1 PYƐƐRI 3:14 - Bafia Nouveau Testament

¹⁴ I ki kpaŋi gi kɔm̀ lɛ ɓi wog ǹtɔɓ ɓisuu saaɗ, di ɓì rì rì ɓɛ̀mààgh; kɛ̀ ɓi risi ɓum nsoò, kɛ̀ ɓi ki ɓùùsɛn;

1 PYƐƐRI 3:14 Iomraidhean Croise

MATYOO 10:28

Kɛ̀ ɓi risi ɓumɓɛ ɓɛ ri lɛ i ɓɛ woli mɛ̀mùù, ɓɛ̀ kɛɛ̀ ɓa ti ri bee ìnɛ ɓɛɛ wey ǹghay; risiina lɔŋ roànɛ à rì rì ìtèɗ wulɛ, à wey lɛ, rì mɛ̀mùù rì ǹghay ɓi ɗuu ɗi fiɗyàɓ fikɔ̀ɔ̀.

MATYOO 10:31

Fɔɔnnɛ kɛ̀ ɓi risi com, lɛ rìɓa ɗi mum ǹcèm ànɛ ɓi mìni ɗi cee com ki ɓɛ̀fyas lɛɛ̀gwey ɓɛ ri lɛ ɓɛ tɔn.

MATYOO 10:39

Ŋwaànɛ à kàmɛɛ rì cɛɓ kii nnyɛɛ ri kɔ ɓiì mɛ̀mi, wɔ̀lɛ roànɛ à ɗimzii cɛɓ kii lɛ mɛ̀, à rì kɔ ɓiì ghɛɛ̀dii.

MATYOO 16:25

Mum ǹcèm ànɛ à ɓiì kɔ̀ni lɛ a kamɛn rì cɛɓ kii, a rì kɔ ɓiì ɗimzii; wɔ̀lɛ ŋwaànɛ à ɓiì ɗimzii cɛɓ kii lɛ mɛ̀, nnyɛɛ ri kɔ ɓiì tanɛɛ ti.

MATYOO 19:29

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

MARIKUS 10:29

Yeesus à ɓàg lɛ: Ǹkalii mìni ɓi saaɗ lɛ, mum à yin lɛ à naŋ yì lɛ rì mɛɛ mii, rì ɓɛ̀geni, rì seŋì, rì jɛɛ, rì ɓɔn ɓii nsoò lɛ ɓìden ɓii ɓi zi ɓisu wɛ̀m, rì ɓisuu Syeesyee à Ɓɔlɛ,

MARIKUS 8:35

Ɓisuulɛ mum ǹcèm ànɛ à ɓiì kɔ̀ni lɛ a kamɛ̀n rì cɛɓ kii, à rì kɔ ɓiì ɗimzii, wɔ̀lɛ ŋwaànɛ à rì ɓiì ɗimzii cɛɓ kii ɓisu wɛ̀m, rì ɓisuu Syeesyee à Ɓɔlɛ, nnyɛɛ ri kɔ ɓiì ghɛɓsii.

ZYAŊ 14:1

Mɛ̀rem min mɛ̀ kɛɛ̀ ɓùùsɛn, gherɛɛna Bɛ̀ll, ɓì gherɛ̀n girig mɛ̀.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

2 KƆ̀RƐ̀ŊTYƐŊ 12:10

Kìɓan kiǹ kɛɛ̀ki ǹti ǹwokì kìrɔɔ ɓi rìɓa ɗyɛ̀m ɗi kɛ̀ɛ̀ ìtèɗ, rì tìsɛm ti ɓɛ ti ɓɛ sɛmgàg mɛ̀, rì ɓɛ̀ǹkàŋɗɛ̀n ɓɛ ɓɛ ti ɓɛ kagì mɛ̀, rì ǹ-yeesɛ̀n ànɛ ɓɛ ti ɓɛ yeesàg mɛ̀, rì ɓìɓan ɓi iris ɓi ǹti ǹtulàg rì ɓyɔ ɓisuu Kiris, ɓisuulɛ cààmɛ̀n ki ǹɗì kɛ̀ɛ̀ ìtèɗ, kɛɛ̀ki ǹki tèèsɛɛ miǹ.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

ZYAG 5:11

Ghɛɛna, tì ti tì kpaaghì lɛ, ɓumɓɛ ɓɛ siìrɛɛ rì ìtèɗ, ɓɛ ri ɓɛ̀mààghmaagh; ɓì mɛ wog di ɓɛɛ̀ kpaakpaa kinìri ki nɗem ki Zyɔɓ, ɓì ki ghɛngà lèg ànɛ yɛ̀ɛ Kan à kìghà lɛ cɛɓ kii kɛɛ kɛǹ kì syɔnì ɓisuulɛ Kan à rì rì nɗem wu nyìighnyìg lɛɛ̀gwey, rì kìpuɓì ǹɗem.

1 PYƐƐRI 3:6

fɔlɔɔ nnɛ Sara àa nti à wokì Abiraham à ki regi nyi lɛ kan wìì. Sara ànɛn nnɛ ɓì ti dòò yii, di ɓi kìki kirɔɔ kɛ̀ ɓi càrɛn lɛ com kidɛŋ kɛɛ niŋzi mìni nyòò.