1 PYƐƐRI 5:1 - Bafia Nouveau Testament

¹ Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

1 PYƐƐRI 5:1 Iomraidhean Croise

LUKAS 24:48

Ɓì rì ɓɛ̀wusìnɛ̀ɗ ɓɛ ɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 1:22

à tumɛ̀n lɔŋ yɛ̀ɛ Zyaŋ à ɓàɓtìghà nyi à kpaŋ yɛ̀ɛ àa m̀pɛsɛɛ ɓi nyìinyìm wìs a ɓɔg aɗyoo, kìbog ki ɓi ɓɔ kɛɛ ɓasɛn ɗì ɓìsi lɛ kɛɛ ɓa wusìnɛ̀ɗ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 15:4

Yɛ̀ɛ ɓɛ kpagà a Yorisalɛm nni kìseŋi rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ ghaɓkà ɓɔ, fɔɔnnɛ Pol ɓɛɛ̀ Ɓarinaɓas ɓɛ resìghà ɓɔ ɓìɓan ɓìcèm ɓi Bɛ̀ll à kìghà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 15:6

Fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn ɓɛ taŋzɛ̀ngà lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 20:17

Pol à pɛ̀sìghà ɓum a Milɛ, à rom lɛ ɓɛɛ regiì nyi ɓɛ̀sɛ̀ɛ̀mɛn ɓɛ kiseŋì ɓɛ ɓi kìseŋi ki a Efɛɛzɛ.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 21:18

Ɓi duri tana nnɛ Pol à kɛ̀ngà rì ɓìsi yɛ̀ɛ Zyag. Ɓɛ̀sɛ̀ɛ̀mɛn ɓɛ kiseŋi ɓɛ̀cèm ɓɛ taŋzɛ̀ngà girig wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

2 KƆ̀RƐ̀ŊTYƐŊ 5:1

Lɛ tì yii lɛ, i kìlaa ki ti ghɛghɛɓ miì fɛ ɓi ziinɛ, kɛɛ ri nyoo yìs ki waàrɛɛ, tì rì rì ɓìtèetèɗ ɓi mɛɛ aɗyoo ɓi Bɛ̀ll à togà, ɓyɛɛ ri fìɗyàɓ fikɔ̀ɔ̀; mɛɛ mɛn mɛ yin mɛɛ mɛ ɓum ɓɛ toŋi rì ɓyàg ɓyaa.

2 KƆ̀RƐ̀ŊTYƐŊ 5:8

Ìtèɗ wu ri ɓìsi wu ronɛn ɓi mɛ̀rem lɛ pisa, fɔɔnnɛ tì rì lɛ tì ɓiìsɛ̀n kì ghɛɛ̀ kìrɔɔ lɛ ti caɗ nyoo ìnɛ tì rì ìnɛ rì yɔ̀, ti kɛǹ kì kɔ̀rii jàŋbog rì Kan.

FÌLÌPYƐŊ 1:19

ɓisuulɛ ǹ-yii lɛ, kìɓan kiǹ ki ɓiì lɔ̀ɔ̀ghrɛɛ ɓi bee inɛ lɛ mɛ̀ ǹghɛɓ lɛ bɔ̀ŋzɛ̀n yin, rì ǹghɛɓsɛn wu Ǹghay à Yeesus Kiris à ti à yùlàg rì wɔ.

TIMOTE 5:1

Kɔ̀ɔ fwààdag kitùg ki mum, kìɓan kifog ki ghɛɛ̀sɛɛ lɛ ù reɓ nyi lɔŋ yɛ̀ɛ soŋi; ù reɓkì ɓɛ̀dɛlì lɔŋ yɛ̀ɛ ɓɛ̀goni,

TIMOTE 5:19

Kɔ̀ɔ gherag sɔmìnà à ǹsɛ̀ɛ̀mɛn a Kìseŋi di ɓɛ̀nkɔ̀ɔwa ɓɛ yin ɓɛɓɛɛ̀ nsoò lɛ ɓɛraa ɓɛ ɓɛɛ ɓaàzi sɔmìnà ànɛn.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 1:5

Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

FILEMƆŊ 1:9

ki mɓiisɛɛ mɛ̀ kì kɔ̀ni lɛ mɓɔŋzi wɔ̀ ɓi nkɔ̀nɛ̀n. Ɓi rìɓa ɗi mɛ̀ Pol ǹɗì ɗi kìtùg ki mum, à kɛ̀ɛ̀dì kì ɓaà lɛ ɓigomìnɛ ǹɗì kìmbùŋ ɓisuu Yeesus Kiris.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

2 ZYAŊ 1:1

Mɛ̀ Ǹsɛ̀ɛ̀mɛn, mɛ̀ yɛɛ kani Kirya, giɓ anɛ Bɛ̀ll à ɓɔ̀ngà, rì ɓɔn ɓii ɓɛ ǹkeesii lɛ kɔɔ̀kɔɔ̀; nni àa mɛ̀ cɛ̀ncɛm yɛɛ keesii mìni, lɔŋ ɓum ɓɛ̀cèm ɓɛ ɓɛ yii saaɗ ɓɛ keesii girig mìni;

3 ZYAŊ 1:1

Mɛ̀ ǹsɛ̀ɛ̀mɛn yɛɛ kani Gayus, mum wɛm̀ à nɗem ànɛ ǹkeesii lɛ kɔɔ̀kɔɔ̀.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.