1 PYƐƐRI 1:8 - Bafia Nouveau Testament

⁸ Nyi ànɛ ɓì kesii nsoò yɛ̀ɛ ɓì ka ghɛngà ɓi nyi; ɓi ki gherɛɛ nyi kɔlɛ ɓì ghɛɛ ɓi nyi ɓigominɛ kìɓan kiǹ kɛɛ̀ki ɓi sànsam ri coo kinyàà ki keŋkemɛn ki mum à yin lɛ à yi rìkpaa,

1 PYƐƐRI 1:8 Iomraidhean Croise

MATYOO 10:37

I ŋwaà keesii ɓi mɛ à cee lèg ànɛ à keesii lɛ rì seŋi, rì jɛɛ, à yin lɛ à ɓa mum wɛm̀. Roànɛ à ɓiì keessii dɛlì yìì nsoò lɛ gɔ̀n yìì à cee lèg ànɛ à keesii mɛ̀, à yin lɛ à ɓa mum wɛm̀.

ZYAŊ 14:15

I ɓì keesii mɛ̀, ɓì ɓiì ɓèŋi ɓidɔ̀gsɛna ɓyɛm̀.

ZYAŊ 14:21

Ŋwaànɛ à rì rì ɓìdɔ̀gsɛna ɓyɛm̀ à ki ɓèŋ ɓyɔ, nnyɛɛ keesii mɛ̀. Nni ŋwaànɛ à keesii mɛ̀ innɛ Seŋi wɛ̀m à ɓiì kesii, mɛ̀ ǹkeesì girig nyi, ǹki rèsɛn nyi lɛ a yi mɛ̀.

ZYAŊ 14:24

Mum ànɛ à kessi ɓi mɛ, à yin lɛ à ɓèŋ ɓìɓan ɓyɛm̀; nni jɛ̀ɛ̀ ìnɛ ɓi wowog inɛ, ì yin jɛ̀ɛ̀ yɛ̀m, ì rì lɔŋ jɛ̀ɛ̀ ì Tààta ànɛ à romgày mɛ̀.

ZYAŊ 16:22

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ.

ZYAŊ 20:29

Yeesus à kpaa nyi lɛ: Ù gherɛɛ ɓisuulɛ ù mɛ ghɛn mɛ? Mààgh rì ɓɛ̀roɓɛ ɓɛ gherɛ̀ngà ɓɛ̀ kɛɛ̀ ghɛn.

ZYAŊ 8:42

Yeesus à kpaa lɛ: I kaa rì saaɗ lɛ Bɛ̀ll yɛɛ ri Seŋi wìn, di ɓì keesii mɛ̀; lɛ ɓi Bɛ̀ll nnɛ ǹfuu yì, wɔɔ nnɛ ǹki ɓaghày; ǹ-yùghày ɓi ri nto wɛ̀m, lɔŋ nyi yɛɛ romgày mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 16:34

Ajɛ̀m ìnɛn nnɛ m̀ɓèŋì-naà-zày à tekà lɛ rì Pol rì Silas, à ɓɔg rì ɓɔ a mɛɛ mii, à fa ɓɔ ɓyom ɓiɗiyɛn, ŋwaànɛ̀n rì naa yìì i ɓum, ɓɛ wokà kìrɔɔ lɛɛ̀gwey, yɛ̀ɛ ɓɛ gherɛ̀ngà Bɛ̀ll.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

1 KƆ̀RƐ̀ŊTYƐŊ 16:22

I mum à keesii ɓi Kan, à ghɛ̀ɛ̀sɛɛ kì terì ǹcɛ̀m! Màrànatà-Kan wìs yuiy!

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

2 KƆ̀RƐ̀ŊTYƐŊ 12:4

Ŋwaànɛ̀n à ɓɔkà à kpaŋ a pàràɗis, à wog jɛ̀ɛ̀ yidɛŋ yi mum à yin lɛ à yi rìɓììtì, yi ɓɛ ki yin lɛ ɓɛ gherɛ̀n lɛ mum a kpaà.

