1 PYƐƐRI 4:7 - Bafia Nouveau Testament

⁷ Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 4:7 Iomraidhean Croise

MATYOO 24:42

Fɔɔnnɛ kɔ̀riina cem, lɛ ɓi yii ɓi fin ìnnɛ masà wìn a rì ɓiì yùu.

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

LUKAS 22:46

À kpaa ɓɔ lɛ. Ɓi lalay lɛ la? Pɛ̀sɛɛna aɗyòò, ɓi ɓɔŋzi Bɛ̀ll di kɛ̀ ɓi kpì ɓi mɛ̀fèèghrɛn.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

1 KƆ̀RƐ̀ŊTYƐŊ 15:24

Ajɛ̀m ìnɛn nnɛ rìsugtɛ̀n ɗi ɓaa gɛ, yɛ̀ɛ Kiris à faa gɛ rìlàmì rì roànɛ à rì lɛ, nyi Bɛ̀ll, nyi Seŋi, di à mɛ yogsi lɛ: rì mɛ̀tèɗ mɛ mɛ ri mɛ̀ làŋɛn, rì rìlàmì ɗìcèm, rì mɛ̀tèɗ mɛ nghay mɛmbog mɛ̀cèm.

1 KƆ̀RƐ̀ŊTYƐŊ 7:29

Ɓɔɔsoŋ̀, com ki nkɔ̀nkɔn lɛ nkpaà ki ri lɛ, cààmɛ̀n ki ri kìden, à tumɛ̀n ɓigomìnɛ, ɓumɓɛ ɓɛ ri rì ɓɛ̀yiɓ, ɓɛ ghɛɛ̀sɛɛ kì ɓaà yɛ̀ɛ ɓɛ ri kɛ̀ɛ̀ ɓɛ̀yiɓ;

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 4:5

Rìɓa ɗin ɗi tɛ̀tɛ̀rɛ̀ɛ̀ ɗi ghɛɛ̀sɛɛ lɛ ɓum ɓɛ̀cèm ɓɛɛ yi ɗyɔ; Kan à ti jàŋbog ɗì rìyù.

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

EBIREEGH 9:26

I kɛɛ ɓa fɔlɔɔ, di ki ghɛɛ̀sɛ̀ngà min lɛ Kiris a wog rìkɛŋ gɛ̀n lɛ gɛ̀n à tumɛ̀n yɛ̀ɛ zi i kìlɛ̀ngà. Wɔ̀lɛ ɓi cààmɛ̀n ki, à yùghà gɛ̀n bog ɓi gɛ̀n yicèm, di mɛ̀ru mɛ siitòn mɛɛ̀ kɛ̀ɛ̀kɛɛ yi lɛ a legsi kìɓe di à fùnɛɛ nyimiɗ.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 3:7

Fɔlɔɔ nnɛ mìni ɓɛ̀baŋì, ɓì ghɛɛ̀sɛɛ girig lɛ mum bimiɗ a ghɛɓ rì giɓ wiì, à yi lɛ ɓɛ̀yiɓ ɓɛ ri ɓumɓɛ ɓɛ yin ɗi ìtèɗ yɛ̀ɛ ɓɛ̀baŋì; terina ɓɔ rì nyaasɛ̀n lɛ ɓɛ ghɛɛ̀sɛɛ girig kìterì mààgh à cɛɓ bas ɗì mìni, di fɔlɔɔ nnɛ com kidɛŋ kɛ̀ kɛɛ̀ gheŋɗɛn ɓi bɔ̀ŋzɛ̀n yìn.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.