1 PYƐƐRI 4:10 - Bafia Nouveau Testament

¹⁰ Yɛ̀ɛ mum ǹcèm ànɛ ɓi mìni à rì rì rìfa ɗi Bɛ̀ll à faghà nyi, kìina kìsay ri rìfa ɗi Bɛ̀ll à faghà mìni ɓi kìrɔɔ ki ɓum ɓɛmbog fɛlɛ yɛ̀ɛ ɓɛ̀syeesyee ɓɛ ɓum ɓɛ ɓɛɛ̀ kɛ̀ɛkɛɛ̀sì geesɛ̀n ì Bɛ̀ll ìnɛ ì ti ì ghɛnàg bee lɛ bee.

1 PYƐƐRI 4:10 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 24:14

Syeesyee à Ɓɔlɛ à kìlɔ̀ŋ ki Bɛ̀ll ànɛ, à ɓiì kalɛɛ zi bimiɗ, lɛ kìɓan ki Ɓɔlɛ ànɛ̀n kɛɛ yilɛn ɓi ɓìlɔ̀ŋ ɓìcèm, ajɛ̀m ìnɛn nnɛ rìsugtɛ̀n ɗi zi ɗi ri ɓa.

MATYOO 24:21

Ɓisuulɛ, ɓi cààmɛ̀n kiǹ ǹtɔɓ wu wu ri ɓiì ghɛnɛɛ wu ɓiì tèghɛɛ wu cee mɛ̀tɔɓ mɛ̀cèm mɛ maa ghɛɛ̀ghɛ̀nɛ̀n à tumɛ̀n yɛ̀ɛ zi i kìlɛ̀ngà, à kpaŋ ɓi cààmɛ̀n ki, fɔɔnnɛ ǹtɔɓ wu kpaŋdiyɛn yɛ̀ɛ wiǹ waa ghɛnɛɛ gɛ tì ɓi.

MATYOO 24:45

Nkìì-kìsay anɛ à rì lɛ: nyi rì mɛ̀wog, nyi rì ɗyomzɛ̀n, nnyɛɛ rì ǹkìì-kìsay anɛ masà wìì a ɓɔgsìghà rìfòm ɗi ɓɛ̀kìì-ɓìsay ɓii ɓɛmbog, lɛ a falag ɓɔ ɓìɗilàg ɓi ɓyààmɛ̀n ɓi ɓi ghɛɛ̀sɛɛ.

MATYOO 25:17

Roànɛ ɓɛ faghà tìraŋ̀ tiɓɛɛ̀, à kì girig dùne, à fɔ̀ɔ̀dì tidɛŋ tiɓɛɛ̀.

MATYOO 25:44

Fɔɔnnɛ ɓɛ̀roɓɛ̀n ɓɛ ɓàagh gɛ girig nyi lɛ: Kan, fin innɛ tì ghɛngà wɔ̀ di zày yɛ̀ɛ kɔ̀nkɔn wɔ, nsoò lɛ di kìnɔli kɛɛ̀ kìki wɔ, nsoò lɛ di ù rì ǹkèn, nsoò lɛ nyoozɛy, nsoò lɛ roròɓ, nsoò lɛ ɓi naà-zày, tì ki rɔ̀ɓ tyɛ̀ ki ghɛɓsi wɔ?

MARIKUS 10:45

Ɓisuulɛ Man à mum à yùghà ɓi lɛ ɓum ɓɛɛ kiki nyi ɓìsay, kìɓan kifog à yughà lɛ a say ɓisuu ɓum, à ki fa cɛɓ kii lɛ a kwèɗ ɓum lɛɛ̀gwey.

LUKAS 12:42

Kan à ɓàg nyi lɛ: Ghɛn yɛ̀ɛ ri syeesyee à m̀ɓèŋì-ìkum anɛ à rì rì ɗyomzɛ̀n, nnɛ masà à rì ɓiì reɓsɛɛ ɓɛ̀kìì-ɓìsay ɓii ri nyi, lɛ a rɔɓ ɓɔ kì faà gàɓ yàà i ɓìɗilàg, ɓi cààmɛ̀n ki ki ghɛɛ̀sɛɛ.

