1 PYƐƐRI 2:12 - Bafia Nouveau Testament

¹² Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 2:12 Iomraidhean Croise

MATYOO 10:25

Kɛɛ tɔtɔg lɔŋ lɛ, n-yilàg a kpaŋ̀ ɓi ǹɗɛli wu ǹɗèsàg wìì, ǹkìì-kìsay girig, à kpaŋ ɓi nɗɛli wu masà wìì; i ɓɛ mɛ ròò ŋwaàmɛɛ ɗii lɛ: Bɛlzeɓul, ɓɛ ɓiì ròo ɓum ɓii mii mɛ mɛ ɓeɓtaagh mɛ cee fɔlɔɔ.

MATYOO 5:11

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m.

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

MATYOO 9:8

Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.

LUKAS 1:68

Rìkem ɗi ghɛ̀ɛsɛɛ rì Kan Bɛ̀ll à Isirayɛl, ɓisuulɛ, àa ǹ-yùu kì ghɛɛ̀ kìlɔ̀ŋ kii, à kwèɗ kɔ

LUKAS 19:44

Ɓɛ ɓiì ɓùgsii lɛ rì wɔ̀, rì ɓɔn ɓɔɔ, ɓɛ̀ kɛɛ̀ cààti gɔ̀g ìdɛŋ m̀ɓasɛn ɗi yimbog ɓisuulɛ, ù yighà ɓi cààmɛ̀n ki Bɛ̀ll à yùghà wɔ̀ kì ghɛɓsii miì.

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

ZYAŊ 13:31

Yɛ̀ɛ Zyudas à ɓaghà di à mɛ kpaŋ ɓi dan, nni Yeesus à kalìghà lɛ: Ɓigomìnɛ, Man à mum à mɛ kem, Bɛ̀ll à mɛ kem girig ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 15:14

Simɔn àa rèsii ɓìsi yɛ̀ɛ ki kilɛ̀ngà a rìtumɛ̀n lɛ, Bɛ̀ll a ɓɔn kìlɔ̀ŋ ki kɛɛ ɓa kiŋkii, ɓi nyìinyìm à ɓìlɔ̀ŋ ɓi zɛy.

MƐ̀KÌKÌÌ MƐ ƁƐKƐ̀NÌ-FÌTOM 24:13

ɓumɓɛ ɓɛ ri ɓɛ, ɓɛ yin ɗi kìɓan kidɛŋ ki ɓɛ ri lɛ ɓɛ ɓaàzì sɔmìnà wàà miì yɛ̀ɛ ɓɛ rɛrɛlii lɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 25:7

Yɛ̀ɛ Pol à yùghày, Ɓɛ̀yudɛ̀n ɓɛ ɓɛ pɛsɛ̀ngày a Yorisalɛm, ɓɛ kɔmzɛ̀ngà nyi, ɓɛ kpaa ɓìɓan ɓi ɓeɓtɛn lɛɛ̀gwey ɓɛ raràɗ ɗi nyi, kìɓan kifog ɓɛ kpaakpààghà ɓìɓan ɓìn rì ŋwɔm kɛ̀ɛ̀ com ki ki resii lɛ ɓi ri saaɗ.

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

RÒMƐŊ 12:17

Kɛ̀ ɓi lèɓ mum kìɓe ri kìɓe, kaana lɔŋ lɛ ɓi ki kìrɔɔ ɓi mis mɛ ɓum ɓɛ̀cèm.

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

RÒMƐŊ 14:18

Ŋwaànɛ a kìki Kiris kìsay ɓikòò wìn, Bɛ̀ll a woki kirɔɔ rì nyi, ɓum ɓɛ ki sɛki nyi.

RÒMƐŊ 15:9

Ɓi san ànɛ a ɓumɓɛ ɓɛ yin Ɓɛ̀yudɛ̀n, ɓɔɔ̀ keekemzì Bɛ̀ll ɓisuu nɗem wu nyìinyìg wu à rì rì wɔ lɔŋ yɛ̀ɛ ki ri kìkànɛn lɛ: Ɓisuu kiɓan kiǹ nnɛ ǹɗi wɔ̀ ɓiì kemzii ɓi nyìinyìm à ɓìlɔ̀ŋ ɓi zɛy ǹki ghàɓ tyem ti tyɛɛ fa wɔ̀ rìkem.

