1 PYƐƐRI 2:4 - Bafia Nouveau Testament

⁴ Kɛ̀ɛna jàŋbog rì nyi, nyi ànɛ à rì gɔ̀g ì cem inɛ ɓum ɓɛ ɓengà, kìɓan kifog ì ɓa gɔ̀g ìnɛ Bɛ̀ll à ɓɔ̀ngà, yɛ̀ɛ ki rì gìn i com ɓi mis mii,

1 PYƐƐRI 2:4 Iomraidhean Croise

MATYOO 11:28

Yùuna a lɔ̀ŋkɛm̀, mìni ɓɛ̀sɛ̀ɛ̀ ɓɛ̀cèm ɓɛ, ɓì rì ɓɛ fɔlɛn, mɛ̀tɛ̀g mɛ ki rìriɗ mini, ǹfa mìni rìfɔɔsɛ̀n.

MATYOO 12:18

Ǹkìì-kìsay wɛm̀ ànɛ ǹɗɔ̀tɛ̀ngà innɛ̀n, nyi nnɛ ǹkeesàg, kìnyàà kɛm̀ kìcèm ki ri ɓi nyi. Ǹɗì ɓiì foŋì Nghay wɛ̀m ɓi nyi, fɔlɔɔ nnɛ à ɓiì kpaa ɓìlɔ̀ŋ saaɗ wɛ̀m.

MATYOO 21:42

Nni Yeesus à tɔkà ɓɔ lɛ: Ɓi ka ɓalà ɓi yɛ̀ɛ ki ri kì kànɛn lɛ: Gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ghalà gɔ̀g ìnɛ yɛ̀ɛ konag kì lèmi ǹtɔn à mɛɛ? Kìɓan kiǹ ki ɓaghày yɛ̀ɛ Kan, ki ki rì dàm ì kìɓan inɛ ì kìlɛɛ ɓìsi ɓi mis.

ZYAŊ 14:19

Cààmɛ̀n lɛsàg ziinɛ yàa ghɛɛ̀di ɓi mɛ, lɔŋ mìni yɛɛ ri mɛ̀ ɓiì seesee ɓisuulɛ ǹɗì cem, nni mìni girig ɓì ɓiì ɓaà rì cɛɓ.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 5:26

Lɛ fɛlɛ yɛ̀ɛ Seŋi à rì rì ìtèɗ wu fayɛn cɛɓ, fɔɔnnɛ à kìghà lɛ, Man a ɓa girig rì ìtèɗ wu fayɛn cɛɓ.

ZYAŊ 5:40

Nsoò fɔlɔɔ, ɓì kɔ̀ni ɓi lɛ di ɓyàa yùu yì a lɔ̀ŋkɛm̀ lɛ ɓi ghɛǹ cɛɓ.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 6:57

Fɛlɛ yɛ̀ɛ Tààta ànɛ à rì cem a romgày mɛ̀, mɛ̀ ǹki ɓa ri cɛɓ lɛ nyi, fɔlɔɔ nnɛ ŋwaànɛ à ɗii mɛ̀, à ɓiì ghɛɓì lɛ mɛ̀.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

1 KƆ̀RƐ̀ŊTYƐŊ 3:11

Ɓisuulɛ ŋwaàdɛŋ à yin ɗi ìtèɗ wulɛ à yàghɛ̀n kìgɔ̀ŋgɔ̀m kidɛŋ ki ki yin ki ki ti kìyàghɛn, kɔ yɛɛ ri lɛ Yeesus Kiris.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

1 PYƐƐRI 1:19

lɔŋ rì bwaɓ yi Kiris yi yi ri gìn i com innɛ ɓɛ kweɗkà mìni. Kiris yɛɛ ri fɛlɛ yɛ̀ɛ man à jɔ̀ɔ̀ ànɛ à rì kɛ̀ɛ̀ fìsɛm, kɛ̀ɛ̀ kìpɛ̀mì;

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 2:7

Ǹnyaasɛ̀n à rì min ɓisu win wu mini ɓɛ ɓì gherɛɛ; wɔ̀lɛ ɓi ɓɛg ànɛ a ɓɛ̀roɓɛ ɓɛ gherɛɛ ɓi, gɔ̀g ìnɛ ɓɛ̀toŋì-kìtoŋ ɓɛ makà yɛ̀ɛ ghalà ǹlem à gɔ̀g ànɛ ɓi ntɔn à mɛɛ, ì ki ɓa gɔ̀g ì fìɓàg, riɓan ɗi ɓum ɓɛɛ̀ kpìkpi miì.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

2 PYƐƐRI 1:4

Fɔlɔɔ nnɛ à faghà ɓìsi ɓyoo ɓisyeesyee rì gìn yi mɛkàg lɛ, i ɓì teri ɓyom ɓi à kàkà, ɓì ɓa rì ìtèɗ wulɛ ɓi ghɛŋi ɓìɓeɓtàg ɓi ɓiɓan ɓi ɓyɛɛ̀ yooyogsì ɓum ɓyɛɛ ri ɓìcakɛn ɗi ziinɛ, ɓi yu kì terì gàɓ ɓi rìɓa ɗii ɗi à rì Bɛ̀ll.