1 PYƐƐRI 1:25 - Bafia Nouveau Testament

²⁵ kìɓan kifog jɛ̀ɛ̀ ì Bɛ̀ll ì rì lɔŋ fiɗyàɓ fikɔ̀ɔ̀. Jɛ̀ɛ̀ ìnɛn ì rì jɛ̀ɛ̀ ìnɛ Syeesyee à Ɓɔlɛ à wogsìghà mìni.

1 PYƐƐRI 1:25 Iomraidhean Croise

MATYOO 5:18

Ǹkalii mìni ɓi saaɗ lɛ, cààmɛ̀n kìcèm ki yɛ̀ɛ ɗyoo rì zi ɓi ri ɓiì ɓaɓaa nsoò maa com àdɛŋ ànɛ ɓi ɓìdɔ̀gsɛna àa pɛ̀sɛn ɓi, à kpaŋ yɛ̀ɛ ɓìɓan ɓìcèm ɓi miì ɓi ri ɓiì kìlɛɛ.

LUKAS 16:17

Ki ri lɛ fyɛ̀ɗ lɛ, ɗyoo rì zi ɓyɛɛ silì à cee lɛ maa kìkàŋga àdɛŋ a pɛsɛn ɓi kaàtà à ɓìdɔ̀gsɛna.

ZYAŊ 1:1

A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

1 KƆ̀RƐ̀ŊTYƐŊ 2:2

Lɛ ǹɗengà ɓi nɗem wɛ̀m lɛ màa yi ɓi kiɓan kidɛŋ cààmɛ̀n kìcèm ki ǹɗì a lɔ̀ŋkin, i ki cee ɓi lɛ Yeesus Kiris, ki ki ɓa lɛ Yeesus Kiris ànɛ ɓɛ kpangà ɓi kɔrɔs.

EFÈZYƐŊ 2:17

Fɔlɔɔ nnɛ Kiris à yùghà kì ghagsii Syeesyee à Ɓɔlɛ à fyòoog, a lɔ̀ŋkin, mìni ɓɛ ɓì ɓaghà fìràɓ ri Bɛ̀ll rì a Ɓɛ̀yudɛ̀n ɓɛ ɓɛ ɓaghà jàŋbog rì Bɛ̀ll.

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

EBIREEGH 6:5

ɓɛ ɓoɓtì rìyɛ̀y ɗi jɛ̀ɛ̀ ì Bɛ̀ll ɓɛ ki ghɛn mɛtèɗ mɛ ɓi cɛɓ ki ki riì

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,

2 PYƐƐRI 1:19

Fɔlɔɔ nnɛ tì ɓiisɛɛ tì kìgherɛɛ rikpaa ɗi ɓɛ̀kpaŋzì-ɓìɓan lɛ ɗi ri saaɗ; saaɗ ànɛ̀n innɛ ɓi kookonàg yɛ̀ɛ ɓi ranɗam mɛreè lɛ ɓi wog lɛ à rì fɛlɛ yɛ̀ɛ lamɓà ànɛ a ròòroo ɓi jàŋ inɛ ì rì birìm, à kpaŋ yɛ̀ɛ duri i ɓiì tanì, fyɛy fi duriɓuɓ fi kpeŋzì mɛ̀rem min.

1 ZYAŊ 1:1

Tì kàni mìni kìɓan ki jɛ̀ɛ̀ ì cɛɓ ìnɛ ì ɓaghà, a rìtumɛ̀n ɗi ɓyom ɓìcèm; tì wokà yɔ̀ di yɛɛ̀ tòtòg, tì ghɛn yɔ̀ ri mis, tì sìŋì yɔ̀, tì ki kòm yɔ̀ ri ɓyàg ɓis.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

ÀPÒKÀLIƁSƐ̀ 14:6

Fɔɔnnɛ ǹghɛngà ŋwaà-fìtom adɛŋ di a lɛŋlɛŋ ɓi ɗyoo ɓi ɗùm, à ɓaghà rì Syeesyee à Ɓɔlɛ à fìɗyàɓ fikɔ̀ɔ̀ ànɛ lɛ a ghagsi ɓum ɓɛ̀cèm ɓɛ ɓi ziinɛ, ɓumɓɛ ɓi ɓìlɔ̀ŋ ɓìcèm, rì mɛ̀pwìɗ mɛ̀cèm, rì ɓìtòkì ɓìcèm, rì mɛ̀kuu mɛ̀cèm.