1 PYƐƐRI 4:12 - Bafia Nouveau Testament

¹² Mìni ɓum ɓɛm ɓɛ nɗem, rìɓa ɗi ɓì rì ɓi ɓɛ̀gɛn ɓɛ mɛfèèghrɛn ɓɛ ɓɛ ri yɛ̀ɛ ɗuu ɗi ghɛ̀g-ghɛ̀g, ɗyɛ̀ kɛɛ̀ sìɗ mini yɛ̀ɛ ɓɛɛ̀ kali lɛ kìkènekènè ki kiɓan kidɛŋ kɛɛ tanɛɛ mìni.

1 PYƐƐRI 4:12 Iomraidhean Croise

1 KƆ̀RƐ̀ŊTYƐŊ 10:13

Ɓì ka tulɛ̀ngà ɓi ri mɛ̀fèèghrɛn mɛdɛŋ, mɛ mɛ cee ìtèɗ wu mum. Bɛ̀ll à ti à roòzàg mɛ̀kàg mii, fɔɔnnɛ àa càɗ ɓi lɛ ɓi tulɛn rì mɛ̀fèèghrɛn mɛ mɛ cee mìni ɓi-tèɗ; wɔ̀lɛ i mɛ̀fèèghrɛn mɛ kpaŋi mìni, à rì mìni ɓiì rèsii bee inɛ ɓì rì lɛ ɓì cee mɔ miì, à ki fa mini ìtèɗ wulɛ ɓi cenɛn mɔ.

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

2 TIMOTE 3:12

Ki ri gì lɛ, ɓum ɓɛ̀cèm ɓɛ ɓɛɛ̀ kɔ̀nkɔn lɛ ɓɛɛ̀ ghɛɓ cɛɓ ki lɛ ɓɛ falɛ̀n rì Bɛ̀ll ɓi Yeesus Kiris lɛ kɔɔ̀kɔɔ̀, ɓɛ ri ɓiì tulɛɛ ri ǹ-yeesɛ̀n, à ɓum.

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

1 PYƐƐRI 4:4

Nni ɓigomìnɛ ɓumɓɛ ɓɛ yin ɓɛgherɛ̀n ɓɛɛ̀ kuukuùghràg yɛ̀ɛ ɓì nɔ̀ɔ̀tii tì ɓi ɓɔ ɓi coo kiɓeɓtàg ki cɛɓ kìn, fɔɔnnɛ ɓɛɛ̀ wɔmwɔm mini.

1 PYƐƐRI 5:9

Ɓaana ɓɛ̀sììrɛn ɓi rìgherɛ̀n, kɛ̀ ɓi càrɛn lɛ a ɓigti mìni, ɓì ki yi lɛ ɓɛ̀geni ɓin ɓɛ rìgherɛ̀n ɓɛɛ̀ tuutulɛ̀n rì mɛ̀kuu mɛ mɛtɔɓ mɛ̀n ɓi ziinɛ.