1 PYƐƐRI 1:2 - Bafia Nouveau Testament

² Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 1:2 Iomraidhean Croise

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

MARIKUS 13:20

I Kan Bɛ̀ll kɛ̀ɛ ghaɓi mɛru mɛ̀n, di nsoò mum bog à yin lɛ à ghɛɓ; kìɓan kifog à ghaɓìghà mɔ ɓisuu ɓum ɓii ɓɛ à rɔ̀tɛ̀ngà.

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MARIKUS 13:27

Fɔɔnnɛ à romi gɛ min ɓum ɓii ɓɛ titom ɓi ɓɛ̀tum ɓɛ zi ɓɛ̀cèm lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ɓɔ̀nɛn ɓi zi bimiɗ.

LUKAS 18:7

Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

MƐ̀KÌKÌÌ MƐ ƁƐKƐ̀NÌ-FÌTOM 15:18

Rìkalì ɗi Kan ànɛ à rèsìghà ɓìɓan ɓiǹ à tumɛ̀n fìɗyàɓ ɗyɛɛ̀ɗìn.

MƐ̀KÌKÌÌ MƐ ƁƐKƐ̀NÌ-FÌTOM 2:23

Yeesus ànɛn innɛ ɓɛ nkàɓi lɔŋ yɛ̀ɛ ki ɓaghà kìkaliyɛn, lɔŋ yɛɛ̀ Bɛ̀ll à fèkà ɓi coo ɗyomzɛ̀n ɗii, nyi nnɛ ɓìi nkpani ɓi kɔrɔs aɗyoo, ɓì ki fa nyi rì ɓɛ̀kìì-kìɓe lɛ ɓɛɛ wey.

MƐ̀KÌKÌÌ MƐ ƁƐKƐ̀NÌ-FÌTOM 20:32

Nni ɓi cààmɛ̀n ki, ǹɗeɓsɛɛ mìni rì Bɛ̀ll ǹki reɓsɛnti mìni rì ɓɔlɛ à geesɛ̀n yìì; ɓɔlɛ ànɛ̀n yɛɛ ri lɛ, à kì lɛ ɓi ɓa rì ìtèɗ, à ki fati mini ɓyom ɓi à nyamgà ɓisuu ɓumɓɛ ɓɛ ri ɓɛŋkii.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 11:2

Bɛ̀ll à màagh ɓi kilɔ̀ŋ kii ki à lokà kì ɓɔ̀ni abɛ̀y. Ɓì yii ɓi yɛ̀ɛ ki ri kìkànɛn ɓi jàŋ inɛ Eli à sɔmɛɛ Isirayɛl rì Bɛ̀ll, à kpaa lɛ:

RÒMƐŊ 11:28

Ɓi san ànɛ a Syeesyee à Ɓɔlɛ ànɛ ɓɛ ɓengà, Ɓɛ̀yudɛ̀n ɓɛ ri ɓɛ̀bènàbena ɓɛ Bɛ̀ll, fɔlɔɔ à ki ɓa ɓi kìrɔɔ kin, wɔ̀lɛ i tì nɔ̀ɔ̀tii rìɓɔ̀n ɗi Bɛ̀ll à ɓɔ̀ngà ɓɔ, Ɓɛ̀yudɛ̀n ɓɛ ri ɓɛ̀roɓɛ Bɛ̀ll à keesii ɓisuu ɓɛseŋi ɓaa ɓɛ ɓɛsɛ̀ɛ̀.

RÒMƐŊ 15:16

lɛ mɓa ǹkìì-kìsay a Yeesus Kiris ɓisuu ɓumɓɛ ɓɛ yin Ɓɛ̀yudɛ̀n, fɔɔnnɛ nɗooroòzì kìsay ki righagsì ɗi Syeesyee à Ɓɔlɛ à Bɛ̀ll, kɛɛ ri kìsay ki ki ri kìtɛnɛn, lɛ di ɓumɓɛ ɓɛ yin Ɓɛ̀yudɛ̀n ɓɛɛ ɓa fɛlɛ yɛ̀ɛ rìfa ɗi ɗyɛɛ̀ rɔɔghi Bɛ̀ll; ɗyɛɛ̀ɗi Kìtɛntɛ̀ɛ̀n ki Ǹghay ki mɛ tɛɛ̀zì.

RÒMƐŊ 16:19

Ɓi san ànɛ a lɔ̀ŋkin, ɓum ɓɛ̀cèm ɓɛ yii mɛ̀wog mɛ ɓì rì rì mɔ ɓi ɓɛg ànɛ yɛ̀ɛ Kan, ǹɗem wɛ̀m wɛɛ̀ pupuɓ ri mìni, fɔɔnnɛ kɛɛ̀ kɔ̀nkɔn mɛ lɛ ɓi ɓa rì ɗyomzɛ̀n ɓi rìkì ɗi kirɔɔ, ɓì ki ɓa ɓɛtɛnɛn ɓi rìlɛg ɗi kiɓe.

