1 PYƐƐRI 3:9 - Bafia Nouveau Testament

⁹ Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 3:9 Iomraidhean Croise

MATYOO 19:29

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

MATYOO 25:34

Fɔɔnnɛ rìfòm ɗi ɓiì kalii ɓɛroɓɛ ɓi weèlem ɓɛ̀n lɛ: Mìni ɓumɓɛ Seŋi wɛ̀m à màgà, yùunay, ɓi teɗ kìlɔ̀ŋ ki ɓɛ pegsɛ̀ngà ɓìsu win, à tumɛ̀n yɛ̀ɛ ɗyoo rì zi ɓi kilɛ̀ngà.

MATYOO 5:39

Kìɓan kìfog mɛ̀ ǹkalii mìni lɛ, kɛ̀ ɓi pɛ̀ɛ̀zi mum kìɓe ki à kìi mìni; ì ŋwaà ɓoogh wɔ̀ rìɓɛn ɓi rìtam ɗi weèlem, lɛgsi tì nyi ɗimbog lɛ a ɓog miì.

MATYOO 5:44

Kìɓan kìfog mɛ̀ ǹkalii mìni lɛ, keesiina ɓɛ̀bènàbena ɓin, ɓì màŋ ɓumɓɛ ɓɛɛ̀ cɛ̀ncɛm mini, ɓɛ̀roɓɛ ɓɛɛ̀ ɓèeɓeèzɛ̀n mìni, ɓì kì ɓɔ kìrɔɔ, ɓì ki ɓɔ̀ŋzag Bɛ̀ll ɓisuu ɓumɓɛ ɓɛɛ̀ yeeyeèsì mìni, ɓɛ tɔtɔ̀ɓ mìni,

MARIKUS 10:17

Yɛ̀ɛ Yeesus à pɛ̀sɛ̀ngà ɗì rìghaàgh, nni ŋwaàdɛŋ à pwaŋìghày rì mɛ̀ree, à yù nyi kì ɓaàgh mɛ̀ɗu asu, à tɔg nyi lɛ: Syeesyee à ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ ǹfɔ̀n lol a cɛɓ?

LUKAS 10:25

Fɔɔnnɛ kìtèetèɗ ki ǹɗèsàg-ɓìdɔ̀gsɛna ki pɛsɛngày lɛ, kɛɛ feèghrɛn Yeesus, ki tɔg nyi lɛ: Ǹɗèsàg, cɛ kɛɛ̀ki ǹghɛ̀ɛ̀sɛɛ kì kìi ɓi ɗi lɛ m̀ɓa rì cɛɓ ki fiɗyàɓ fikɔ̀ɔ̀?

LUKAS 18:18

Rìfòm ɗidɛŋ ɗi tɔkà Yeesus lɛ: Syeesyee à ǹɗèsàg cɛ kɛɛ̀ki ǹɗì lɛ ǹkì ɓi ɗi lɛ m̀ɓa rì cɛɓ ki fiɗyàɓ fikɔ̀ɔ̀?

RÒMƐŊ 12:14

Màŋina ɓumɓɛ ɓɛɛ̀ yeeyeèsì mìni, kɛ̀ ɓi cɛ̀m ɓɔ.

RÒMƐŊ 12:17

Kɛ̀ ɓi lèɓ mum kìɓe ri kìɓe, kaana lɔŋ lɛ ɓi ki kìrɔɔ ɓi mis mɛ ɓum ɓɛ̀cèm.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

GÀLAT 3:14

Ki kilɛ̀ngà fɔlɔɔ lɛ di ɓɛ̀mààgh ɓɛ Bɛ̀ll à kàkà Abiraham ɓɛɛ kom̀ ɓumɓɛ ɓɛ yin Ɓɛ̀yudɛ̀n lɛ Yeesus Kiris, rì tì lɛ, di ɓìsii teɗ Ǹghay ànɛ Bɛ̀ll à kàkà lɛ rìgherɛ̀n.

EFÈZYƐŊ 4:32

Ɓaana rì nɗem wu geesɛ̀n ɓi nyìinyìm wìn, ɓì yi rìghɛn ɗi ɓɛro ɓɛmbog nyìighnyìg. Ɓaana rì rìcenɛ̀n ɓi nyìinyìm wiǹ, fɛlɛ yɛ̀ɛ Bɛ̀ll à cenɛ̀ngà mìni ɓi Kiris.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

EBIREEGH 12:17

Ajɛ̀m ìnɛn, yɛ̀ɛ à mɛɛ̀ kaaghà lɛ seŋi a maŋ nyi, nni à nàɓkà nyi lɛ bee inɛ à ɓaghà lɛ à lɔ̀gtì tì kìɓan ki à kìghà ì ɓaghà ɓi. Nsoò yɛ̀ɛ à kaakààghà bee fɔlɔɔ di a rènɗèn.

EBIREEGH 6:14

Nni à kpaaghà lɛ: Ǹkànɛɛ bɛ̀ɗ lɛ: Ǹɗì wɔ̀ ɓiì màŋi, ǹtègsì boo yɔ̀ɔ̀ i mum.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.