1 PYƐƐRI 1:1 - Bafia Nouveau Testament

¹ Mɛ̀ Pyɛɛri ànɛ ǹɗì ǹkɛ̀nì-fìtom a Yeesus Kiris, ǹkànì ɓumɓɛ Bɛ̀ll à ɓɔ̀ngà, ɓɛ ɓɛ ri a gwèɗ, ɓɔ ɓɛ̀sààtakɛn ɓi ɓìlànà ɓi zi ɓi lɛ rì Pɔŋ, rì Galasi, rì Kapados, rì Azii, rì Bitinii.

1 PYƐƐRI 1:1 Iomraidhean Croise

MATYOO 10:2

Mii mɛ ɓumɓɛ à romgà ɓɛǹ ǹtɛ̀ɗ rì ɓɛɓɛɛ̀ mɛ ri lɛ: Ǹtonto, Simɔn ànɛ ɓɛɛ̀ regi lɛ Pyɛɛri rì Andire à geni; Zyag, man à Zeɓede rì geni ànɛ lɛ Zyaŋ;

MATYOO 24:22

I mɛ̀ru mɛ̀n mɛ̀ kɛɛ̀ ɓa kìden, di nsoò mum bog à yin lɛ à ghɛɓ; wɔ̀lɛ ɓisuu ɓumɓɛ ɓɛ ri ɓɛ̀rɔ̀tɛn nnɛ mɛ̀ru mɛ̀n maa finɛn ɓi.

MATYOO 4:18

Yɛ̀ɛ Yeesus à kɛ̀ɛ̀kɛ̀ɛ̀ghà ɓi bèn ì rìɓày ànɛ a Galile nni à ghɛngà rìgeni ɗi lɛ rì Simɔn ànɛ ɓɛ ǹɗegì lɛ Pyɛɛri rì Andire à geni di ɓɛɛ pìpig dam ɓi rìɓày lɛ ɓɛ ɓaghà ɓɛ̀pììgh-dam.

LUKAS 18:7

Bɛ̀ll à rì nya lɛ à rɔ̀ɓ lɛ à ɓàagh ɓi kiɓan ki ɓum ɓii ɓɛ à ɓɔ̀ngà di ɓɛɛ̀ ɓeeɓeràg nyi yɛ̀ɛ ìru, yɛ̀ɛ ŋwos? À rì nya lɛ à lɛ̀mzì ɓi ɓɛg wàa?

ZYAŊ 11:52

Àa lɔŋ kìlɔ̀ŋ kiǹ kɔ rì kɔ, à ghɛ̀ɛ̀sɛɛ girig kì wiì lɛ a taŋzɛn ɓɔn ɓɛ Bɛ̀ll ɓɛ̀cèm, ɓɛ ɓɛ ri ɓɛ̀sààtɛn, ɓɛɛ ɓa kìbyɔg kìfog.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 18:2

A tuusɛ̀ngà wɔɔ ri muu Ɓɛ̀yudɛ̀n àdɛŋ ɗii lɛ Akilas; ŋwaànɛ̀n à yalɛ̀ngà ɓi kìlànà ki zi ki lɛ Pɔŋ. A pɛ̀sɛ̀ngày a Italii ɓɛɛ̀ Pirisilya à giy, ɓisuulɛ rìfòm ɗi lɛ Kiloodɛ ɗi rengà lɛ Ɓɛ̀yudɛ̀n ɓɛ̀cèm ɓɛ a Rom ɓɛɛ pɛsɛn wɔɔ. Fɔɔnnɛ Pol à ràrɛ̀ngà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:23

Yɛ̀ɛ à kɔ̀rìghà wɔɔ gàɓ, nni à pɛ̀sɛ̀ngà tì, à reni zi ì Galasi bimiɗ, à ghaàgh min a Firizii, di a sìisiìràg ɓɛ̀yilàg ɓɛ̀cèm ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:10

Kìɓan kiǹ ki finɛ̀ngà bèg yiɓɛɛ̀, kɛɛ kighà lɛ, ɓum ɓɛ̀cèm ɓɛ a Azii, à tumɛ̀n lɛ Ɓɛ̀yudɛ̀n à kpaŋ lɛ Gìrɛg, ɓɛ wokà jɛ̀ɛ̀ ì Kan.

