1 PYƐƐRI 4:11 - Bafia Nouveau Testament

¹¹ I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

1 PYƐƐRI 4:11 Iomraidhean Croise

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

ZYAŊ 13:31

Yɛ̀ɛ Zyudas à ɓaghà di à mɛ kpaŋ ɓi dan, nni Yeesus à kalìghà lɛ: Ɓigomìnɛ, Man à mum à mɛ kem, Bɛ̀ll à mɛ kem girig ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 7:38

Yɛ̀ɛ kìlɔ̀ŋ ki taŋzɛ̀ngà ɓi-reɓ, Moyis yɛɛ ɓaghà ɓi nyìinyìm ànɛ lɛ, rì ɓɛ̀seŋi ɓis rì ŋwaà-fìtom anɛ à tòtòkà ɗì nyi ɓi dòn ì Sinayi. Nnyɛɛ ghaɓkà jɛ̀ɛ̀ yi Bɛ̀ll yi yi ri cem lɛ a ghagsi mìni yɔ.

RÒMƐŊ 11:36

Lɛ ɓyom ɓìcèm ɓi fuuyì ɓi nyi, ɓi ri lɛ nyi, ɓi ki rì ɓisu wìì, nnyɛ̀ɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

RÒMƐŊ 16:27

Bɛ̀ll ànɛ à rì ŋwaà ɗyomzɛ̀n cɛ̀ncii, a teɗ rìkem fìɗyàɓ fikɔ̀ɔ̀ lɛ Yeesus Kiris. Ààmɛ̀n.

RÒMƐŊ 3:2

Kìrɔɔ kaa ki tèghɛɛ bee lɛɛ̀gwey; rì ɓɔ nnɛ Bɛ̀ll à ka lokà kì reɓsɛɛ ɓiɓan ɓii.

1 KƆ̀RƐ̀ŊTYƐŊ 10:31

Ɓyàa soo ɗiɗì, ɓyàa soo nɔnɔ, nsoò cɛ kɛɛ̀ki ɓyàa kìkì, kìina ɓìɓan ɓìcèm ɓisuu rikem ɗi Bɛ̀ll.

1 KƆ̀RƐ̀ŊTYƐŊ 12:4

Mɛ̀faà mɛ Nghay mɛ ri mɛ̀kuu mɛ̀kuu, kìɓan kifog Ǹghay ànɛ a fafa mɔ, à rì lɔŋ bog.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 6:20

Ɓisuulɛ ɓɛ kweɗkà mìni dùne ǹkɛŋɛn yɛ̀ɛ mɛ̀nɔ̀ɓɔ̀; fɔɔnnɛ ɓì ghɛ̀ɛ̀sɛɛ kì kemzii Bɛ̀ll lɛ rì nyoo yin, rì ǹghay win lɛ ɓi ri ɓyom ɓi Bɛ̀ll.

2 KƆ̀RƐ̀ŊTYƐŊ 2:17

Lɛ ɓìsii yin yɛ̀ɛ kìgwey ki ɓum ki ki ti ki kilàg fyèè ri jɛ̀ɛ̀ ì Bɛ̀ll; kìɓan kifog, rì nɗem wu saaɗ, ɓi ɗii ɗi Bɛ̀ll ìnnɛ ɓìsiì kakali yɔ̀ yɛ̀ɛ ɓɛ̀kìì-ɓìsay ɓɛ Kiris ɓi mis mɛ Bɛ̀ll.

2 KƆ̀RƐ̀ŊTYƐŊ 9:13

Ɓisuulɛ gɛɓsɛ̀n ìnɛ kìsay kiǹ ki ri rì yɔ̀, ɓum lɛɛ̀gwey ɓɛ ri fa Bɛ̀ll rìkem, ɓi mɛ̀wog mɛ ɓì rì rì mɔ ɓi Syeesyee à Ɓɔlɛ à Kiris ànɛ ɓi làalamɓɛ̀n, rì ɓi rìɓòò ɗin ɗi ɗyɛɛ̀ kìki lɛ, ɓi ɓutɛn rì ɓɔ, ɓì ki ɓùtɛn ɗi ɓum ɓɛ̀cèm.

EFÈZYƐŊ 1:19

Ɓì yi girig lɛ, à ti à rèsàg ìtèɗ wu kuurakɛn ɓisuu ɓisi ɓɛ̀gherɛ̀n. Ìtèɗ wiǹ wɛɛ̀wu à rèsìghà lɛ wu laŋi mɛ̀tèɗ mɛcèm.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

EFÈZYƐŊ 5:20

Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

EFÈZYƐŊ 6:10

Ǹsyɔɔdii ɓìtòkì ɓyɛm̀ lɛ: Kaana ìtèɗ win ɓi rìràrɛ̀n ɗi rì Kan, rì ɓi coo itèɗ wii.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 2:11

ɓɛ̀sɛ̀ɛ̀ ɓɛ̀cèm ɓɛ ki làmɓɛ̀n ɓi myɔm maa lɛ Yeesus Kiris à rì Kan ɓi rìkem ɗi Bɛ̀ll Seŋì.

