1 PYƐƐRI 1:12 - Bafia Nouveau Testament

¹² Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

1 PYƐƐRI 1:12 Iomraidhean Croise

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 2:26

Nni Kìtɛntɛ̀ɛ̀n ki Nghay ki rèsìghà nyi lɛ, àa wu ɓi di à ka ghɛn ɓi Kiris ànɛ Kan à ɓiì romìì.

LUKAS 9:6

Fɔɔnnɛ ɓɛ̀yilàg ɓɛǹ ɓɛ kɛngà, ɓɛ rereni ɓìlɔ̀ŋ di ɓɛɛ̀ kakali ɓum Syeesyee à Ɓɔlɛ, ɓɛ wɔɔ̀wɔ̀ɔ̀zì ɓum jàŋbimiɗ.

ZYAŊ 15:26

Yɛ̀ɛ m̀maasì-mɛ̀rem ànɛ ǹɗì ɓiì romiì à ɓiì yùu, nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ à pɛ̀sɛɛ yì yɛ̀ɛ Tààta, à ɓiì tɛɛ̀zii ɓum kìɓan kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 10:44

Yɛ̀ɛ Pyɛɛri à ɓaghà di a ka tòtog a ŋwɔm fɔlɔɔ, nni Kìtɛntɛ̀ɛ̀n ki Nghay ki sɛngày ki ɗiŋì ɓi ɓum ɓɛ̀cèm ɓɛ ɓɛ wowòkà ɓìtòkì ɓii ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 16:10

Ajɛ̀m ì ɓìdɛ̀ndɛm ɓi Pol ɓiǹ, nnɛ tì ghàskà kì kaà bee ìnɛ lɛ ti kɛǹ a Masedwan, lɛ tì konàkà kì ghɛɛ̀ lɛ Bɛ̀ll yɛɛ regii ɓìsi lɛ, ti kɛǹ kì kalii Syeesyee à Ɓɔlɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 4:8

Nni Pyɛɛri, ǹɗonɛn ri Kìtɛntɛ̀ɛ̀n ki Ǹghay, à ɓàkà ɓɔ lɛ: Mìni ɓɛ̀làmì kìlɔ̀ŋ rì ɓɛ̀sɛ̀ɛ̀mɛn ɓɛ a Isirayɛl,

MƐ̀KÌKÌÌ MƐ ƁƐKƐ̀NÌ-FÌTOM 8:25

Yɛ̀ɛ ɓɛ̀-Pyɛɛri ɓɛɛ̀ Zyaŋ ɓɛ ɓaghà di ɓaa rèsag ɓum ɓìɓan ɓi ɓɔɔ yighà, ɓi rarɛ̀n rì Yeesus, ɓɛ ki kali ti ɓɔ Syeesyee à Ɓɔlɛ à Kan, fɔɔnnɛ ɓɛ Sugtìghà a Yorisalɛm di ɓɛɛ̀ kakali ɓumɓɛ ɓi ɓìlɔ̀ŋ ɓi a Samari Syeesyee à Ɓɔlɛ.

RÒMƐŊ 1:15

Kìɓan kiǹ kɛɛ̀ki ǹɗì rì coo zày ìnɛ lɛ nghagsi girig mìni Syeesyee à Ɓɔlɛ, mìni ɓɛ ɓì rì a Rom.

RÒMƐŊ 1:17

Ɓisuulɛ Syeesyee à Ɓɔlɛ a rèresi yɛ̀ɛ Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n rì ɓisuu righerɛ̀n lɔŋ yɛ̀ɛ ki ri kìkànɛn lɛ: Ŋwaànɛ à rì mum à saaɗ ɓi mis mɛ Bɛ̀ll, lɛ rgherɛ̀n, à ɓiì ghɛɓì.

