1 PYƐƐRI 1:6 - Bafia Nouveau Testament

⁶ Sàmsamina ɓisuu kiɓan kiǹ, nsoò yɛ̀ɛ ki ghɛɛ̀sɛɛ lɛ ɓi ɓa rì ǹɗemi-kɛŋɛn ɓi maa cààmɛ̀n lɛ mɛ̀tɔɓ mɛ ɓi taatanɛ̀n rì mɔ ɓigomìnɛ mɛ̀kuu mɛ̀kuu.

1 PYƐƐRI 1:6 Iomraidhean Croise

MATYOO 11:28

Yùuna a lɔ̀ŋkɛm̀, mìni ɓɛ̀sɛ̀ɛ̀ ɓɛ̀cèm ɓɛ, ɓì rì ɓɛ fɔlɛn, mɛ̀tɛ̀g mɛ ki rìriɗ mini, ǹfa mìni rìfɔɔsɛ̀n.

MATYOO 26:37

Nni à tekà lɛ rì Pyɛɛri, rì kìɓɛ̀ɛ̀ ki ɓɔn ɓɛ Zeɓede, à tumɛ̀n rìwog ɗi ǹɗemi-kɛŋɛn, ɗì ìris.

MATYOO 5:12

Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

LUKAS 1:47

fɔɔnnɛ kìnyàà ki roni mɛ̀ ɓi nɗem lɛ rìkì ɗi Bɛ̀ll ǹghɛɓsì wɛ̀m,

LUKAS 10:20

Kìɓan kifog, kɛ̀ ɓi ɓiisɛn ki nyàànyaa lɛ, ɓìɓeɓtàg ɓi mɛghay ɓyɛɛ̀ ririsi mini, nyàànyaana lɔŋ lɛ mii min mɛ ti mɛ̀ kànɛn ɓi ɗyoo ɓi ɗùm.

LUKAS 2:10

Kìɓan kifog ŋwaà-fìtom à kpaa ɓɔ lɛ: Kɛ̀ ɓi risì, ǹɗìì mìni rì syeesyee à ɓɔlɛ̀ ànɛ à rì ɓiì faa kìlɔ̀ŋ kìcèm coo kinyàà ɓi mɛ̀rem.

ZYAŊ 16:22

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 5:11

Àa lɔŋ foo nyi rì nyi, ti nyàànyaa ɓi Bɛ̀ll lɛ Kan wìs Yeesus Kiris ànɛ à mɛ pègsɛn paàzì ànɛ lɛ rì ɓìsi rì Bɛ̀ll.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 9:2

Ǹɗì rì coo bim ɓi nɗem, ǹki wowog ǹɗemi-kɛŋɛn kɛ̀ɛ̀ rìfɔɔsɛ̀n.

2 KƆ̀RƐ̀ŊTYƐŊ 4:17

Ɓisuulɛ mɛ̀tɔɓ mɛ tì ti tì wokì ɓi maa cààmɛ̀n mɛ ri lɛ fɛnfɛn di ù fèegh mɔ rì mɛ̀nɔ̀ɓɔ̀ mɛ rikem ɗi fiɗyàɓ fikɔ̀ɔ̀ ɗi mɛ̀tɔɓ mɛ̀n mɛɛ̀ ɓùuɓuŋɛ̀n ɓisuu wis.

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

FÌLÌPYƐŊ 2:26

Àa ǹɗì rì coo zày ìnɛ lɛ di àa ghɛɛ̀daagh mìni ɓɛ̀sɛ̀ɛ̀ ɓɛ̀cèm, wɔ̀lɛ kìɓan ki ki ǹ-yeesii nyi lɛɛ̀gweey, ki ǹɗì kiɓan ki ɓɔlɛ à fìroɓ fii anɛ ɓìi nteri foo.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 4:4

Nyàànyaana lɔŋ cààmɛ̀n kìcèm ɓi Kan ɓiɗùm, m̀ɓììtii kìkalii lɛ, nyàànyaana.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,

ZYAG 1:9

Maaseŋi wìn a rìgherɛ̀n ànɛ à rì soghàsogha, a nyaàrɛn ɗì rìpɛ̀sì ɗi Bɛ̀ll à pɛ̀sii nyi aɗyòò.

ZYAG 4:9

Yiina lɛ ɓì rì nyìighnyìg, ɓi waàtɛn ɓìlɛ̀ɓì, ɓì ki rèn; mɛ̀keèghkeegh min mɛ tyɔɛ̀y mɛɛ ghas̀ ɓìɓààsì ɓi mɛkɛɛ̀gh, kìnyàà kin ki ghay ǹɗemi-kɛŋɛn.

1 PYƐƐRI 3:17

Lɛ ki ri kìrɔɔ lɛ mum a wog ǹtɔɓ lɛ a kìki kirɔɔ, di fɔlɔɔ yɛɛ ri rìkɔ̀n ɗi Bɛ̀ll à cee lɛ a wog ǹtɔɓ lɛ a kìki kìɓe.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.