1 PYƐƐRI 4:16 - Bafia Nouveau Testament

¹⁶ wɔ̀lɛ i ki ri lɛ ɓi wowog ntɔɓ ɓi ɗii ɗi lɛ kìristɛ̀n, kɛ̀ ɓi wog ntoòrìɗ, ɓì ghɛ̀ɛ̀sɛɛ lɔŋ ki kemzii Bɛ̀ll ɓisuu ɗii ɗìn.

1 PYƐƐRI 4:16 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 26:28

Nni Agiripa à kpaaghà Pol lɛ: Ki rɔɓi lɛsàg lɛ, u ki lɛ m̀ɓa kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

FÌLÌPYƐŊ 1:20

Lèg ànɛ ǹɗì rì coo zày, ǹki ɓa ri dyàɓɛn, màa wog ɓi ntoòrìɗ ri com kidɛŋ. Ɓi cààmɛ̀n ki, lɔŋ yɛ̀ɛ ɓi ɓyààmɛ̀n ɓimbog, rì ǹtyweeyi wu wu ri mɛ̀ ɓiì ronì ɓi nɗem, Kiris à ɓiì kemì ɓi nyoo yɛ̀m, màa soo rì cem, màa soo wìì.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

ZYAG 2:7

Àa ɓɔ yɛɛ ti ɓɛ fengàg syeesyee à ɗii ànɛ ɓì tɛ̀tɛɛgh?

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.

1 PYƐƐRI 4:19

Fɔlɔɔ nnɛ ɓumɓɛ ɓɛɛ̀ wowog mɛtɔɓ lɛ Bɛ̀ll yɛɛ kɔni, ɓɛ ghɛɛ̀sɛɛ kì faà ɓyɛɓ ɓyaa ri ǹkìì-ɓyom ɓìcèm ànɛ à ti à roòzàg mɛ̀kàg mii, ɓi rìkì ɗi ɓɛɛ̀ kiki kirɔɔ.