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

RÒMƐŊ 8:33

Ghɛn yɛ̀ɛ ri min ɓiì sɔmɛɛ ɓumɓɛ Bɛ̀ll à ɓɔ̀ngà? Bɛ̀ll yɛ̀ɛ ri roànɛ à ri kpaa lɛ mum à rì lɛ saaɗ.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

2 KƆ̀RƐ̀ŊTYƐŊ 10:5

rì mɛ̀tèɗ mɛcèm mɛ mɛɛ̀ kaakaa lɛ mɛɛ ɗuu rì rìyi ɗi ɓum ɓɛ ri lɛ ɓɛ yi Bɛ̀ll; fɔɔnnɛ ti kìlag com ki lɛ fèg bimiɗ a ɓa ǹkpàn, à ki kì Kiris mɛ̀wog.

KÒLÒSYƐŊ 3:12

Nni yɛ̀ɛ Bɛ̀ll à ɓɔ̀ngà mìni, à tɛɛ̀zì mìni, à ki keesi mini, ɓì ghɛ̀ɛ̀sɛɛ lɛ ɓì waatɛ̀n nɗem wu nyìinyìg, rì wu geesɛ̀n, rì wu sɛɛ̀dɛn ɓi zi, rì wu tɛ̀tɛ̀rɛ̀ɛ̀, rì rìnìɗ ɗi nɗem.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

2 TIMOTE 2:10

Kìɓan kiǹ kɛɛ̀ki nceecenɛ̀n mɛ̀tɔɓ mɛ̀cèm ɓisuu ɓumɓɛ ɓɛ ri ɓɛ̀ɓɔ̀nɛn lɛ di ɓɔ girig ɓɛɛ ɓa rì cɛɓ ki ki ri ɓi Yeesus Kiris bas rì rìkem ɗi fiɗyàɓ fikɔ̀ɔ̀.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 11:28

Lɛ rìgherɛ̀n innɛ à kìghà Paskà, à tɔg lɛ ɓɛɛ misi bwaɓ ɓi mɛ̀suunaa di fɔɔnnɛ ŋwaà-fìtom anɛ à ghɛ̀ɛ̀sɛ̀ngà kì cuusii ɓɔn ɓɛ ǹtonto, a rɔɓ kɛ̀ɛ cuusi ɓɛroɓɛ a Isirayɛl.

EBIREEGH 12:24

Ɓìi nkɛɛ̀ jàŋbog rì Yeesus ànɛ à rì ɓi nyìinyìm à nyɔɔnyɔn à rìràrɛ̀n ànɛ lɛ rì Bɛ̀ll rì ɓum, ànɛ bwaɓ yii yi yi kpagà yɛɛ̀ tòtòg yi cee yi Aɓɛl.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

1 PYƐƐRI 1:14

Ɓaana ɓɔn ɓɛ mɛwog, kɛ̀ ɓi nɔ̀ɔ̀ti ti ɓìɓeɓtàg ɓi ɓiɓan ɓi ɓi nti ɓi kɔngì mìni, ɓyɛ ɓi ɓì kìkìghà abɛ̀y di ɓì kaka ɓi rìɗim.

1 PYƐƐRI 1:19

lɔŋ rì bwaɓ yi Kiris yi yi ri gìn i com innɛ ɓɛ kweɗkà mìni. Kiris yɛɛ ri fɛlɛ yɛ̀ɛ man à jɔ̀ɔ̀ ànɛ à rì kɛ̀ɛ̀ fìsɛm, kɛ̀ɛ̀ kìpɛ̀mì;

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

2 PYƐƐRI 1:2

Geesɛ̀n rì fyòoog ɓyɛɛ teghɛn a lɔ̀ŋkin lɛɛ̀gwey lɛ rìyi ɗi ɓì yii lɛ rì Bɛ̀ll rì Yeesus Kiris à Kan wìs.

2 ZYAŊ 1:1

Mɛ̀ Ǹsɛ̀ɛ̀mɛn, mɛ̀ yɛɛ kani Kirya, giɓ anɛ Bɛ̀ll à ɓɔ̀ngà, rì ɓɔn ɓii ɓɛ ǹkeesii lɛ kɔɔ̀kɔɔ̀; nni àa mɛ̀ cɛ̀ncɛm yɛɛ keesii mìni, lɔŋ ɓum ɓɛ̀cèm ɓɛ ɓɛ yii saaɗ ɓɛ keesii girig mìni;

2 ZYAŊ 1:13

Ɓɔn ɓɛ goni à giɓ anɛ à rì girig m̀ɓɔ̀nɛn, ɓɛ togsaghiì wɔ̀.

ZYUUDƐ 1:2

Rìcenɛ̀n, rì fyòoog, rì ǹkɔ̀nɛ̀n ɓyɛɛ nɔ a lɔ̀ŋkin yɛ̀ɛ bwey.