1 PYƐƐRI 2:15 - Bafia Nouveau Testament

¹⁵ Ɓisuulɛ rìkɔ̀n ɗi Bɛ̀ll ɗi ri lɛ, ɓi sim ɓumɓɛ ɓɛ ri ɓìdùŋdùŋ ɓɛ̀ kɛɛ̀ yi com myɔm rì kìrɔɔ ki ɓi kìkì.

1 PYƐƐRI 2:15 Iomraidhean Croise

MATYOO 25:2

Kìtaǹ ki ɓi ɓɔ ki ɓaghà kɛ̀ɛ̀ ɗyomzɛ̀n, kìtaǹ kimbog rì ɗyomzɛ̀n.

MATYOO 7:26

Kìɓan kifog mum ǹcèm ànɛ à woogh ɓìɓan ɓi nkpaakpaa ɓi, kɛɛ̀ nɔ̀ɔ̀ti ɓyɔ, à pisɛɛ kìdùŋdùŋ ki mum ki ki togà mɛɛ ɓi sɛɛ̀sɛɛ.

RÒMƐŊ 1:21

Ɓisuulɛ ɓɛ yii Bɛ̀ll, kìɓan kifog ɓɛ̀ kɛɛ̀ ɓɔgsi nyi yɛ̀ɛ ki ghɛɛ̀sɛɛ lɛ ɓɛɛ ɓɔgsag nyi, ɓɛ̀ kɛɛ̀ ki fa nyi ɓìtògsɛ̀n, wɔ̀lɛ ɓìdìmìdimi ɓyaa ɓi ɓɛfèg ɓi mɛ tɔɔsi ɓɔ cog, ɓìdùŋdùŋ ɓyaa ɓi mɛrèm ɓi sigtɛ̀n birìm.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

TÈSÀLÒNÌSYƐŊ 4:3

Rìkɔ̀n ɗi Bɛ̀ll ɗi ri lɛ ɓi ghɛɓ cɛɓ ki tɛnɛn, ɓì cèlì ɓìɓan ɓi tifin.

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

TIMOTE 1:13

Màànɛ ǹfeèfèngàkà nyi abɛ̀y, ǹ-yeèyèèsì ɓɛ̀gherɛ̀n, ǹkìkì rìbaŋì, mɛ̀ ànɛ̀n innɛ Bɛ̀ll à wokà nyìinyìg ɓisuulɛ ǹ-yighà ɓi com ki ǹkìkìghà, lɛ m̀ɓaghà kɛ̀ɛ̀ kìgherɛɛ.

Kaàtà ànɛ Pol à kàngà TIT 2:8

Ɓìtòkì ɓyɔɔ ɓyɛɛ ɓa lɛ sɛɛghi sɛɛghi, kɛ̀ɛ̀ com ki ɓɛ fen miì, lɛ di ɓɛ̀bènàbena ɓis ɓɛɛ wog ǹtoòrìɗ, ɓɛ rɔɓ kɛ̀ɛ̀ kìɓan ki ɓeɓtɛn ki ɓɛ fen a lɔ̀ŋkis.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.

1 PYƐƐRI 3:17

Lɛ ki ri kìrɔɔ lɛ mum a wog ǹtɔɓ lɛ a kìki kirɔɔ, di fɔlɔɔ yɛɛ ri rìkɔ̀n ɗi Bɛ̀ll à cee lɛ a wog ǹtɔɓ lɛ a kìki kìɓe.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.