1 KƆ̀RƐ̀ŊTYƐŊ 14:25

Ɓɛ̀fèg ɓɛ ɓɛ ri nyi ɓɛ̀nyamɛn ɓi nɗem ɓɛ ɓiì kpagii dan, à kpì ɓi zi ri ìsu, à ɓɔgsì Bɛ̀ll à kalì lɛ: Bɛ̀ll à rì lɔŋ ɓi nyìinyìm wìn a tààkaà.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 13:7

Nsoò fɔlɔɔ, ɓìsiì ɓɔ̀ɔɓɔ̀ŋzì Bɛ̀ll lɛ ɓi ɓa kɛ̀ ɓi kì kiɓan kidɛŋ ki ki ɓeɓtɛɛ, àa ɓà loo lɛ, di mɛ̀fèèghrɛn mɛɛ pisɛn yɛ̀ɛ mɛ ghaghii kìrɔɔ, wɔ̀lɛ ti ɓɔ̀ɔɓɔŋzàg lɛ di ɓyàa kìi ɓìɓan ɓi rɔɔtɛn, nsoò yɛ̀ɛ mɛ̀fèèghrɛn mɛ ǹkɛ̀ɛ̀ghii ɓi ɓi ɓɛg wìs.

2 KƆ̀RƐ̀ŊTYƐŊ 8:21

Ɓisuulɛ ɓìsiì kaakaa lɛ ti ki ɓìɓan ɓi ɓi ri lɛ syeesyee, nni àa ɓi mis mɛ Kan mɔ rì mɔ nnɛ rìkì ɗis ɗi ghɛɛ̀sɛɛ kì rɔɔtɛɛ, ɗi ghɛɛ̀sɛɛ girig lɛ ɗi rɔɔtɛ̀n ɓi mis mɛ ɓum.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

TÈSÀLÒNÌSYƐŊ 4:12

di fɔɔnnɛ ɓumɓɛ ɓɛ yin ɓɛgherɛ̀n ɓɛɛ teɗ mìni rì rìmum, ǹtɛ̀g win wɛ̀ kɛɛ̀ rìɗ ŋwaàdɛŋ.

TIMOTE 2:2

ɓisuu mɛfòm, rì ɓum ɓɛ̀cèm ɓɛ ɓɛ ri ɓɛ̀làmì, lɛ di ti ghɛɓ cɛɓ ki fyòoog rì tɛ̀tɛ̀rɛ̀ɛ̀, tì falɛ̀n ɓi rìgherɛ̀n lɛɛ̀gwey, tì ɓa ɗì rìmum.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

TIMOTE 5:10

Ki ghɛɛ̀sɛɛ lɛ a ɓa giɓ anɛ ɓum ɓɛ yii ɓìsyeesyee ɓii ɓi mɛkìkìì, ànɛ à mɛ tɔɔsag ɓɔn, ànɛ àa nghàɓkì ɓɛ̀kèn lɛ syeesyee, à sòòghì ɓɛ̀gherɛ̀n mɛ̀kòò, à ghɛɓsàg ɓum ɓɛ nyìinyìg, à ki kaakaa lɛ a ki ɓìɓan ɓi syeesyee.

EBIREEGH 13:18

Ɓì ɓɔ̀ŋzàg ɓisu wis, lɛ tì konaagh kì yiì lɛ mɛ̀rem mis mɛ ri lɛ sɛɛghi sɛɛghi, rì rìkɔ̀n ɗi lɛ ti ghɛghɛɓ ɓi ɓɛ̀saaɗ ɓi ɓìɓan ɓìcèm.

EBIREEGH 13:5

Kìsee ki mɔ̀ɔ̀ni kɛ̀ kɛɛ̀ làmì ɓyɛɓ ɓin; nyààrɛɛna rì gàɓ ì ɓyom inɛ ɓì rì rì yɔ̀, ɓisuulɛ Bɛ̀ll nyimiɗ a kpaaghi lɛ: Màa càɗ ɓi wɔ, kɛ̀ɛ nki rini wɔ.

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

1 PYƐƐRI 2:15

Ɓisuulɛ rìkɔ̀n ɗi Bɛ̀ll ɗi ri lɛ, ɓi sim ɓumɓɛ ɓɛ ri ɓìdùŋdùŋ ɓɛ̀ kɛɛ̀ yi com myɔm rì kìrɔɔ ki ɓi kìkì.

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.

2 PYƐƐRI 3:11

Nni yɛ̀ɛ ɓyom ɓìcèm ɓi ghɛɛ̀sɛɛ kì ɗyaŋì fɔlɔɔ, ki ghɛɛ̀sɛɛ lɛ cɛɓ kin, ɗì rìfalɛ̀n ɗin ɗi ɓi rìgherɛ̀n ɓyɛɛ ɓa ɓìtɛnɛn lɛ kɔɔ̀kɔɔ̀.