1 PYƐƐRI 5:14 - Bafia Nouveau Testament

¹⁴ Tògsɛɛna mìni rì mìni, di ɓi lɔ̀ɔlɔrɛ̀n ɓi nkɔ̀nɛ̀n à rìgeni. Fyòoog a ɓa rì mìni ɓɛ̀sɛ̀ɛ̀ ɓɛ̀cèm ɓɛ ɓì rì ɓi Kiris ɓi ɗùm.

1 PYƐƐRI 5:14 Iomraidhean Croise

MATYOO 5:47

I ɓɛ̀geni ɓin ɓɔrìɓɔ ɓɛɛ̀ɓɛ ɓì ti ɓì tògsàg, di ɓi ka ki bi kiɓan ki nyɔ̀n; lɛ nsoò ɓumɓɛ ɓɛ gherɛɛ ɓi Bɛ̀ll, ɓɛ ti ɓɛ kilàg girig fɔlɔɔ.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 20:19

Cɛŋkò ki ŋwosi sɔnɗì nyimiɗ anɛ̀n, mɛ̀suunaa mɛ ɓi naa ìnɛ ɓɛ̀yilàg ɓɛ ɓaghà wɔɔ ɓɛtaŋzɛn, mɛ ɓaghà mɛ̀rogakɛn lɛ, ɓɛ rirìsìghà Ɓɛ̀yudɛ̀n. Nni Yeesus à yùghà, à rɛlì ɓi nyìinyìm wàà, à kpaa ɓɔ lɛ: Fyòoog a ɓa rì mìni.

ZYAŊ 20:26

Ajɛ̀m ì mɛ̀ru taàraa, ɓɛ̀yilàg ɓɛ Yeesus ɓɛ ɓatìghà ɓɛ̀taŋzɛn ɓi naa, Tomas à ɓaghà wɔɔ ri ɓɔ. Mɛ̀suunaa mɛ ɓaghà mɛ̀rogakɛn, nni Yeesus à yùghày, à rɛlì ɓɔ ɓi nyìinyìm, à kpaa ɓɔ lɛ: Fyòoog a ɓa rì mìni.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 16:16

Tòotògsɛɛna mìni rì mìni, di ɓi lɔ̀ɔlɔ̀rɛ̀n ɓi nkɔ̀nɛ̀n à rìgeni. Ɓìseŋi ɓìcèm ɓi ɓi Kiris ɓi tɔkii yì mìni.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 16:20

Ɓɛ̀geni ɓin ɓɛ togsaagh yì mìni ɓɛ̀sɛ̀ɛ̀ ɓɛcèm; tòotògsɛɛna mìni rì mìni ɓì lɔ̀ɔ̀lɔ̀rɛ̀n ɓi nkɔ̀nɛ̀n à rìgeni.

2 KƆ̀RƐ̀ŊTYƐŊ 13:12

Tòotògsɛɛna mìni rì mìni di ɓi lɔ̀ɔlɔrɛ̀n yɛ̀ɛ ɓɛ̀gherɛ̀n. Ɓɛ̀gherɛ̀n ɓɛ̀cèm ɓɛ tɔkii yì mìni.

2 KƆ̀RƐ̀ŊTYƐŊ 5:17

I mum à ti ɓi Kiris ɓiɗùm, à ti nyɔɔnyɔn à mum, lɛ tìɗyàɓ ti ɓiɓan ti mɛ ghaàgh, ɓyom ɓi nyɔn ɓyɛɛ ti.

EFÈZYƐŊ 6:23

Ɓɔɔsoŋ̀, Bɛ̀ll à Seŋi wìs, ɓɛɛ̀ Kan Yeesus Kiris ɓɛɛ fa ɓɛ̀geni ɓis ɓɛ̀cèm fyòoog, rì ǹkɔ̀nɛ̀n, bas ɗì rìgherɛ̀n.

TÈSÀLÒNÌSYƐŊ 5:26

Ɓi tògsag ɓɛ̀geni ɓis ɓɛ ɓi rìgherɛ̀n ɓɛ̀cèm, ɓì lwɛ̀ɗkì ɓɔ yɛ̀ɛ kɛɛ̀ kɔ̀ngi Bɛ̀ll.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

3 ZYAŊ 1:14

Ǹɗì rì dyàɓɛn lɛ, mɓiì ghɛɛ̀ wɔ̀ ɓi mɛ̀ru mɛ mɛ riì mɛ fɔɔnnɛ tì ɓiì tòkii, tì seèsèèrɛ̀n a mɛ̀su.