RÒMƐŊ 10:15

Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

2 KƆ̀RƐ̀ŊTYƐŊ 6:6

Ti rèresi lɛ tì rì ɓɛ̀kìì-ɓìsay ɓɛ Bɛ̀ll, ɓi rìtɛn, ɓi rìyi ɗi ɓiɓan, ɓi kìɓìɓi kis ki nɗem, ɓi kìpuɓì-nɗem ki tì rì rì kɔ, ɓi Kìtɛntɛ̀ɛ̀n ki Ǹghay, rì ɓi nkɔnɛ̀n ànɛ à yin ri mɛ̀ghèy,

GÀLAT 1:12

lɛ mɛ̀ɛmiɗ mɛ̀ ǹwokà ɓi Ɓɔlɛ ànɛ̀n rì ŋwaàdɛŋ, mum kɛ̀ɛ ki rèsi mɛ nyi, lɔŋ Yeesus Kiris yɛɛ kighà lɛ n-yi Ɓɔlɛ ànɛ̀n.

GÀLAT 1:16

ki kongà nyi lɛ a resi mɛ̀ Man wiì, lɛ nkakali kìɓan ki Man ànɛ̀n a ɓumɓɛ ɓɛ yin Ɓɛ̀yudɛ̀n, mɛ̀ ǹtɔgtìghà ɓi mum ɗyomzɛ̀n;

EFÈZYƐŊ 3:10

Fɔɔnnɛ à tumɛ̀n ɓigomìnɛ, ɓɛ̀làmì, rì mɛ̀tèɗ mɛ ɓi ɗyoo ɓi ɗùm, ɓɛ yii ɗyomzɛ̀n ɗi Bɛ̀ll, ɓi ɓìɓan ɓìcèm lɛ kìseŋi ki ɓɛgherɛ̀n.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

EBIREEGH 11:13

Lɔŋ ɓi rìgherɛ̀n innɛ ɓumɓɛ̀n ɓɛ̀cèm ɓɛ cuughà di ɓɛ ka teɗ ɓi ɓyom ɓi Bɛ̀ll à kàkà ɓɔ; kìɓan kifog ɓɛ ghɛngày ɓyɔ, ɓɛ ki nyààrɛn ri ɓyɔ di ɓi kakay fìràɓ, ɓɛ ki kpaa lɛ ɓɔɔ ri ɓɛ̀kèn ɓɛ ɓɛ ri ɓi rìghaàgh fɛ ɓi ziinɛ.

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.

EBIREEGH 4:2

Ɓisuulɛ Syeesyee à Ɓɔlɛ à mɛ kalɛn a lɔ̀ŋkis lɔŋ yɛ̀ɛ à kalɛ̀ngà a lɔ̀ŋkaa. Wɔ̀lɛ jɛ̀ɛ̀ ìnɛ ɓɛ wokà, ì ghɛɓsìghà ɓi com, ɓisuulɛ ɓɛ wokà yɔ̀, ɓɛ̀ kɛɛ̀ teɗ yɔ̀ ri rìgherɛ̀n.

1 PYƐƐRI 1:25

kìɓan kifog jɛ̀ɛ̀ ì Bɛ̀ll ì rì lɔŋ fiɗyàɓ fikɔ̀ɔ̀. Jɛ̀ɛ̀ ìnɛn ì rì jɛ̀ɛ̀ ìnɛ Syeesyee à Ɓɔlɛ à wogsìghà mìni.

1 PYƐƐRI 4:6

Kìɓan kiǹ kɛɛ̀ki Syeesyee à Ɓɔlɛ à kalɛ̀ngà girig a ɓìloŋ, a ɓɛ̀roɓɛ ɓɛ ɓaghà ɓɛ̀yɔ̀mɛn ɓi cɛɓ kaa ki mɛmùù lɔŋ yɛ̀ɛ ɓum ɓɛ̀cèm, lɛ di ɓɛɛ ɓa rì ìtèɗ wulɛ ɓɛɛ ghɛɓ yɛ̀ɛ Bɛ̀ll rì ìtèɗ wu Nghay.

ÀPÒKÀLIƁSƐ̀ 5:11

Nni ǹseesèèghà, ǹwog jɛ̀ɛ̀ ì kìtuu ki ɓum ɓɛ titom ki ki ceŋzɛ̀ngà ìkɔ̀ɔ̀ wu rilàmì, rì nyàm rì ɓìtùg ɓi ɓum; ɓum ɓɛ titom ɓɛ ɓaghà ɓɛ̀tɔɔsìm lɛ ɓɛ̀tɔɔsìm mɛ̀tin kɛ̀ɛ̀ bàlì.