TÈSÀLÒNÌSYƐŊ 1:1 - Bafia Nouveau Testament

¹ Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

TÈSÀLÒNÌSYƐŊ 1:1 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 15:27

Nni tì romiì mìni lɛ, rì Zyuudɛ rì Silas lɛ ɓɔmiɗ ɓɛɛ kpaàti mìni ɓìɓan ɓi tì kàniì ɓi.

MƐ̀KÌKÌÌ MƐ ƁƐKƐ̀NÌ-FÌTOM 15:40

Pol nyii tekà Silas ɓɔɔ kɛǹ, dì ɓɛ̀geni ɓaa ɓɛ mɛ reɓsɛn ɓɔ rì geesɛ̀n ì Kan.

MƐ̀KÌKÌÌ MƐ ƁƐKƐ̀NÌ-FÌTOM 16:19

Yɛ̀ɛ ɓɛ̀masà ɓɛ giɓ anɛ̀n ɓɛ ghɛngà lɛ bee yaà ì rìfɔ̀n ìnɛn ì simɓɛɛ, nni ɓɛ ɓangà lɛ, rì Pol rì Silas, ɓɛ kɛǹ ɗì ɓɔ ɓi jàŋ ì ɓɛ̀yɔ̀m ɓi mis mɛ ɓɛyɔ̀mì-ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 16:25

Di ǹɗem-irù wu ti jàŋbog, Pol rì Silas ɓɛ ɓɔɔ̀ɓɔ̀ŋzàkà Bɛ̀ll, ɓɛ kɛkɛ̀ɛ̀gh tyem ti lɛ ɓɛɛ ɓɔgsi Bɛ̀ll, ɓìmbùŋ ɓimbog ɓi wowòg yɛ̀ɛ ɓɛ kɛkɛ̀ghìghà.

MƐ̀KÌKÌÌ MƐ ƁƐKƐ̀NÌ-FÌTOM 16:29

M̀ɓèŋì-naà-zày à tɔg min lɛ ɓɛɛ fa nyi ɗuu; à ɗiŋì rì mɛ̀ree ɓi kìden ki naa, di a nìighniŋdɛ̀n lɛ kpàg-kpàg-kpàg, à kpì Pol ɓɛɛ̀ Silas a mɛ̀kòò;

MƐ̀KÌKÌÌ MƐ ƁƐKƐ̀NÌ-FÌTOM 17:11

Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 18:5

Wɔ̀lɛ yɛ̀ɛ Silas rì Timote ɓɛ kpagà a Kɔrɛŋt di ɓɛ pɛsɛɛ yì a Masedwan, Pol à nagà ɓɔɔ ɓisay ɓimbog, à rɔ̀ɓ lɔŋ lɛ a kpaàkpaa ɓum ɓìɓan ɓi Bɛ̀ll, à kakàlì Ɓɛ̀yudɛ̀n à ki sììrɛn lɛ, Yeesus yɛɛ ri Kiris.

MƐ̀KÌKÌÌ MƐ ƁƐKƐ̀NÌ-FÌTOM 19:22

Nni à romgà min ɓɔɓti ɓii ɓɛ kisay ɓɛɓɛɛ̀ lɛ, rì Timote rì Erast a Masedwan, nyimiɗ a rɔ̀ɓtì kì ghagsii gàɓ ì mɛ̀ru ɓi kìlànà ki zi ki a Azii kiǹ.

MƐ̀KÌKÌÌ MƐ ƁƐKƐ̀NÌ-FÌTOM 20:4

Ɓumɓɛ Pol à ɓaghà ǹɗaŋ ɗi ɓɔ, ɓɛ ɓaghà lɛ: Sopatɛr, ànɛ à ɓaghà man à Pirus ànɛ a Bere, rì Aristarikɛ ɓɛɛ̀ Sekunɗus ɓumɓɛ a Tesalonika, Gayus ànɛ à ɓaghà ŋwaànɛ a Dɛriɓɛ, rì Timote, rì Tisig, rì Tirofim ɓɛ̀roɓɛ̀n ɓɛ̀sɛ̀ɛ̀ ɓɛ̀cèm ɓɛ ɓaghà ɓumɓɛ a Azii.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

GÀLAT 1:2

ǹɗaŋ ɗi ɓɔɔseŋi ɓis ɓɛ̀cèm ɓɛ tì rì fɛ rì ɓɔ, ɓisuu Ɓiseŋi ɓi ɓɛgherɛ̀n ɓi a Galasi.

GÀLAT 1:22

Foo a ɓaghà di Ɓìseŋi ɓi ɓɛgherɛ̀n Kiris ɓi a Zyude ɓi ka yi ɓi mɛ.

EFÈZYƐŊ 1:2

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni geesɛ̀n rì fyòoog.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

KÒLÒSYƐŊ 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Timote à geni wìs,

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

2 TIMOTE 1:2

ǹkàni Timote à man wɛm̀ à nɗem, Bɛ̀ll Seŋi wìs, rì Yeesus Kiris Kan wìs, ɓɛɛ fa wɔ̀ geesɛ̀n ɗì rìcenɛ̀n, rì fyòoog

EBIREEGH 13:23

Yiina lɛ, ɓɛ ncàri Timote à geni wìs anɛ àa nɗì m̀ɓamɓanɛn, i à fyaŋzii fɛ kì kpaŋì, di tì rì mìni ɓiì yùu ki ghɛɛ̀ ǹɗaŋ lɛ rì mɛ̀ rì nyi.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.