1 PYƐƐRI 1:17 - Bafia Nouveau Testament

¹⁷ I roànɛ à ti à yɔ̀mgì mum bimiɗ lɔŋ yɛ̀ɛ mɛ̀kìkìì mii mɛ ri kɛ̀ɛ̀ ǹlànag, innɛ ɓì ti ɓì regì ɓi bɔ̀ŋzɛ̀n yin lɛ Seŋi wìn, rèsiina lɛ ɓì risii nyi ɓi gàɓ ì cààmɛ̀n ìnɛ ɓi ghaaghagsì ɓi ziinɛ,

1 PYƐƐRI 1:17 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MATYOO 22:16

Nni ɓɛ romgà ɓum ɓɛdɛŋ ɓɛ ɓi ǹɗaŋ waa rì ɓɛ ɓi ǹɗaŋ wu Eroodɛ, lɛ ɓɛɛ kali Yeesus lɛ: Ǹɗèsàg, tì yii lɔŋ lɛ ù rì ŋwaànɛ a kpaakpaa saaɗ, à ki rèresi ɓum bee inɛ yɛ̀ɛ Bɛ̀ll lɛ tɛntɛ̀ɛ̀n kɛ̀ɛ risi bimiɗ à mum, ɓisuulɛ, ù yin ɓiì seesee riɓa ɗi mum.

MATYOO 6:9

Ɓì ghɛ̀ɛ̀sɛɛ kì ɓɔ̀ŋzaagh Bɛ̀ll fɛlɛ: Tààta wìs ànɛ à rì aɗyoo

RÒMƐŊ 11:20

Ki ri lɔŋ fɔlɔɔ lɛ ɓɛ rengàkà myaɓ mɛǹ lɛ rìɓa ɗi mɛ ɓaghà kɛ̀ɛ̀ rìgherɛ̀n nni kɔ̀ɔ kaakalɛ̀n, ù ghɛ̀ɛ̀sɛɛ gì kì risii.

2 KƆ̀RƐ̀ŊTYƐŊ 1:2

Bɛ̀ll à Seŋi wìs ɓɛɛ̀ Kan Yeesus Kiris, ɓɛɛ fa mìni geesɛ̀n, rì fyòoog.

2 KƆ̀RƐ̀ŊTYƐŊ 5:6

Fɔlɔɔ nnɛ tì rì miì ɓɛ̀ronɛn ri ìtèɗ ɓi nɗem cààmɛ̀n kìcèm, tì yii lɛ cààmɛ̀n kìcèm ki tì kaka ɓi nyoo ìnɛ tì rì rì yɔ̀, tì kaka ɓɛ̀ràɓsɛn ɗi mɛɛ mɛ Kan;

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

2 KƆ̀RƐ̀ŊTYƐŊ 7:11

Ghɛɛna kɔm̀ ɓìɓan ɓi bim inɛ ɓìi nwoogh yɛ̀ɛ kɛɛ̀ kɔ̀ngi Bɛ̀ll ìi nkìi mìni; ghɛɛna rìkuu ɗi ritɔ̀n ɗi ìi faa mìni, ɗì rìkuu ɗi ɓi kpaakpaàsɛ̀n, ɗì rìkuu ɗi ǹ-yeesɛ̀n ɗi ɓì rì rì ɗyɔ ɓi mɛ̀rem, rìkuu ɗi kiɗyɔn ɗi ɓì rèsii, rì coo zày ìnɛ lɛ di ɓyàa ghɛɛ̀dii mɛ̀, ghɛɛna ɓà coo rifalɛ̀n ɗi ɓì ti rì ɗyɔ, rì coo rikɔ̀n ɗi lɛ ɓi pɔnɔsi kìɓe. Ɓìi nɗèsii zàɓ yi aɗyoo yìcèm lɛ ɓìi n-yisɛɛ ɓi ri kìɓan kiǹ.

GÀLAT 2:6

Ɓi san ànɛ a ɓumɓɛ ɓɛ ɓaghà yɛ̀ɛ ɓɛ̀kɛ̀ɛ̀sì ɓaa, mɛ̀ ǹtɔɔgh ɓi com rì rìɓa ɗyaa ɗiǹ , lɛ Bɛ̀ll à ti kɛ̀ɛ fiɓi riɓa ɗi mum, fɔɔnnɛ ɓɛ̀kɛ̀ɛ̀sì ɓɛǹ ɓɛ ɓaghà ɓi ri com ki ɓɛ sagtì ɓi ɓìɓan ɓi ǹɗèsìghà ɓɔ.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

EFÈZYƐŊ 3:14

Kìɓan kiǹ kɛɛ̀ki m̀ɓaagh mɛ̀ɗu ɓi zi ɓi mis mɛ Tààta,

EFÈZYƐŊ 6:9

Mìni ɓɛ̀masà, ghɛɓina girig fɔlɔɔ ri ɓɛ̀kpàn ɓin, kɛ̀ ɓi tamtam ɓɔ; ɓì yitì lɛ rì mìni rì ɓɛ̀kpàn ɓin ɓì rì lɔŋ Masà bog ànɛ à rì aɗyoo; nyii yin ɗi nlànag ɓi ɓum ɓɛdɛŋ.

FÌLÌPYƐŊ 2:12

Fɔlɔɔ nnɛ, mìni ɓum ɓɛm ɓɛ nɗem ɓɛ ɓyàa kìkì mɛ̀ mɛ̀wog, mɛ̀wog min mɛ̀ kɛɛ̀ sugtɛn lɔŋ lɛ cààmɛ̀n ki ǹɗì mìni jàŋbog, wɔ̀lɛ mɛ ghɛɛ̀sɛɛ kì ghɛnɛɛ ti à cee fɔlɔɔ, cààmɛ̀n ki ǹɗì mìni ki fìràɓ. Salina ɓisuu gòri yìn, rì coo bɔgsɛ̀n lɛɛ̀gwey.

KÒLÒSYƐŊ 3:25

Lɛ ŋwaànɛ a kìki ɓiɓan ɓi ɓeɓtɛn à ɓiì terì mɛ̀lèɓ mɛ mɛ ghɛɛ̀sɛɛ rì kìɓeɓtàg kii ki rikì, lɛ Bɛ̀ll à yin ɓiì làlanii ɓum.

EBIREEGH 12:28

Nni ti faana min Bɛ̀ll ɓìtògsɛ̀n yɛ̀ɛ tì teri kìlɔ̀ŋ ki ki yin lɛ ki kpig, tì ɓɔgsì nyi rìɓɔgsì ɗi ɗi ri lɛ ɗi rɔɔ nyi, rì mɛ̀wog, rì ìris.

EBIREEGH 4:1

Nni cààmɛ̀n kìcèm ki yɛ̀ɛ ǹkàg wulɛ ɓum ɓɛɛ ɗiŋi ɓi rìfɔɔsɛ̀n ɗii wu kaka, tì ghɛ̀ɛ̀sɛɛ kì konaagh lɛ, ŋwaàdɛŋ ànɛ ɓi mìni kɛ̀ɛ ɓa ri fèg ànɛ lɛ nyii kpaŋi di cààmɛ̀n kaa ceè.

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.