1 PYƐƐRI 3:5 - Bafia Nouveau Testament

⁵ Fɔlɔɔ nnɛ ɓɛ̀gherɛ̀n ɓɛ ɓɛ̀yiɓ ɓɛ abɛ̀y, ɓɛ dyàɓɛn yaà ì ɓaghà yɛ̀ɛ Bɛ̀ll ɓɛ nti ɓɛ rɛŋɗàg, lɛ ɓɛ nti ɓɛ wokì ɓɛ̀yii ɓaa;

1 PYƐƐRI 3:5 Iomraidhean Croise

LUKAS 2:37

Fɔɔnnɛ à rɔ̀ɓkà ǹkpɔɓ; yɛ̀ɛ à ɓaghà min di à ti bèg mɛ̀tin mɛnin rì bèg yinin, nni à kɔ̀rìghà ɓi naà-Bɛ̀ll ìsuùcèm, à kìkì Bɛ̀ll kìsay lɛ, rì ìru rì ŋwos; àa ǹti à cèlàg ɓìɗilàg ɓyààmɛ̀n lɛɛ̀gwey, à ki ɓɔ̀ɔɓɔŋzàg.

MƐ̀KÌKÌÌ MƐ ƁƐKƐ̀NÌ-FÌTOM 1:14

Ɓɛ ǹti ɓɛ taŋzàg ɓɔɔ̀cèm lɔŋ nɗem wùfog lɛ ɓɛɛ ɓɔŋzag Bɛ̀ll, ǹɗaŋ ri ɓɛ̀yiɓ, rì Marii à jɛɛ Yeesus, rì ɓɛ̀geni ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:36

Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg.

EFÈZYƐŊ 5:33

Kaa soo rì la, mum ǹcèm ànɛ ɓi mìni a keesi giɓ wiì yɛ̀ɛ nyimìɗ, giɓ bimiɗ à kì yii mɛ̀wog.

TIMOTE 2:10

Lɔŋ ɓìɓan ɓi syeesyee ɓi ɓɛɛ̀ kìkì, ɓyɛɛ ghɛɛ̀sɛɛ kì ɓaà mɛ̀rɛ̀ŋ maa, lɛ fɔlɔɔ yɛɛ ghɛɛ̀sɛɛ rì ɓɛ̀yiɓ ɓɛ ɓɛɛ̀ nɔ̀ɔnɔɔ̀tì rìgherɛ̀n.

TIMOTE 2:15

Nsoò fɔlɔɔ, à ki rì ɓiì ghɛɛ cɛɓ, lɛ à rì rì ɓɔn, ɗì lɛ à ɓèŋi rìgherɛ̀n, à ghɛɓ ɓi nkɔ̀nɛ̀n, à ɓèŋɗɛ̀n ǹtɛnɛn ɓi nghay, à ki sɛɛ̀dɛn nyimiɗ ɓi zi.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

TIMOTE 5:5

Ǹkpɔɓ wu wu ri lɛ ǹkpɔɓ, wu wu rɔɓi nlɛŋlɛŋ̀ kɛ̀ɛ̀ mum, wu ri nkpɔɓ wu wu ri rì dyàɓɛn yɛ̀ɛ Bɛ̀ll, wɔ yɛɛ ti wɛ̀ kɛɛ̀ fwɛy ritɔtɔ̀g ɗi Bɛ̀ll ǹghɛɓsɛn ɓi bɔ̀ŋzɛ̀n yɛ̀ɛ ìru yɛ̀ɛ ŋwos.

EBIREEGH 11:11

Lɛ rìgherɛ̀n innɛ, nsoò Sara à ɓaghà di à mɛ sɛ̀ɛ̀mɛ̀n, à ɓaghà rì ìtèɗ wulɛ a kiti boo ì mum, ɓisuulɛ à tyweeyàkà lɛ Bɛ̀ll à rì ɓiì roòzii nkàg wii.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,