1 PYƐƐRI 1:21 - Bafia Nouveau Testament

²¹ Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 1:21 Iomraidhean Croise

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

ZYAŊ 12:44

Nni Yeesus à kpaaghà jɛ̀ɛ̀ aɗyoo lɛ: Ŋwaànɛ à gherɛɛ mɛ̀, à gherɛɛ ɓi lɔŋ lɛ mɛ̀, à gherɛɛ girig roànɛ à romgày mɛ̀.

ZYAŊ 14:1

Mɛ̀rem min mɛ̀ kɛɛ̀ ɓùùsɛn, gherɛɛna Bɛ̀ll, ɓì gherɛ̀n girig mɛ̀.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 17:1

Yɛ̀ɛ Yeesus à kpaaghà ɓìɓan ɓiǹ, nni à ɓegsìghà mis aɗyoo, à kpaa lɛ: Tààta, cààmɛ̀n ki mɛ kpaŋ, kemzi Man wɔɔ̀, di Man wɔɔ̀ a kemzi girig wɔ̀.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 17:5

Nni ɓigomìnɛ, Tààta wɔ̀ɔ̀ kemzi mɛ̀ jàŋbog rì wɛ̀ɛmiɗ, rì rìkem ɗi m̀ɓaghà rì ɗyɔ jàŋbog rì wɔ̀, di ziinɛ ì ka yin.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

MƐ̀KÌKÌÌ MƐ ƁƐKƐ̀NÌ-FÌTOM 2:24

Wɔ̀lɛ Bɛ̀ll àa ǹghèmzii nyi, à fùmì nyi bɛn yi riwù, lɛ ki n-yin lɛ ki kilɛ̀n lɛ, rìwu ɗyɛɛ ghaatɛn yì rì nyi.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

RÒMƐŊ 10:9

I ù pinii ŋwɔm wɔɔ ɓi nyìinyìm à ɓum, ù kpaa lɛ Yeesus à rì Kan, ù ki gherɛn ɓi nɗem wɔɔ lɛ Bɛ̀ll à ghèmzìghà nyi a ɓìloŋ, ù ɓiì ɓaà rì cɛɓ.

RÒMƐŊ 4:24

Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus.

2 KƆ̀RƐ̀ŊTYƐŊ 6:15

Cɛ kɛɛ ri lɛ ki ki lɛ rì Kiris rì Satàn ɓɛɛ kpaŋ jɛ̀ɛ̀ bog? Nsoò lɛ ɓas aɗi yɛɛ ri lɛ à ɓa lɛ rì ǹgherɛ̀n rì ŋwaànɛ à yin ngherɛ̀n?

EFÈZYƐŊ 1:15

Kìɓan kiǹ kɛɛ̀ki, yɛ̀ɛ mɛ̀ɛ nwoogh girig di ɓɛɛ̀ sɛsɛg lèg ànɛ ɓì gherɛɛ Kan Yeesus, rì nkɔ̀nɛ̀n ànɛ ɓì rì rì nyi ɓi san à ɓɛ̀gherɛ̀n ɓɛ̀cèm,

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

EBIREEGH 2:9

Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.

EBIREEGH 6:1

Kìɓan kiǹ kɛɛ̀ki ti càrina rìrèsì ɗi a rìtumɛ̀n ɗi ɓi kìɓan ki Kiris, ti ɓeg̀mɛn ɓi ɓìɓan ɓi ɓi konaagh kì rɔɔtɛɛ, tyɛ̀ ki sugti tiì rìjɛ̀m ɓi ɓìɓan ɓi a rìyàghɛ̀n ɓi ɓi ri lɛ: Mum à ghɛ̀ɛ̀sɛɛ kì càri ɓiɓan ɓi kɛ̀ɛ̀ ìsu,

EBIREEGH 7:25

Fɔlɔɔ nnɛ à rì rì ìtèɗ wulɛ à ghɛɓsì lɛ kɔɔ̀kɔɔ̀ ɓumɓɛ ɓɛ tyoŋdɛɛ Bɛ̀ll jàŋbog, di ɓɛ fyee a lɔ̀ŋkii ɓisuulɛ, à rì lɔŋ cem cààmɛ̀n kìcèm, à ki ɓɔ̀ɔɓɔŋ̀zàg Bɛ̀ll ɓisu wàà.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

1 PYƐƐRI 3:22

à ɓɔg aɗyoo, à rì ɓi weèlem à Bɛ̀ll; wɔɔ a làlami lɛ rì ɓum ɓɛ titom, rì mɛ̀tèɗ mɛ ɓi ɗyoo mɛ̀cèm.