1 PYƐƐRI 4:14 - Bafia Nouveau Testament

¹⁴ I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.

1 PYƐƐRI 4:14 Iomraidhean Croise

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

ZYAŊ 15:21

Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

ZYAŊ 8:48

Nni Ɓɛ̀yudɛ̀n ɓɛ ɓakà nyi lɛ: Ki ri lɔŋ saaɗ yɛ̀ɛ tìi nkpaa lɛ, ù rì ŋwaànɛ a Samari, ù ki ɓa ti ri kìɓeɓtàg ki nghay.

ZYAŊ 9:28

Fɔɔnnɛ ɓɛ sɛmgàkà ŋwaànɛ̀n, ɓɛ kpaa nyi lɛ: Wɔ̀ yɛɛ ri ǹ-yilàg wìì, ɓìsii ri ɓɛ̀yilàg ɓɛ Moyis.

ZYAŊ 9:34

Nni ɓɛ ɓakà nyi lɛ: Wàànɛ ù yalɛ̀ngà ɓi kìɓe wɛ̀ɛmiɗ bimiɗ, wɔ̀ yɛɛ̀ kɔ̀nkɔn lɛ u resag ɓìsi? Fɔɔnnɛ ɓɛ naɓkà nyi.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 18:6

Yɛ̀ɛ Ɓɛ̀yudɛ̀n ɓɛ ɓeèdɛ̀ngà ɓìɓan ɓi Pol à kpaakpààghà, ɓɛ ki sɛmgi nyi, fɔɔnnɛ à sàɗkà kùrùɓu ànɛ à ɓaghà nyi ɓi ɓìlàà à kpaa ɓɔ lɛ: Ì ɓì ɗyaŋi ŋwos yɛ̀ɛ gɛɛ̀nɛ, di zɛ̀ɗ yiǹ ì mìniìɓɔmiɗ, mɛ̀ ǹ-yiìdi miì rì bɛ̀lɛn. Fɔɔnnɛ à tumɛ̀n ɓigomìnɛ, ǹ-yùu kì kɛ̀ɛ a ɓɛ̀roɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

2 KƆ̀RƐ̀ŊTYƐŊ 12:10

Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

2 KƆ̀RƐ̀ŊTYƐŊ 4:10

Tì tɛ̀tɛɛgh rìwu ɗi Yeesus ɓi nyoo yis cààmɛ̀n kìcèm, lɛ di cɛɓ kii kɛɛ ghɛnɛn ɓi nyoo yìs.

2 KƆ̀RƐ̀ŊTYƐŊ 4:16

Kìɓan kiǹ kɛɛ̀ki tì càrɛɛ ɓi lɛ mɛ̀rem mis mɛɛ teɗ ìɓwɛɗ. Nsoò nyoo yìs i mɛ̀mùù yàa wààwààrɛ̀n lɔŋ lɛsàgsàg rìɓa ɗi nghay wis ɗyɔɔ suùsùgtì lɔŋ nyɔn ɓɛ̀ŋwos ɓɛ̀cèm.

GÀLAT 1:24

Fɔɔnnɛ ɓumɓɛ̀n ɓɛ keèkèmzìghà Bɛ̀ll ɓisuu kiɓan kɛm̀.

EBIREEGH 11:26

À ghɛn lɛ ǹtoòrìɗ wu Kiris à ghɛ̀ɛ̀sɛɛ kì woògh wu cee coo ikum wu Egiɓtɛn kɛ̀ɛ̀ vèg ɓisuulɛ mis mii mɛ ɓaghà lɔŋ ri mɛ̀lèɓ mɛ mɛ ɓoŋɓòŋgà nyi asu.

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

ZYAG 5:11

Ghɛɛna, tì ti tì kpaaghì lɛ, ɓumɓɛ ɓɛ siìrɛɛ rì ìtèɗ, ɓɛ ri ɓɛ̀mààghmaagh; ɓì mɛ wog di ɓɛɛ̀ kpaakpaa kinìri ki nɗem ki Zyɔɓ, ɓì ki ghɛngà lèg ànɛ yɛ̀ɛ Kan à kìghà lɛ cɛɓ kii kɛɛ kɛǹ kì syɔnì ɓisuulɛ Kan à rì rì nɗem wu nyìighnyìg lɛɛ̀gwey, rì kìpuɓì ǹɗem.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 3:14

I ki kpaŋi gi kɔm̀ lɛ ɓi wog ǹtɔɓ ɓisuu saaɗ, di ɓì rì rì ɓɛ̀mààgh; kɛ̀ ɓi risi ɓum nsoò, kɛ̀ ɓi ki ɓùùsɛn;

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.

1 PYƐƐRI 4:16

wɔ̀lɛ i ki ri lɛ ɓi wowog ntɔɓ ɓi ɗii ɗi lɛ kìristɛ̀n, kɛ̀ ɓi wog ntoòrìɗ, ɓì ghɛ̀ɛ̀sɛɛ lɔŋ ki kemzii Bɛ̀ll ɓisuu ɗii ɗìn.

2 PYƐƐRI 2:2

Kìgwey ki ɓum ki ri ɓɔ ɓiì nɔ̀ɔ̀tii ɓi kìɓeɓtàg kaa ki cɛɓ, fɔɔnnɛ ɓum ɓɛ ri ɓiì feefengì bee ì saaɗ lɛ rìkì ɗyaa.