2 KƆ̀RƐ̀ŊTYƐŊ 4:18

Ɓìsii yin ɓiì nɔ̀ɔnɔɔ̀tì ɓìɓan ɓi ɓum ɓɛɛ̀ seesèè, lɔŋ ɓi ɓum ɓɛ ghɛɛ ɓi ɓyɛɛ̀ɓi ɓìsiì nɔ̀ɔnɔɔ̀tì ɓisuulɛ, ɓyom ɓi ɓum ɓɛɛ̀ seesèè ɓi ti ɓi finàg maa cààmɛ̀n, ɓi ɓum ɓɛ ghɛɛ ɓi, ɓi ri fìɗyàɓ fikɔ̀ɔ̀.

2 KƆ̀RƐ̀ŊTYƐŊ 5:7

lɛ ɓìsii yin ɓiì kɛ̀ɛ̀kɛɛ lɛ yɛ̀ɛ ti seesee ɓyom, ti kɛ̀ɛ̀kɛɛ lɛ rìgherɛ̀n.

2 KƆ̀RƐ̀ŊTYƐŊ 9:15

Bɛ̀ll a teɗ rìkem ɓi rìfa ɗii ɗi ɗi ri kɛ̀ɛ̀ kìfèègh.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

EFÈZYƐŊ 3:19

rì tì lɛ, ɓi yi ǹkɔ̀nɛ̀n à Kiris ànɛ̀n, ànɛ ɓum ɓɛ yin lɛ ɓɛ tɔɔnɛ̀n kì yiì; fɔlɔɔ nnɛ ɓi ɓa ɓɛ̀ronɛn syeesyee à rìron ɗì rìɓa ɗi Bɛ̀ll à rì nɗonɛn.

EFÈZYƐŊ 6:24

Fɔɔnnɛ geesɛ̀n ì Bɛ̀ll yɛ̀ɛ ɓa rì ɓum ɓɛ̀cèm ɓɛ ɓɛ keesii Kan wìs Yeesus Kiris rì ǹkɔ̀nɛ̀n ànɛ à yin lɛ à ɗyoŋ.

FÌLÌPYƐŊ 1:25

Nɗem wɛ̀m wùcèm wu gherɛɛ kìɓan kiǹ lɛ ǹ-yii lɛ ǹɗì ɓiì ka ghɛghɛɓi ǹki kɔ̀ri mìniìcèm jàŋbog lɛ ɓi tɔɔ̀, ɓì ki nyààrɛn ɓi rìgherɛ̀n ɓi ɗùm.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 4:4

Nyàànyaana lɔŋ cààmɛ̀n kìcèm ɓi Kan ɓiɗùm, m̀ɓììtii kìkalii lɛ, nyàànyaana.

EBIREEGH 11:1

Rìgherɛ̀n ɗi ri rìyi ɗi mum à yii saaɗ ànɛ ɓi ɓìɓan ɓi à tyweeyii, ɗi ɓa tì com ki kɛɛ̀ rèresi mum ɓɛ̀saaɗ ɓɛ ɓi ɓìɓan ɓi à ghɛɛ ɓì.

EBIREEGH 11:27

Lɛ rìgherɛ̀n innɛ à pɛ̀sɛ̀ngày a Egiɓtɛn, kɛ̀ɛ risi bim inɛ rìfòm ɗi ɓaghà lɛ ɗi wog, à sììrɛ̀ngà lɔŋ ɓi nɗɛli wii yɛ̀ɛ ɓɛɛ̀ kali lɛ, a seesee Bɛ̀ll ànɛ ɓaà ghɛn ɓi.

1 PYƐƐRI 1:6

Sàmsamina ɓisuu kiɓan kiǹ, nsoò yɛ̀ɛ ki ghɛɛ̀sɛɛ lɛ ɓi ɓa rì ǹɗemi-kɛŋɛn ɓi maa cààmɛ̀n lɛ mɛ̀tɔɓ mɛ ɓi taatanɛ̀n rì mɔ ɓigomìnɛ mɛ̀kuu mɛ̀kuu.

1 PYƐƐRI 2:7

Ǹnyaasɛ̀n à rì min ɓisu win wu mini ɓɛ ɓì gherɛɛ; wɔ̀lɛ ɓi ɓɛg ànɛ a ɓɛ̀roɓɛ ɓɛ gherɛɛ ɓi, gɔ̀g ìnɛ ɓɛ̀toŋì-kìtoŋ ɓɛ makà yɛ̀ɛ ghalà ǹlem à gɔ̀g ànɛ ɓi ntɔn à mɛɛ, ì ki ɓa gɔ̀g ì fìɓàg, riɓan ɗi ɓum ɓɛɛ̀ kpìkpi miì.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.