1 PYƐƐRI 2:11 - Bafia Nouveau Testament

¹¹ Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

1 PYƐƐRI 2:11 Iomraidhean Croise

LUKAS 21:34

Ɓì konàg rì mìniì ɓɔmiɗ, lɛ ɓìsɛ̀nɛ̀ rì ɓìzɛ̀ŋ ɓi mɛrɔ̀g rì rìcɛɛ̀cɛ̀ɛ̀rɛ̀n ɗi nɗem ɓyɛ̀ kɛɛ̀ fa mɛrem min ìɓwɛɗ; di ŋwos anɛ̀n à ri sìɗ mini ǹsìrɛn.

MƐ̀KÌKÌÌ MƐ ƁƐKƐ̀NÌ-FÌTOM 15:20

Tì ghɛ̀ɛ̀sɛɛ lɔŋ ɓɔ kì kàni kaàtà, ti kpaa ɓɔ lɛ, ɓɛ ghɛɛ̀sɛɛ kì cèlii lɛ: rì riɗi ɗi ɓituwe ɓi ɓɛ woli ɓisuu riɓɔgsì ɗi ɓinùn, rì tìsɔ̀mɔ̀g, rì rìɗi ɗi ɓituwe ɓi ɓi wii lɛ swììɗ bwaɓ yɛ̀ kɛɛ̀ kpaŋ.

MƐ̀KÌKÌÌ MƐ ƁƐKƐ̀NÌ-FÌTOM 15:29

Kɛ̀ ɓi ɗi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn, rì bwaɓ, rì ɓyɛn ɓi nyàm ìnɛ ì wii lɛ swììɗ, kɛ̀ ɓi kì tisɔ̀mɔ̀g, i ɓì lɛɛgh ɓìɓan ɓiǹ, di ɓì konaagh, ÒO òona yàà!

RÒMƐŊ 12:1

Ɓɔɔsoŋ̀, ɓisuu nɗem wu nyìighnyìg wu Bɛ̀ll à rèsìghà ɓi ɓɛg wìs, ǹtɔɔgh mìni lɛ ɓi funɛn mìniì ɓɔmiɗ fɛlɛ yɛ̀ɛ kìtuwe ki mum à ti à weeyì ɓi rìɓɔgsì ɗi Bɛ̀ll; ɓi funɛn mìniì ɓɔmiɗ rifunɛ̀n ɗi ɗi ri cem, ɗyɔ rìtɛnɛn, ɗi ki ɓa ɗi ɗi rɔɔ Bɛ̀ll. Fɔlɔɔ yɛɛ ri ɓiì ɓaà syeesyee à rìɓɔgsì ànɛ ɓì ghɛ̀ɛ̀sɛɛ kì ɓɔgsii Bɛ̀ll.

RÒMƐŊ 7:23

Kìɓan kifog kìdɔ̀gsɛna kidɛŋ ki ri mɛ̀ ɓi ɓìkàɓ, kɛɛ ɗùùɗuu ri ɓìdɔ̀gsɛna ɓi nɗem wɛ̀m wɛɛ̀ sɛsɛ̀g; kɔ yɛɛ ghaasii mɛ̀ ǹkpàn a kìsyɔ̀ɔ̀ ki ki komi kìɓe ki ki ri mɛ̀ ɓi ɓìkàɓ.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

2 KƆ̀RƐ̀ŊTYƐŊ 5:20

Ɓi ɗii ɗi Kiris innɛ tì rì ɓɛ̀romɛn fɔɔnnɛ Bɛ̀ll nyimiɗ yɛɛ̀ feèfègsì mìni ɓi myɔm mis; tì ɓɔ̀ŋzaagh mìni ɓi ɗii ɗi Kiris lɛ ɓi gherɛn lɛ ɓi pegsɛn kìɓan ki lɛ rì mìni rì Bɛ̀ll.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

