1 PYƐƐRI 2:23 - Bafia Nouveau Testament

²³ nyi ànɛ à ɓaghà lɛ, ɓɛ soo sɛmi nyi, kɛ̀ɛ pɛ̀ɛ̀zi mum kìsɛmì, àa soo wowòg rìkɛŋ kɛɛ̀ tam mum, kìɓan kifog, à fa ɓìɓan ɓìcèm rì Bɛ̀ll ànɛ à ti à yɔ̀mgì ɓum lɛ saaɗ;

1 PYƐƐRI 2:23 Iomraidhean Croise

LUKAS 23:41

Ɓi ɓɛg, wìs ǹtɔɓ wis wu wooghrɛɛ lɛ saaɗ, ɓisuulɛ, tì teri mɛ̀lèɓ mɛ mɛ ghɛɛ̀sɛɛ rì mɛ̀kìkìì mis, wɔ̀lɛ ŋwaànɛ, àa nkìi ɓi kiɓan ki ɓeɓtɛn.

LUKAS 23:46

Nni Yeesus à nyàmgà jɛ̀ɛ̀ aɗyòò lɛ: Tààta m̀pɛ̀ɛ̀zii ǹghay wɛ̀m ɓi ɓyàg ɓyɔɔ. Lɔŋ yɛ̀ɛ à kpaaghà fɔlɔɔ, à ghaàgh kì maasii.

LUKAS 23:9

Fɔɔnnɛ à tɔkàkà nyi mɛ̀tɔɔ̀ghtɔɔgh à finɛ̀n, wɔ̀lɛ Yeesus kɛ̀ɛ ɓàg nyi.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 4:29

Nni ɓigomìnɛ, Kan, ghɛna yɛɛ̀ ɓɛɛ̀ sàasagɛ̀n ɓìsi, dì u fa ɓɛ̀kìì-ɓìsay ɓɔɔ ìtèɗ wulɛ, ɓɛɛ ghagsi jɛ̀ɛ̀ yɔ̀ɔ̀ rì kìghɛɛsii kicèm.

MƐ̀KÌKÌÌ MƐ ƁƐKƐ̀NÌ-FÌTOM 7:59

Ɓi cààmɛ̀n ki ɓɛ roòrògàkà Ityɛn gɔ̀g mii, nyii ɓɔɔ̀ɓɔ̀ŋzàkà lɛ: Kan Yeesus, tera nghay wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 9:1

Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey,

RÒMƐŊ 2:5

Kìɓan kifog, rìɓa ɗi ǹɗem wɔɔ wu ri wù tèrɛn, rì yɛ̀ɛ ù kɔ̀ni ɓi lɛ u lɔɔ̀ghrɛn ǹɗem, u taataŋzàg wɛ̀ɛmiɗ coo bim i Bɛ̀ll ɓi nyòò; bim inɛ̀n ì ri rèsɛn ŋwos anɛ Bɛ̀ll à ri sàɗ bim yiì; ŋwos anɛ̀n rìren ɗii ɗi ɓiɓan ɗi ɗi ri lɛ saaɗ ɗi ri yilɛ̀n,

EFÈZYƐŊ 6:9

Mìni ɓɛ̀masà, ghɛɓina girig fɔlɔɔ ri ɓɛ̀kpàn ɓin, kɛ̀ ɓi tamtam ɓɔ; ɓì yitì lɛ rì mìni rì ɓɛ̀kpàn ɓin ɓì rì lɔŋ Masà bog ànɛ à rì aɗyoo; nyii yin ɗi nlànag ɓi ɓum ɓɛdɛŋ.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

EBIREEGH 12:3

Terina kìrèmzɛnà ɓi roànɛ à cenɛ̀ngà lɛ ɓɛ̀kìì-kìɓe ɓɛɛ̀ ɗuù fɔlɔɔ ri nyi, di fɔɔnnɛ ɓi ɓa kɛ̀ ɓi càrɛn lɛ kìfɔlìmùm kɛɛ teɗ mìni mɛ̀rem.

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 4:19

Fɔlɔɔ nnɛ ɓumɓɛ ɓɛɛ̀ wowog mɛtɔɓ lɛ Bɛ̀ll yɛɛ kɔni, ɓɛ ghɛɛ̀sɛɛ kì faà ɓyɛɓ ɓyaa ri ǹkìì-ɓyom ɓìcèm ànɛ à ti à roòzàg mɛ̀kàg mii, ɓi rìkì ɗi ɓɛɛ̀ kiki kirɔɔ.

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.