1 PYƐƐRI 3:8 - Bafia Nouveau Testament

⁸ Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

1 PYƐƐRI 3:8 Iomraidhean Croise

MATYOO 18:33

Wɔ̀ɔ n-yin lɛ ù wog roŋkàŋ nyìighnyìg yɛ̀ɛ mɛ̀ mɛ̀ɛ ǹwoogh wɔ̀ nyìighnyìg?

LUKAS 10:33

Kìɓan kìfog, muu Samari àdɛŋ à kɛ̀nkɛ̀ngà rìkɛ̀ɛ̀, nni à yùghà kì kpaŋì ŋwaànɛ à nɔ̀nɔ̀ŋìghà ànɛ̀n jàŋbog, nyìighnyìg ì kì nyi rì ŋwaànɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:1

Ŋwosi Pàŋtèkot, ɓɛ̀gherɛ̀n ɓɛ̀cèm ɓɛ ɓaghà ɓɛ̀ taŋzɛn jàŋbog.

MƐ̀KÌKÌÌ MƐ ƁƐKƐ̀NÌ-FÌTOM 27:3

Yɛ̀ɛ tì rɛlìghà a Sidɔŋ ɓi duri tana fɔɔnnɛ Zyulyus ànɛ à ɓeŋɓèŋgà Pol rì syeesyee à ǹɗem, à gherɛ̀ngà lɛ Pol a kɛǹ ki ghɛɛ̀ mɛ̀ghan mii, mɛɛ fa nyi ɓyom ɓi ɓi kaàkààrɛ̀ngà nyi.

MƐ̀KÌKÌÌ MƐ ƁƐKƐ̀NÌ-FÌTOM 28:7

Rìfòm ɗi ɓi kìrìŋ ki riɓày kiǹ ɗi ɓaghà wɔɔ ri fyòomà jàŋbog; rìfòm diǹ ɗi ɓaghà ɗii lɛ Puɓilyus; ɗi ghaɓkà ɓìsi a mɛɛ mii lɛ syeesyee, tì lay wɔɔ mɛru mɛraa.

MƐ̀KÌKÌÌ MƐ ƁƐKƐ̀NÌ-FÌTOM 4:32

Ǹɗaŋ wu ɓɛgherɛ̀n wu ɓaghà ǹɗem wùfog, ɓɛ̀fèg ɓɛ̀fog, kɛ̀ɛ̀ ŋwaàdɛŋ ànɛ ɓi ɓɔ ànɛ à ɓaghà lɛ à kalì lɛ ɓyom ɓi à rì ɗì ɓyɔ ɓi ri ɓiŋkii cɛ̀ncii, wɔ̀lɛ ɓyom ɓyaa ɓi ɓaghà ɓisu waa ɓɛsɛ̀ɛ̀ ɓɛ̀cèm.

RÒMƐŊ 12:10

Ɓì ghɛ̀ɛ̀sɛɛ kì rèsii, kirɔɔrɛɛ ki ǹkɔ̀nɛ̀n à rìgeni ɓi nyìinyìm wìn; lɛ nnyaasɛ̀n ànɛ à ghɛ̀ɛ̀sɛɛ kì ɓaà, rèsiina bɔgsɛ̀n lɛɛ̀gwey ɓi nyìinyìm wiǹ.

RÒMƐŊ 15:5

Bɛ̀ll ànɛ a falag kinìri ki nɗem, à ki fɔɔsag mɛrem, à fa mìni ìtèɗ wulɛ ɓi woòghrɛn ɓi nyìinyìm wiǹ yɛ̀ɛ kɛɛ̀ kɔ̀ngi Yeesus Kiris.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 12:26

I kìkàɓ kìfog ki ɓi nyoo ì mum kɛɛ̀ wowog rikɛŋ, ɓìkàɓ ɓìcèm ɓi wog rìkɛŋ nɗaŋ ri kìkàɓ kiǹ. I ɓɛɛ̀ nyaanyaàsì kìkàɓ kìfog ɓi nyoo ì mum, ɓìkàɓ ɓimbog ɓi kaɓɓɛ̀n kìnyàà ki kìkàɓ kiǹ kɛɛ̀ wowòg.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 4:31

À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

EFÈZYƐŊ 4:32

Ɓaana rì nɗem wu geesɛ̀n ɓi nyìinyìm wìn, ɓì yi rìghɛn ɗi ɓɛro ɓɛmbog nyìighnyìg. Ɓaana rì rìcenɛ̀n ɓi nyìinyìm wiǹ, fɛlɛ yɛ̀ɛ Bɛ̀ll à cenɛ̀ngà mìni ɓi Kiris.

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

EBIREEGH 13:1

Sììrɛɛna ɓi nkɔ̀nɛ̀n à rìgeni.

ZYAG 2:13

ɓisuulɛ ɓɛ̀yɔ̀m ɓɛǹ ɓɛ ri ɓiì ɓaà kɛ̀ɛ̀ nyìighnyìg ɓisuu ɓɛroɓɛ ɓɛ ɓaghà kɛ̀ɛ̀ ǹɗem wu nyìighnyìg. Nɗem wu nyìighnyìg wu ti wu kilàg lɛ mum a yagsag ɓɛ̀yɔ̀m.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

ZYAG 5:11

Ghɛɛna, tì ti tì kpaaghì lɛ, ɓumɓɛ ɓɛ siìrɛɛ rì ìtèɗ, ɓɛ ri ɓɛ̀mààghmaagh; ɓì mɛ wog di ɓɛɛ̀ kpaakpaa kinìri ki nɗem ki Zyɔɓ, ɓì ki ghɛngà lèg ànɛ yɛ̀ɛ Kan à kìghà lɛ cɛɓ kii kɛɛ kɛǹ kì syɔnì ɓisuulɛ Kan à rì rì nɗem wu nyìighnyìg lɛɛ̀gwey, rì kìpuɓì ǹɗem.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:17

Nyaasiina mum bimiɗ, ɓì keesì ɓɛ̀geni ɓin ɓɛ righerɛn, ɓì risì Bɛ̀ll, ɓì nyaasì rìfòm.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

2 PYƐƐRI 1:7

ɓi rìfalɛ̀n ɗi ɓi rìgherɛ̀n, ɓì ɓɔ̀ɓtɛ̀ntì kìrɔɔrɛɛ ki ɓi rìgeni; ɓi kìrɔɔrɛɛ ki ɓi rìgeni kìn, ɓì foŋ̀dì ǹkɔ̀nɛ̀n.

1 ZYAŊ 3:14

Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.