1 PYƐƐRI 5:12 - Bafia Nouveau Testament

¹² Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

1 PYƐƐRI 5:12 Iomraidhean Croise

ZYAŊ 21:21

Yɛ̀ɛ Pyɛɛri à ghɛngà nyi, à tɔg Yeesus lɛ: Kan, cɛ kɛɛ̀ki roànɛ à ɓiì tulɛɛ ri kɔ̀?

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

1 KƆ̀RƐ̀ŊTYƐŊ 15:1

Ɓɔɔsoŋ̀, n-yiti mìni Syeesyee à Ɓɔlɛ ànɛ ǹkalìghà mìni, ànɛ ɓì tekà, innɛ ɓì rì ɓɛ̀sììrɛn miì;

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

EFÈZYƐŊ 3:3

Mɛ̀ n-yii fèg à Bɛ̀ll ànɛ a rìnyam fɛlɛ yɛ̀ɛ màa fèèghrɛɛ mìni kì còŋi lɛsàg lɛ nnyɛɛ resii mɛ̀ fèg ànɛn.

EFÈZYƐŊ 6:21

Tisig, maaseŋi wìs a nɗem, ànɛ a kìki Kan kìsay ri ǹtyweeyi, à rì mìni ɓiì rèsii ɓiɓan ɓìcèm ɓi ɓi seesee cɛɓ kɛ̀m, lɛ ɓi yi com ki nkìki ɓigomìnɛ.

KÒLÒSYƐŊ 1:7

lɔŋ yɛ̀ɛ Epafiras ànɛ à rì reŋkàŋ wìs a nɗem ànɛ ti kìki kisay ri nyi à rèsìghà mìni; à rì ǹkìì-kìsay a Kiris à ntyweeyi ɓisu wìn.

KÒLÒSYƐŊ 4:7

Ɓi kìɓan ki ki seesee rìɓa ɗyɛ̀m, Tisig à geni wɛ̀m à nɗem, ànɛ à rì ǹkìì-kìsay a Kan à ǹtyweeyi, ànɛ ti kìki kisay ki Kan ɗì nyi nɗaŋ, à rì mìni ɓiì kalii ɓiɓan ɓìcèm.

KÒLÒSYƐŊ 4:9

Ɓɛ riì nɗaŋ ri Onezim, geni wìs a ǹɗem, ànɛ à rì mum à ǹtyweeyi, nyi tì maaseŋi wìn. Ɓɛ ri mìni ɓiì wogsii ɓiɓan ɓìcèm ɓi ɓyɛɛ̀ kìikilɛ̀n fɛ.

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.

2 PYƐƐRI 1:12

Kìɓan kiǹ kɛɛ̀ki ǹɗì lɔŋ mini ɓiì yiiyitàg ɓìɓan ɓiǹ cààmɛ̀n kìcèm kaa soo rì lɛ ɓì mɛ yi ɓyɔ, ɓì ki ɓa ɓɛsììrɛn lɛ syeesyee ɓi saaɗ ànɛ ɓì tekà.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,

3 ZYAŊ 1:12

Ɓum ɓɛ̀cèm ɓɛɛ̀ sɛsɛg Demetiriyus, saaɗ nyimiɗ a sɛsɛg girig nyi, nsoò ɓìsi girig ti sɛsɛg nyi, ù ki yii lɛ, com ki ti kpaakpàà ki ri saaɗ.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.