1 PYƐƐRI 1:3 - Bafia Nouveau Testament

³ Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 1:3 Iomraidhean Croise

ZYAŊ 1:13

Ɓumɓɛ̀n ɓɛ ghalà ɓi ɓɔn ɓɛ Bɛ̀ll rì nyoo ì mɛ̀mùù fɛlɛ yɛ̀ɛ ɓɔn ɓɛ ɓum ɓɛɛ̀ yalàg, lɔŋ Bɛ̀ll yɛɛ faghà ɓɔ cɛɓ ki nyɔn.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 15:13

Bɛ̀ll ànɛ à ti à falàg ɓum dyàɓɛn ɓi nɗem a roòzi mìni lɛ rì kìnyàà, rì fyòoog ɓi nɗem lɛ pisa ɓi rìgherɛ̀n, di dyàɓɛn yiǹ yɛ̀ɛ roǹ ì sòsòɓ rì ìtèɗ wu Kitɛntɛ̀ɛ̀n ki Nghày.

RÒMƐŊ 4:25

Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

RÒMƐŊ 8:11

Ǹghay à roànɛ à ghèmzìghày Yeesus a ɓìloŋ a rì ɓi mìni; roànɛ à ghèmzìghày Yeesus Kiris a ɓìloŋ anɛ̀n à ɓiì faa girig nyoo yin yi yi ti yi wulàg cɛɓ, rì Nghay wìì anɛ à rì ɓi mìni.

RÒMƐŊ 8:24

Ɓisuulɛ Bɛ̀ll à mɛ kwèɗ ɓisì nni kìɓan kiǹ ki kaka yɛ̀ɛ dyàɓɛn. Lɛ i ŋwaà mɛ ghɛn com ki à ɗyàɓɛɛ, com kìn miì kɛ̀ kɛɛ̀ ɓa ti dyàɓɛn; lannɛ ŋwaà rì lɛ à ɗyàɓàg tì com ki a seesèè?

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

1 KƆ̀RƐ̀ŊTYƐŊ 15:20

Wɔ̀lɛ ɓigomìnɛ, Kiris à mɛ ghèmɓɛn a ɓìloŋ, fɔɔnnɛ à rì kìɗùn ki ǹtonto ki ɓi ɓìloŋ ɓi ɓi wughà.

2 KƆ̀RƐ̀ŊTYƐŊ 1:3

Rìkem ɗyɛɛ ɓa ri Bɛ̀ll à Seŋi Kan wìs Yeesus Kiris, Seŋi ànɛ à rì rì nyìighnyìg, Bɛ̀ll ànɛ a ki fɔɔfɔɔ̀sì ǹɗem cààmɛ̀n kìcèm.

GÀLAT 6:16

Fyòoog à Bɛ̀ll rì nyìinyìg ìnɛ Bɛ̀ll a woki ɓum, ɓyɛɛ ɓa rì ɓum ɓɛ̀cèm ɓɛ ɓɛɛ̀ nɔ̀ɔnɔɔ̀tì ǹsiŋdɛn wiǹ, ɓi ɓa girig ɗì Isirayɛl à kìlɔ̀ŋ ki Bɛ̀ll.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris, ànɛ à màgà ɓìsi ɓi rìɓa ɗis ɗi tì rì ɓɛ̀ ràrɛn ɗi Kiris, yɛ̀ɛ à faghà ɓìsi ɓɛ̀mààgh ɓɛ nghay ɓɛ̀cèm ɓi ɗyoo ɓi ɗùm.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

EFÈZYƐŊ 3:20

Nni roànɛ à rì rì ìtèɗ wulɛ à kì ɓìɓan ɓìcèm ɓi tì rì lɛ tì tɔg, nsoò lɛ tì fèg, à ceesàg kɛ̀ɛ̀ vèg rì ìtèɗ wu wɛɛ̀ kìki kisay ɓi ɓìsi,

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 4:13

Ɓɔɔsoŋ̀, tì kɔ̀ni ɓi lɛ ɓi ɓa lɛ dùŋdùŋ ɓi kìɓan ki ki seesee ɓɛroɓɛ ɓɛ ri ɓìloŋ lɛ di kɛ̀ ɓi ɓa lɛ mɛ̀rem min mɛ ɓeɓtɛ̀n ɓi mùm yɛ̀ɛ mɛ ɓum ɓɛm̀bog ɓɛ ɓɛ rì kɛ̀ɛ̀ dyàɓɛn.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

TIMOTE 1:14

Fɔɔnnɛ geesɛ̀n ì Kan wìs ì rongà ì sòsòɓ, ɓi mɛ̀ bas ɗì rìgherɛ̀n rì ǹkɔ̀nɛ̀n ànɛ à rì ɓi Yeesus Kiris.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,

1 PYƐƐRI 3:5

Fɔlɔɔ nnɛ ɓɛ̀gherɛ̀n ɓɛ ɓɛ̀yiɓ ɓɛ abɛ̀y, ɓɛ dyàɓɛn yaà ì ɓaghà yɛ̀ɛ Bɛ̀ll ɓɛ nti ɓɛ rɛŋɗàg, lɛ ɓɛ nti ɓɛ wokì ɓɛ̀yii ɓaa;

1 ZYAŊ 2:29

I ɓì yii lɛ, à rì lɛ saaɗ, ɓì ghɛ̀ɛ̀sɛɛ girig kì yiì lɛ mum ǹcèm ànɛ a kìki ɓiɓan ɓi ɓi ri lɛ saaɗ, à rì man à Bɛ̀ll.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 3:9

Mum ǹcèm ànɛ à rì man à Bɛ̀ll à ti kɛ̀ɛ kì ti kiɓe ɓisuulɛ, ìtèɗ wu cɛɓ wu wu riì yɛ̀ɛ Bɛ̀ll wu ri a lɔ̀ŋkii. À yin lɛ à kɛ̀nkɛ̀n asu rì rìkìkì ɗi kiɓe lɛ Bɛ̀ll à rì nyi Seŋì.

1 ZYAŊ 4:7

Mìni ɓum ɓɛm ɓɛ nɗem, ti kɔ̀nɛɛna ɓi nyìinyìm wìs ɓisuulɛ ǹkɔ̀nɛ̀n à ti à ɓalàg yì yɛ̀ɛ Bɛ̀ll, nni mum ǹcèm ànɛ à rì rì ǹkɔ̀nɛ̀n à rì man à Bɛ̀ll, à ki yii Bɛ̀ll.

1 ZYAŊ 5:1

Mum bimiɗ ànɛ à gherɛɛ lɛ Yeesus à rì Kiris, à rì ŋwaànɛ à gherɛɛ Bɛ̀ll; nni ŋwaànɛ à keesii seŋi, à ti à keesàg girig ɓɔn ɓɛ seŋi ànɛ̀n à yali.

1 ZYAŊ 5:18

Tì yii lɛ mum ǹcèm ànɛ à rì Man à Bɛ̀ll, à ti kɛ̀ɛ kì ti kiɓe kìɓan kifog roànɛ à fuughày yɛ̀ɛ Bɛ̀ll, Bɛ̀ll a ɓèŋɓeŋ nyi, fɔɔnnɛ ghèghey à mum à yin lɛ à kɔ̀m nyi.

1 ZYAŊ 5:4

Ɓisuulɛ, mum ǹcèm ànɛ à rì man à Bɛ̀ll, à ti à yakì ziinɛ. Rìyag ɗi tì ti tì yakì ziinɛ ɗi ri ɓi rìgherɛ̀n ɗis.