EFÈZYƐŊ 2:19

Fɔlɔɔ nnɛ ɓì yiìdi ɓɛ̀kèn nsoò lɛ ɓumɓɛ ɓɛ ri ɓi rìghaàgh, wɔ̀lɛ ɓigomìnɛ ɓì ti ɓumɓɛ ɓɛ ri kìlɔ̀ŋ kìfog rì ɓumɓɛ ɓi kìlɔ̀ŋ ki Bɛ̀ll, ɓì ki ɓa ɓumɓɛ ɓi naa ì ɓum ì Bɛ̀ll.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 11:13

Lɔŋ ɓi rìgherɛ̀n innɛ ɓumɓɛ̀n ɓɛ̀cèm ɓɛ cuughà di ɓɛ ka teɗ ɓi ɓyom ɓi Bɛ̀ll à kàkà ɓɔ; kìɓan kifog ɓɛ ghɛngày ɓyɔ, ɓɛ ki nyààrɛn ri ɓyɔ di ɓi kakay fìràɓ, ɓɛ ki kpaa lɛ ɓɔɔ ri ɓɛ̀kèn ɓɛ ɓɛ ri ɓi rìghaàgh fɛ ɓi ziinɛ.

EBIREEGH 6:9

Mìni ɓum ɓɛm ɓɛ nɗem, nsoò yɛ̀ɛ ti kpaakpaa lɔɔ, tì konaagh kì yiì lɛ ɓì rɛrɛlii ɓi syeesyee à bee, ànɛ à rì bee ì cɛɓ.

ZYAG 4:1

Ɓìɓan ɓi lɛ rì ɓìtùrì rì ɓɛsaaka ɓi ɓaa yì la ɓi nyìinyìm wìn? kaa yin lɛ ɓìɓeɓtàg ɓi ɓiɓan ɓi mìni ɓi mɛ̀rem ɓyɛɛ̀ ɗùuɗuùsì wɛ̀y wiǹ ɓi nyoo yin.

1 PYƐƐRI 1:1

Mɛ̀ Pyɛɛri ànɛ ǹɗì ǹkɛ̀nì-fìtom a Yeesus Kiris, ǹkànì ɓumɓɛ Bɛ̀ll à ɓɔ̀ngà, ɓɛ ɓɛ ri a gwèɗ, ɓɔ ɓɛ̀sààtakɛn ɓi ɓìlànà ɓi zi ɓi lɛ rì Pɔŋ, rì Galasi, rì Kapados, rì Azii, rì Bitinii.

1 PYƐƐRI 1:17

I roànɛ à ti à yɔ̀mgì mum bimiɗ lɔŋ yɛ̀ɛ mɛ̀kìkìì mii mɛ ri kɛ̀ɛ̀ ǹlànag, innɛ ɓì ti ɓì regì ɓi bɔ̀ŋzɛ̀n yin lɛ Seŋi wìn, rèsiina lɛ ɓì risii nyi ɓi gàɓ ì cààmɛ̀n ìnɛ ɓi ghaaghagsì ɓi ziinɛ,

1 PYƐƐRI 4:12

Mìni ɓum ɓɛm ɓɛ nɗem, rìɓa ɗi ɓì rì ɓi ɓɛ̀gɛn ɓɛ mɛfèèghrɛn ɓɛ ɓɛ ri yɛ̀ɛ ɗuu ɗi ghɛ̀g-ghɛ̀g, ɗyɛ̀ kɛɛ̀ sìɗ mini yɛ̀ɛ ɓɛɛ̀ kali lɛ kìkènekènè ki kiɓan kidɛŋ kɛɛ tanɛɛ mìni.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.

2 PYƐƐRI 3:1

Mìni ɓum ɓɛm ɓɛ nɗem, kaàtà wɛ̀m à kìɓɛ̀ɛ̀ ànɛ ǹkàniì mìni yɛɛ ri lɛ; ɓi kìɓɛ̀ɛ̀rɛn ki ɓɛ̀kaàtà kiǹ, n-yiiyitì mìni ɓìɓan, lɛ nghem̀zi mìni mɛ̀rem yɛ̀ɛ ɓi ɓa rì syeesyee à fèg