ɓi Yeesus Kiris lɛ, ti ghɛɓ cɛɓ ki ki ri rì mɛ̀kìkìì mɛ syeesyee mɛ Bɛ̀ll à lokà kì pègsɛɛ lɛ ti kilag.

EFÈZYƐŊ 3:20

Nni roànɛ à rì rì ìtèɗ wulɛ à kì ɓìɓan ɓìcèm ɓi tì rì lɛ tì tɔg, nsoò lɛ tì fèg, à ceesàg kɛ̀ɛ̀ vèg rì ìtèɗ wu wɛɛ̀ kìki kisay ɓi ɓìsi,

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

FÌLÌPYƐŊ 4:9

Ɓìɓan ɓi ɓì kìghà lɛ, ɓì yilàg, ɓì teɗ, ɓì ki wog a lɔ̀ŋkɛm̀, rì ɓi ɓì ghɛngà mɛ̀ di nkìkì, ɓyɛɛ̀ɓi kìkiina. Fɔɔnnɛ Bɛ̀ll à fyòoog à ɓiì ɓaà rì mìni.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

2 TÈSÀLÒNÌSYƐŊ 2:14

Kìɓan ki Bɛ̀ll à reŋìghà tì mìni miì, rì Syeesyee à Ɓɔlɛ ànɛ tì ghagsìghà mìni ki ri lɛ, ɓi ɓa rì gàɓ ɓi rìkem ɗi Kan wìs Yeesus Kiris.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

2 TIMOTE 2:8

Yiti Yeesus Kiris ànɛ à ghèmɓɛ̀ngày a ɓìloŋ, di à yalɛɛ yì ɓi boo ì mum ì Davit lɔŋ yɛ̀ɛ Syeesyee à Ɓɔlɛ ànɛ mɛ̀ɛ ǹghaaghagsì a kpaakpàà;

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 6:11

Ti kɔ̀nkɔn lɛ mum ǹcèm ànɛ ɓi mìni a ɓa rì rìkuu ɗi rifalɛ̀n ɗiǹ à kpaŋ a rìsugtɛ̀n, fɔɔnnɛ ɓìɓan ɓi ɓi ɓoŋɓòŋ ɓi ri ɓiì kìlɛɛ lɛ syeesyee,

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 5:3

Kɛ̀ ɓi tuturi ɓumɓɛ ɓɛ faghà mìni lɛ ɓi ɓeŋ̀, kìɓan kifog ɓaana kìfèèghrɛnà ki jɔ̀ɔ̀ yi Bɛ̀ll yi ri lɛ yi nɔɔ̀tì;

2 PYƐƐRI 1:10

Kìɓan kiǹ kɛɛ̀ki mìni ɓɛ̀geni ɓɛ̀m, ɓì ghɛ̀ɛ̀sɛɛ kì tèèsii nyoo lɛ ɓi siìrag ǹɗeèghreŋi win ɗi rìɓɔ̀n ɗi Bɛ̀ll à ɓɔ̀ngà mìni; i ɓì kìi fɔlɔɔ, ɓyàa kpì ɓi ɓi kìɓe.

2 PYƐƐRI 1:19

Fɔlɔɔ nnɛ tì ɓiisɛɛ tì kìgherɛɛ rikpaa ɗi ɓɛ̀kpaŋzì-ɓìɓan lɛ ɗi ri saaɗ; saaɗ ànɛ̀n innɛ ɓi kookonàg yɛ̀ɛ ɓi ranɗam mɛreè lɛ ɓi wog lɛ à rì fɛlɛ yɛ̀ɛ lamɓà ànɛ a ròòroo ɓi jàŋ inɛ ì rì birìm, à kpaŋ yɛ̀ɛ duri i ɓiì tanì, fyɛy fi duriɓuɓ fi kpeŋzì mɛ̀rem min.