1 PYƐƐRI 1:5 - Bafia Nouveau Testament

⁵ mìni ɓɛ ìtèɗ wu Bɛ̀ll wɛɛ̀ ɓèŋɓèŋ lɛ rìgherɛ̀n, à kpaŋ yɛ̀ɛ gòri ìnɛ ì ti jàŋbog lɛ yɛ̀ɛ resɛn ɓi mɛ̀ru mɛ siitòn ì ɓiì rèsɛɛ.

1 PYƐƐRI 1:5 Iomraidhean Croise

ZYAŊ 12:48

Nni ŋwaànɛ à ɓèni mɛ̀, kɛ̀ɛ ghàɓ ɓiɓan ɓyɛm̀, à rì rì ŋwaànɛ à ɓiì renì kìɓan kii. Ɓìɓan ɓi ǹkalìghà ɓyɛɛ ri ren kiɓan kii ɓi siitòn a ŋwos.

ZYAŊ 17:15

M̀ɓɔ̀ŋzii ɓi wɔ lɛ u pisi ɓɔ ɓi ziinɛ, mɓɔ̀ŋzàg lɔŋ wɔ lɛ, u lɛgsi ɓɔ kìɓe.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

RÒMƐŊ 11:20

Ki ri lɔŋ fɔlɔɔ lɛ ɓɛ rengàkà myaɓ mɛǹ lɛ rìɓa ɗi mɛ ɓaghà kɛ̀ɛ̀ rìgherɛ̀n nni kɔ̀ɔ kaakalɛ̀n, ù ghɛ̀ɛ̀sɛɛ gì kì risii.

RÒMƐŊ 8:18

Mɛ̀ ǹghɛɛ lɛ, mɛ̀tɔɓ mɛ ti wowog ɓi cààmɛ̀n ki, mɛ wuɓsɛɛ ɓi ɓi com ɗì rìkem ɗi Bɛ̀ll à rì ɓiì rèsii ɓisu wìs.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

EFÈZYƐŊ 3:17

di fɔɔnnɛ Kiris a kɔri ɓi mɛ̀rem min lɛ rìgherɛ̀n. Fɔlɔɔ nnɛ ɓì rì ɓiì kìi lɛ, ɓì ròò gàŋ, ɓì ki ɓa ɓɛnyìsɛn ɓi nkɔ̀nɛ̀n ɓi ɗùm;

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

FÌLÌPYƐŊ 4:7

Fɔɔnnɛ fyòoog à Bɛ̀ll ànɛ ɓum ɓɛ yin ɗi ìtèɗ wulɛ ɓɛ wog, à ɓiì ɓèŋi mɛrem min rì mɛ̀yitì min ɓi Yeesus Kiris ɓi ɗùm.

2 TIMOTE 3:15

À tumɛ̀n ɓi rìŋwɔɓti ɗyɔɔ, ù yii ɓìɓan ɓi ɓi kaàtà à Bɛ̀ll, ɓi ri lɛ ɓi fa wɔ̀ ɗyomzɛ̀n ɗi u ɓa rì cɛɓ, lɛ rìgherɛ̀n ɗi ù gherɛɛ Yeesus Kiris.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

2 PYƐƐRI 1:3

Ìtèɗ wu Kan wu wu riì yɛ̀ɛ Bɛ̀ll wu faghà ɓìsi com kìcèm ki ki ri lɛ ki ghɛɓsì ɓìsi lɛ ti ghɛɓ cɛɓ ki lɛ ti falɛn rì Bɛ̀ll ɓi rìkì ɗi à kìghà lɛ ti yi roànɛ à reŋìghà ɓìsi lɛ ti kaɓɓɛn rìkem ɗii, rì syeesyee wìì a kìsyɔ̀ɔ̀.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ZYUUDƐ 1:24

Roànɛ à rì rì ìtèɗ wulɛ à ɓèŋ mìni lɛ kɛ̀ ɓi kɛ̀ɓtɛn fiɓàg, à ki kì lɛ ɓi kpaŋ ɓi rìkem ɗii lɛ sɛɛghisɛɛghi kɛ̀ɛ̀ bɛ̀lɛn, ɓi kìnyàà ɓi ɗùm,