MƐ̀KÌKÌÌ MƐ ƁƐKƐ̀NÌ-FÌTOM 6:9

Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

MƐ̀KÌKÌÌ MƐ ƁƐKƐ̀NÌ-FÌTOM 8:4

Ɓɛ̀gherɛ̀n ɓɛ ɓɛ Saàtɛ̀ngà ɓɛǹ, ɓɛ Kɛɛ̀kɛ̀ɛ̀ghà jàŋ lɛ jàŋ di ɓɛɛ̀ ghaaghagsì ɓum Syeesyee à Ɓɔlɛ.

1 KƆ̀RƐ̀ŊTYƐŊ 16:19

Ɓìseŋi ɓi Kiris ɓi a Azii ɓi togsaagh yì mìni. Ɓɛ̀ Akilas ɓɛɛ̀ Pirisilya, rì kìseŋi ki ɓi naa yàà, ɓɛ togsaagh yì mìni ɓi Kan ɓiɗùm.

2 KƆ̀RƐ̀ŊTYƐŊ 1:8

Lɛ tì kɔ̀ni ɓi lɛ, ti caɗ mìni lɛ dùŋdùŋ, ɓɔɔsoŋ̀, ɓi kìɓan ki ki seesee ǹtɔɓ wu tìi ntanɛɛ rì wɔ a Azii. Tìi nghɛɛ ǹtɔɓ wu wu nɗìri ɓìsi ɓi nyoo lɛɛ̀gwey, wu cee gì ɓìsi ɓi-tèɗ, ɓi lèg ànɛ lɛ tìi n-yiìdi kɔm̀ rì ǹtyweeyi wulɛ tì rì ɓiì ɓatii ti ɓi cɛɓ.

GÀLAT 1:2

ǹɗaŋ ɗi ɓɔɔseŋi ɓis ɓɛ̀cèm ɓɛ tì rì fɛ rì ɓɔ, ɓisuu Ɓiseŋi ɓi ɓɛgherɛ̀n ɓi a Galasi.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

EFÈZYƐŊ 2:19

Fɔlɔɔ nnɛ ɓì yiìdi ɓɛ̀kèn nsoò lɛ ɓumɓɛ ɓɛ ri ɓi rìghaàgh, wɔ̀lɛ ɓigomìnɛ ɓì ti ɓumɓɛ ɓɛ ri kìlɔ̀ŋ kìfog rì ɓumɓɛ ɓi kìlɔ̀ŋ ki Bɛ̀ll, ɓì ki ɓa ɓumɓɛ ɓi naa ì ɓum ì Bɛ̀ll.

2 TIMOTE 1:15

Ù yii lɛ ɓum ɓɛ̀cèm ɓɛ ɓɛ ri a Azii ɓɛ nagà mɛ̀, ɓumɓɛ lɛ rì Fizyɛl rì Ɛrimozyɛn ɓɛ ri ɓi bàlì ì ɓumɓɛ̀n.

EBIREEGH 11:13

Lɔŋ ɓi rìgherɛ̀n innɛ ɓumɓɛ̀n ɓɛ̀cèm ɓɛ cuughà di ɓɛ ka teɗ ɓi ɓyom ɓi Bɛ̀ll à kàkà ɓɔ; kìɓan kifog ɓɛ ghɛngày ɓyɔ, ɓɛ ki nyààrɛn ri ɓyɔ di ɓi kakay fìràɓ, ɓɛ ki kpaa lɛ ɓɔɔ ri ɓɛ̀kèn ɓɛ ɓɛ ri ɓi rìghaàgh fɛ ɓi ziinɛ.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

1 PYƐƐRI 2:11

Mìni ɓɛ̀geni ɓɛ̀m ɓɛ nɗem, ǹtɔɔgh mìni ɓi rìɓa ɗi lɛ ɓì rì ɓɛ̀kèn ɓɛ ɓɛ ri ɓi rìghaàgh ɓi ziinɛ lɛ ɓi celi ɓìɓan ɓi ɓi ti ɓi yɛɛ̀yì mɛ̀mùù, ɓìɓan ɓiǹ ɓyɛɛ ri ɓi wɛ̀y ri ǹghay wu mum.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.