LUKAS 19:13

Fɔnnɛ à reŋìghà ɓɛ̀kìì-ɓìsay ɓii ntɛ̀ɗ, à kàɓsì ɓɔ tìraŋ̀ ti gol ǹtɛ̀ɗ, à kpaa ɓɔ lɛ: Rɔ̀ɓina kì kìkii dùne rì mɔ̀ɔ̀ni mɛ, ɓi yaàsi mɔ, à kpaŋ yɛ̀ɛ ǹɗì ɓiì sugtii yi.

LUKAS 8:3

rì Zyaanɛ à gili Cuza ànɛ à ɓaghà m̀ɓèŋì-ìkum wu Eroodɛ, rì Soosana, rì ɓɛ̀yiɓ ɓɛdɛŋ tì lɛɛ̀gwey ɓɛ ɓɛ ghɛɛghɛ̀ɓsìghà ɓɔ rì ìkum waa.

RÒMƐŊ 15:25

Nni wɔ̀lɛ ɓi cààmɛ̀n ki, ǹkɛ̀ɛ a Yorisalɛm ɓisuu fitom fi fi seesee ɓɛ̀gherɛ̀n ɓɛ wɔɔ.

RÒMƐŊ 15:27

Lɛ ɓɔmiɗ ɓɔ yɛɛ reǹgà kìɓan kiǹ, ki ki ghɛ̀ɛ̀sɛn fɔlɔɔ lɛ, i ɓumɓɛ ɓɛ yin Ɓɛ̀yudɛ̀n ɓɛ ti rì gàɓ ɓi ɓìrɔɔ ɓi ɓi nghay ɓi ɓi ɓaghà ɓisuu Ɓɛ̀yudɛ̀n, ɓɛ ghɛɛ̀sɛɛ girig ɓɔ kì ghɛɓsii cààmɛ̀n ki ɓɛ ri rì mɛ̀tɔɓ mɛ kisoghà.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 3:10

Ɓi lèg à geesɛ̀n ànɛ Bɛ̀ll à kìghà mɛ̀, nnɛ ǹ-yàghɛ̀ngà kìgɔ̀ŋgɔ̀m ki mɛɛ lɔŋ yɛ̀ɛ syeesyee à ǹtoŋì-ɓìtoŋ, nni ŋwaàdɛŋ à yùghà kì toŋì ɓi kìgɔ̀ŋgɔ̀m kiǹ aɗyòò; wɔ̀lɛ mum ǹcèm à ghɛ̀ɛ̀sɛɛ kì kɔ̀rii ɗyomzɛ̀n ɗì rìkuu ɗi kitoŋ ɗi a toŋtoŋ miì.

1 KƆ̀RƐ̀ŊTYƐŊ 4:7

Ɓisuulɛ ghɛn yɛɛ kpaa wɔ̀ lɛ ù ceeghii ɓum ɓɛmbog? Cɛ ù rì rì kɔ ki ki yin com ki ɓɛ faghà wɔ̀ ǹfayɛn? I ɓɛ ki faghà wɔ̀ ǹfayɛn, ɓisuucɛ nnɛ u kaakalɛ̀n yɛ̀ɛ ɓɛɛ̀ kali lɛ ɓɛ faghà ɓi wɔ kɔ ǹfayɛn?

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

2 KƆ̀RƐ̀ŊTYƐŊ 9:1

Ki ghɛɓsii ɓi com lɛ nkaǹ yì mìni ɓi kìɓan ki ki seesee gɛɓsɛ̀n ìnɛ yɛɛ̀ kɔ̀ɔkɔnɛ̀n ɓisuu ɓɛgherɛ̀n.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

2 TIMOTE 1:18

Kan à ghɛ̀ɛ̀sɛɛ kì kìi lɛ Bɛ̀ll a resi nyi kìrɔɔ-ǹɗem wìì ŋwos anɛ̀n. Ɓìsay ɓìcèm ɓi Onezifɔɔr à kìghà mɛ̀ a Efɛɛzɛ, wɔ̀ yɛɛ raŋ̀zii ɓyɔ kì yiì ù cee ɓum ɓɛ̀cèm.

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.