1 PYƐƐRI 2:21 - Bafia Nouveau Testament

²¹ Lɛ rìɓa ɗìn ɗyɛɛ̀ɗi Bɛ̀ll à reŋìghà mìni miì ɓisuulɛ Kiris girig à wokà rìkɛŋ ɓisu win, à ki càɗ mini kìrèmzɛnà ki lɛ ɓi nɔɔ̀ti ɓìɓɔ̀ɓ ɓii.

1 PYƐƐRI 2:21 Iomraidhean Croise

MATYOO 10:38

Ŋwaànɛ à ɓèni kì tɛ̀ɛgh kɔrɔs wìì, à ki ɓèn mɛ kì nɔ̀ɔ̀tii, à yin mum wɛm̀.

MATYOO 11:29

Foŋɗɛɛna ɓi kìɓèg kɛm̀, ɓì nɔ̀ɔ̀tì ɓìɓan ɓi nɗèrèsì, ɓisuulɛ, nɗem wɛ̀m wuri lɛ fyòoog, wu ki ɓa ti wu sɛɛ̀dɛn ɓi zi, fɔɔnnɛ mɛ̀ghay min mɛ̀ ri ɓiì ghɛɛ̀ rìfɔɔsɛ̀n.

MATYOO 16:24

Fɔɔnnɛ Yeesus à kpaaghà ɓɛ̀yilàg ɓii lɛ: I ki kɔ̀ni mum lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀g kɔrɔs wìì, à ki nɔ̀ɔ̀ti mɛ.

LUKAS 24:26

ɓì yii ɓi lɛ Kiris à ghɛ̀ɛ̀sɛ̀ngà kì woògh mɛ̀tɔɓ fɔlɔɔ ɓi ɗi lɛ a ɗiŋi ɓi rìkem ɗii?

ZYAŊ 13:15

Lɛ ǹfaa mìni kìfèèghrɛnà lɛ di mìni girig ɓi kilag yɛ̀ɛ mɛ̀ ǹkìi yì mìni.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:3

À tɛɛ̀tɛ̀ɛ̀zìghà ɓɔ ɓìɓan ɓiǹ, à rèrèsì ɓɔ lɛ, ki ghɛ̀ɛ̀sɛ̀ngà lɛ, Kiris a wog rìkɛŋ, à ki ghèmɓɛn yi a ɓìloŋ; à kpaakpàà ɓɔ lɛ: Yeesus ànɛ nkakali mini ànɛ yɛɛ rì Kiris.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

1 KƆ̀RƐ̀ŊTYƐŊ 11:1

Ɓaana ɓumɓɛ ɓɛɛ̀ nɔ̀ɔnɔɔ̀tì kìfèèghrɛnà kɛm̀ fɛlɛ yɛ̀ɛ mɛ̀ɛmiɗ mɛ̀ɛ nnɔ̀ɔnɔɔ̀tì ki Kiris.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

FÌLÌPYƐŊ 2:5

Ɓi nyìinyìm wìn, ɓaana rì mɛ̀yitì mɛ Yeesus Kiris à ɓaghà rì mɔ.

TÈSÀLÒNÌSYƐŊ 3:3

lɛ di mum kɛ̀ɛ càrɛn lɛ mɛ̀fèèghrɛn mɛ mɛ ri ɓigomìnɛ mɛɛ ɓigti nyi, ɓisuulɛ mìniìɓɔmiɗ ɓì yii lɛ mɛ̀fèèghrɛn mɛǹ mɛ ɓaghà mɛ̀pègsɛn ɓisu wis.

TÈSÀLÒNÌSYƐŊ 4:2

Ɓisuulɛ ɓì yii ɓìɓan ɓi tì siitàkà mìni; ɓi ɓaghà ɓìɓan ɓi ɓi riì yɛ̀ɛ Kan Yeesus.

2 TIMOTE 3:12

Ki ri gì lɛ, ɓum ɓɛ̀cèm ɓɛ ɓɛɛ̀ kɔ̀nkɔn lɛ ɓɛɛ̀ ghɛɓ cɛɓ ki lɛ ɓɛ falɛ̀n rì Bɛ̀ll ɓi Yeesus Kiris lɛ kɔɔ̀kɔɔ̀, ɓɛ ri ɓiì tulɛɛ ri ǹ-yeesɛ̀n, à ɓum.

EBIREEGH 2:10

Ɓisuulɛ Bɛ̀ll ànɛ à kìghà ɓyom ɓìcèm, ànɛ à ki rì rì ɓyom ɓìcèm, nnyɛɛ̀ ki kìghà lɛ ɓɔn lɛɛ̀gwey ɓɛɛ teɗ gàɓ ɓi rìkem ɗii, ɓi bee ì rìkɛŋ, a ki lɛ Yeesus ànɛ à rì ǹto wu gòri yàà, a kpaŋ ɓi nɗɛli wu, kɛ̀ɛ ɓa ri kìɓan ki fenɛn a lɔ̀ŋkii.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 3:9

Kɛ̀ ɓi rɔ̀ŋ kiɓe ri kìɓe, nsoò lɛ ɓi pɛɛ̀zi fìsɛm ri fìsɛm, lɔŋ com ki ɓì ghɛɛ̀sɛɛ kìkiì ki ri lɛ ɓi maŋ̀maŋ ɓum, lɛ kìɓan ki Bɛ̀ll à reŋìghà mìni miì kɛɛ̀kìn, lɛ ɓi teɗ mɛ̀wus mɛ ɓɛmààgh.

1 PYƐƐRI 4:1

Nni yɛ̀ɛ Kiris à wokà rìkɛŋ ɗi ɓi mɛ̀mùù, mìniìrig ɓanɛɛ na rì rìyitì ɗiǹ ɓisuulɛ ŋwaànɛ à mɛ wog rikɛŋ ɗi ɓi mɛ̀mùù, à rì ŋwaànɛ à mɛ ghasɛn ɗi kìɓe

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 ZYAŊ 2:6

ŋwaànɛ à kpaa lɛ, à rì ǹɗàrɛn ri Bɛ̀ll, à ghɛ̀ɛ̀sɛɛ kì ghɛɓì yɛ̀ɛ Yeesus nyimiɗ à ghɛɓkà.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.