1 PYƐƐRI 5:5 - Bafia Nouveau Testament

⁵ Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

1 PYƐƐRI 5:5 Iomraidhean Croise

LUKAS 22:26

Ki ghɛɛ̀sɛɛ ɓi ki ɓaà fɔlɔɔ ɓi nyìinyìm wìn, wɔ̀lɛ roànɛ à rì ɓiì ɓaà ǹɗɛlì-asù ɓi nyìinyìm wìn à ghɛ̀ɛ̀sɛɛ kì terɛɛ nyimìɗ yɛ̀ɛ ŋwɔɓti, ŋwaànɛ a làlàmì, à ɓa yɛ̀ɛ ǹkpàn a ɓɛ̀ro ɓɛm̀bog.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

EFÈZYƐŊ 5:21

Ɓaana rì mɛ̀wog ɓi nyìinyìm wìn ɓisuu rinìŋ ɗi ɓì ti ɓì nìgì Kiris.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

TIMOTE 5:1

Kɔ̀ɔ fwààdag kitùg ki mum, kìɓan kifog ki ghɛɛ̀sɛɛ lɛ ù reɓ nyi lɔŋ yɛ̀ɛ soŋi; ù reɓkì ɓɛ̀dɛlì lɔŋ yɛ̀ɛ ɓɛ̀goni,

EBIREEGH 13:17

Kìina ɓumɓɛ ɓɛɛ̀ kɛ̀ɛkɛɛ̀sì mìni mɛ̀wog ɓì fa ɓɔ bɔgsɛ̀n, ɓisuulɛ ɓɛɛ̀ ɓɔmɓɔm kirɔɔ ki ɓi mɛ̀ghay miǹ, lɛ ɓɛ ri ɓàaghgɛ kìɓan ki miì ɓi mis mɛ Bɛ̀ll; kìina lɛ ɓɛɛ kiki kìsay kiǹ ɗì kìnyàà, àa rì bemeg lɛ fɔlɔɔ àa ghɛɓsi ɓi mini bimiɗ à com.

ZYAG 4:6

Wɔ̀lɛ Bɛ̀ll à ti à kìlàg ɓìsi geesɛ̀n ìnɛ ì cee, lɛ ki ri kìkànɛn lɛ: Bɛ̀ll à ti kɛ̀ɛ rɛ̀gti ri ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dii ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

1 PYƐƐRI 4:1

Nni yɛ̀ɛ Kiris à wokà rìkɛŋ ɗi ɓi mɛ̀mùù, mìniìrig ɓanɛɛ na rì rìyitì ɗiǹ ɓisuulɛ ŋwaànɛ à mɛ wog rikɛŋ ɗi ɓi mɛ̀mùù, à rì ŋwaànɛ à mɛ ghasɛn ɗi kìɓe

1 PYƐƐRI 4:5

Kìɓan kifog ɓɛ ɓàagh gɛ kìɓan ki ɓɛɛ̀ kìki kiǹ ɓi mis mɛ roànɛ à ti jàŋbog lɛ a yɔm̀ lɛ rì ɓum ɓɛ cem rì ɓìloŋ.