KÒLÒSYƐŊ 4:6

Ɓìtòkì ɓin ɓi ghɛɛ̀sɛɛ kì ɓalaagh ɓitòkì ɓi geesɛ̀n, ɓi yɛyɛ̀y yɛ̀ɛ kìkòn; fɔɔnnɛ ɓì ɓiì yiì lannɛ ɓì ghɛ̀ɛ̀sɛɛ lɛ ɓì ɓàg mum ǹcèm ànɛ ɓi ɓɔ, di à tɔɔgh mìni kìɓan.

TÈSÀLÒNÌSYƐŊ 2:4

Wɔ̀lɛ Bɛ̀ll à timgà rìɓa ɗis à ki fa ɓisi kìsay ki Syeesyee à Ɓɔlɛ. Fɔlɔɔ nnɛ tì yin ɓiì kpaakpaa ɓiɓan ɓi Bɛ̀ll lɛ ti puɓsi ɓum mɛ̀rem, kìɓan kìfog, ti kpaakpaa ɓi ɓyɛɛ̀ kɔ̀ngi Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum, mɛ ri ɓi ɗùm.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

Kaàtà ànɛ Pol à kàngà TIT 2:1

Ɓi san wɔ̀ɔ̀, rèresi ɓum ɓìɓan ɓi ɓi ri lɔŋ yɛ̀ɛ syeesyee à dɔgtɛ̀n a kpaakpàà.

Kaàtà ànɛ Pol à kàngà TIT 2:15

Ɓìɓan ɓi ù ghɛ̀ɛ̀sɛɛ kì kakalii ɓum ɓyɛɛ̀ ɓìn lɔɔ, ù tèètèèsì ɓɔ nyoo, ù ki fwààdag ɓɔ ɗì ìtèɗ wu rilàmì wùcèm wu ù rì rì wɔ. Kɔ̀ɔ gherɛn lɛ mum a sɛɛ̀ti wɔ̀.

EBIREEGH 13:7

Yitiina ɓumɓɛ ɓɛ lokà mìni kì kɛ̀ɛkɛɛ̀sì, ɓɛɛ wogsìghà mìni jɛ̀ɛ̀ ì Bɛ̀ll, ɓì fiɓì rìsyɔn ɗi cɛɓ kaa, ɓì nɔ̀ɔ̀tì ìkòò waa wu righerɛ̀n.

EBIREEGH 5:12

Lɛ mìniɓɛ ɓì ghɛ̀ɛ̀sɛ̀ngà kìɓaà ɓɛ̀rèsàg ɓɛ ɓìɓan ɓi fiɗyàɓ, ɓì kaka rì zày ìnɛ lɛ ɓɛɛ resag mìni mɛ̀to mɛ ɓiɓan mɛ beèbɛ̀y mɛ ɓi jɛ̀ɛ̀ ì Bɛ̀ll. Ɗi ɓyàa rì lɛ ɓì ɗi ɓìɗilàg ɓi tèɗ, ɓì kaka rì zày ìnɛ lɛ ɓi nyɔŋnyɔŋ mɛlì.

ZYAG 1:19

Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

ZYAG 1:26

I mum a fèfeg lɛ à rì mum à rìgherɛ̀n kɛ̀ɛ ki ɓèŋ rìlemàg ɗii, kìɓan kifog à yèèghyègsì ǹɗem wii, rìgherɛ̀n ɗi ŋwaànɛ̀n ɗi ghɛɓsii ɓi com.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:10

Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.

1 PYƐƐRI 4:16

wɔ̀lɛ i ki ri lɛ ɓi wowog ntɔɓ ɓi ɗii ɗi lɛ kìristɛ̀n, kɛ̀ ɓi wog ntoòrìɗ, ɓì ghɛ̀ɛ̀sɛɛ lɔŋ ki kemzii Bɛ̀ll ɓisuu ɗii ɗìn.

1 PYƐƐRI 5:11

Bɛ̀ll ànɛn yɛɛ ri rì ìtèɗ fiɗyàɓ fikɔ̀ɔ̀ Ààmɛ̀n.

ZYUUDƐ 1:25

rìgwey, rì m̀ɓɔg, rì ìtèɗ rì rìlàmì ɓi ghɛɛ̀sɛɛ rì m̀bobog à Bɛ̀ll ànɛ à rì ǹghɛɓsì wìs, lɛ Yeesus Kiris, à tumɛ̀n ɓi ɓyààmɛ̀n ɓi ɓi ghaghighà ɓìcèm à kpaŋ gɛɛ̀nɛ rì fìɗyàɓ fikɔ̀ɔ̀. Ààmɛ̀n.